كابتن
02-07-2022 - 03:32 pm
أغرب حاجة عرفتها عن مطار جدة أنه لما تكون جاي من رحلة داخلية وتبغى تواصل في رحلة دولية مع خطوط غير السعودية لازم تطلع من المطار وتدفع 60 ريال عشان توصل للصالة الشمالية والمخصصة للطيران الأجنبي أبي أفهم حاجة واحدة بس .. مين اللي مصمم المطار بهالشكل الذكي..؟
خصوصا اذا عرفت أن الطائرات تهبط على نفس المدرج وحتى الصالة الشمالية مهي بعيدة عن الجنوبية لكن لازم تطلع برى المطار وتقطع مسافة تعادل أربع أضعاف المسافة الفعلية بصراحة هذا شي غريب فعلا!!
فيه عندي تساؤل للي جرب السفر عبر الصالة الشمالية في مطار جدة
هل صحيح أنه ممكن تضيع عليك الرحلة لو ماجيت قبل خمس ساعات لأنك حتحصل الناس واقفين طابور برا المطار لأنك لايمكن تدخل المطار قبل مايتفتش عفشك؟
هل هذا الكلام صحيح ؟
والا يمكن الحضور قبل الرحلة بساعتين مثلا؟
أذكر أني قريت عن تجربة واحد في هالمنتدى ضاعت عليه الرحلة بسبب هالحكاية !
أفيدونا عن تجاربكم
اذكر مرة كنت جاي من رحلة دولية ترانزيت وبكمل للدمام
بهذلة وتخلف مافي غير موظف واحد يقص البوردينق وحوسة عند العفش ويالله ركض طعت فوق الحق ماتلحق على الداخلية