الفندق عند دوار الشيراتون يم فندق الشيراتون بالضبط

alrashedq8
ما شاء الله عليك يالحبيب ... خلاص وصلت أنا !
أنا بالله عليك عرفت وين دوار الشيراتون علشان اعرف الشيراتون وين !!
يا ريت بس يا شباب تفاصيل اكثر دقة !

برشاهوليك
اخي الكريم
اذا وصلت لكويت بسلامه اسأل عن مدينه الكويت وذا وصل المدينه اسأل عن شارع فهد السالم وذا وصلت الشارع اسأل عن مجمع المثني اهو بجانب المثني وسمه الحالي جي دبليو ماريوت
الوصف
اذا كنت بطريق الملك فهد بتجاه مدينه الكويت اخر اشاره بطريق الي تدخلك علي المدينه تاخذه يسار وبعدين سيده لين يجيك دوار تاخذ الدوار يمين اول ماتلتفت يمين بتلاقي اعلان كبير وواضح مكتوب عليه الصالح لبيع الملابس العسكريه ادخل بنفس الشارع هاذا شارع فهد السالم تمشي بالشارع لين تجيك اشاره مرور اخذها يمين خمسين متر وبتلاقي الفندق بالوجه وعلي الشمال مجمع المثني
حياك الله

أخوي waleed_8q8 و الله ما قصرت ... بارك الله فيك ... و أتمنى لك التوفيق و السداد ...

أخوي waleed ما قصر شرحه حيل دقيق
لكن اذا ما عرفت ... اسال عن دوار الشيراتون
و من سأل ما ضاع
حياك الله بالكويت

زعطوطه
مشكورة أختي زعطوطة على مشاركتج .. و أنا إن شاء الله راح اسأل .. و مثل ما قال المثل .. اللى يسأل ما يتوهش !!

اذا كنت جاى من الحدود البرية منفذ النويصيب
امسك الخط هذا ( طريق الملك فهد ) وكملة على طول ولايردك شى
وبعد 120 كيلو من منفذ النويصيب باذن الله راح تتوقف عند
اشارة ضوئية وبهذا تكون وصلت الى مدينة الكويت ( العاصمة )
بعد الاشارة الضوئية اتجه يسار وراح تلقى دوار الشيراتون بوجهك
وبعدها ادعيلى يا الغالى
صور توضيحية
الطريق من منفذ النويصيب

الطريق من الاشارة الضوئية

وبالتوفيق ان شاء الله

على فكرة تم تغيير اسم الفندق الى ( جى دبليو ماريوت )
وبالتوفيق ان شاء الله

@عاشق الخيال@
ما شاء الله ... تبارك الله ...
إبداع ... إقناع ... و من ثم يأتي الإمتاع ...
و الله ما قصرت أخوي عاشق الخيال ...
بس كيف تغير اسمه ... أنا حاجز من الانترنت .. و الموقع الرسمي لشبكة Starwood العالمية ... المالك الرسمي للفندق !
و أزيدك من الشعر بيت .. أنا راح أوصل الكويت بالسلامة عن طريق المطار ...