عند وصولك الى عبري ستجد بمدخل عبري وعلى يمينك مستشفى عبري أحسب من بعد المستشفى دوارين وبعدها تبي تجيك وكالة تويوتا على يسارك ومن بعد الوكاله مباشره دوار رح يمين لطريق مؤدي الى تنعم + حمراء الدروع مسافة 9 كيلوا تبي تجيك محطة بنزين ( شل ) لازم تعبي منها بالبنزين وبعد المحطه ب 100 متر تقريبا يبي يجيك ملف على يسارك بعد المسجد رح معه مسافة 88 كيلوا يبي يجيك دوار اسمه ( نتيه ) رح معه يسار مسافة 15 كيلوا بعدين يجيك ملف على اليمين مؤدي الى عويفيه لف معه مسافة 100 كيلوا بالتمام بعدها يبي يجيك طريق مسقط صلاله لف يمين بأتجاه صلاله وهنا تلتقي مع اللي جايين لصلاله مع طريق نزوى و بعد 25 كيلوا تبي تجييك محطة المها بالغابه لازم تعبي منها بنزين يتبقى عليك الى هيما 218 كيلوا هيما فيها 3 محطات بنزين متوفر فيها ومن بعد هيما تتجه الى سيح الغافتين 100 كيلوا فيها محطة بنزين ومن بعد سيح الغافتين تتجه الى قتبيت بمسافة 123 كيلوا فيها محطة بنزين عب فيها بنزين ولا توقف بأذن الله الا في ثمريت وهي على بعد 80 كيلوا من صلاله
المسافه من عبري الى صلاله عن طريق الطريق المختصر
من عبري الى ثمريت 860 كيلوا
من ثمريت الى صلاله 80 كيلو
المسافه من عبري الى طريق صلاله مسقط المختصر
المسافه 237
محطات البنزين
عند عبري محطة شل
ملف عويفيه محطة المها وهي بعد محطة شل ب 103 كيلو
بعدها محطة المها بالغابه وهي على طريق مسقط صلاله تبعد ب 125 كيلو عن محطة المها اللي على ملف عويفيه
هذا وصف مع ذكر المسافات

طيب اخوي متوقر البنزين .... يعني ما يحتاج نخاف انه ما يكون فيه ؟؟؟ السؤال عن البنزين هل هو متوفر بكثرة داخل المدن ؟؟؟
ايضا واخيرا كم يختصر على هذا الطريق ؟؟ من عبري وبعدها الطريق المختصر ؟؟؟ هل هو 100كم او 200 او 300 او ...؟؟

الطريق الثاني اللي عن طريق نزوى ما جربته وما ادري عن مسافاته
لكن حسب ما سمعت ان طريق عبري المختصر يختصر أكثر من 120 كيلو
البنزين بالمدن متوفر ما عندك مشكله
المشكله فقط بالطريق لانه طويل والمحطات قليله
بالنسبه للبنزين العام الماضي مشيت بالليل طول الطريق وكان البنزين متوفر في كل المحطات اللي مريتها
بالرجعه رجعت بالنهار فيه احد المحطات اللي في هيما مخلص البنزين والباقي تمام
المشكله دائما تحصلها في محطة المها اللي في غابه ما تحصل بنزين لان جميع المسافرين يعبون منها
وعلى هذا الاساس يبيلك تعبي من كل محطه لو عندك نص التانكي عب ولا انت خسران

نصيحة اخوي عبي البنزيين من كل محطة تمر عليها يمكن المحطات القادمة لا يوجد بها بنزيين لكثرة السياح
السنة الماضية قمنا بقلص سيارة خلص عنهم البنزين في منتصف الطريق لاعتقادهم للوصول الى المحطة التالية

وثاب
ملف عويفيه محطة المها وهي بعد محطة شل ب 103 كيلو
بعدها محطة المها بالغابه وهي على طريق مسقط صلاله تبعد ب 125 كيلو عن محطة المها اللي على ملف عويفيه
هذا وصف مع ذكر المسافات
ما شاء الله عليك يالحبيب .... أنا ساكن عبري والصراحة ما أعتقد أني أقدر أوصف نفس وصفك
فقط معلومة توجد محطة أخرى جديدة هي محطة نفط عمان بعد محطة عبري شل في نفس الطريق وتبعد عنها 40 كيلو تقريبا عند منطقة أسمها حمراء الدورع قبل الوصول إلى دوار نتيه ....
الطريق المختصر من عبري جميل جدا وذلك لكونه قليلة حركة السيارات فيه وخالي من الزحمة
أنا من عبري وهذا الطريق أسلكه بشكل أسبوعي وذلك كوني أشتغل في أحد حقول النفط ....

واحد متفيق
الله يحبك يالغالي
شاكر ومقدر لك اطرائك الجميل للوصف وهذا والله من ذوقك يالغالي
الطريق هذا مريته في بداياته عام 2006 وكذلك عام 2007 و2008 ومرتاح له كثير وان جينا هالسنه مريناكم في عبري
شاكر ومقدر لك مرورك العطر مع الشكر والتقدير لصاحب الموضوع

جزاك الله خير أخ وثاب....وياريت تعطينا وصف دقيق(لو أمكن) لبداية الشارع المختصر من خط صلاله الى عبري

من بعد هيما تقريبا ب 200 كيلو تجيكم لوحه على اليسار قرن العلم تعادوها بأتجاه مسقط وبعدها ب 20 كيلو تشاهدون على يساركم محطة واستراحة غابه استمروا بعد ما تتزودوا بالوقود مسافة 25 كيلو يجيكم ملف على اليسار بأتجاه الى عويفيه وعبري لفوا يسار تستمروا حتى 100 كيلو توصلون الى عويفيه انتبهوا للمطبات تراها كثيره ومباغته بعد ما تتعدون عويفيه مباشره يجيكم تقاطع لفوا يسار وتجيكم على يساركم محطة وقود المها استمروا مسافة 15 كيلو يجيكم دوار نتيه لفوا يمين مسافة 88 كيلو يجي نهاية الطريق حرف t لفوا يمين 9 كيلوا وانتم في عبري
اتمنى اني وفقت بمساعدتكم
وتوصلون بالسلامه

جزاك الله خير أخ وثاب....ماقصرت