1. السلام عليكم ورحمة الله


2. اول شي شكرا لكل مشرفين واعضاء هذا المنتدى


3. 2- وجود رصيد بالبنك لا يقل عن 25 الف ريال


4. 3-المكتاب السياحية


5. بس لقيت فيه الفيزا ومدتها 8 شهور

السلام عليكم ورحمة الله

اول شي شكرا لكل مشرفين واعضاء هذا المنتدى

الموضوع هذا سبق اني كتبته وقعدت بالساعات اكتبه وارفق الصور والروابط ولكن المنتدى رفض الموضوع بسبب المشاركات قليلة ف اعتذر منكم جميعا ليومكم هذا صبري خلص ف بكتب الموضوع بسرعة للاستفادة ويكفي انه احد يستفيد ولو بشي قليل
اول شي الفيزا للمقيمين ومن ام سعودية (الكفيل: الام)
اول شي بعد تعب وجهد واسئلة وامال بالحصول على الفيزا وكلهم يقولون ما تطلع من مكاتب سياحية ..الى اصدقاء والاسباب هي
1-الجنسية

2- وجود رصيد بالبنك لا يقل عن 25 الف ريال

3-المكتاب السياحية

بختصر الموضوع اكثر : فكرت مع الشباب نروح لباريس ف كلهم مجهزين الشنقن حقتهم الا انا ف رحت لمكاتب سياحية وكلها لها اسمها كلهم يصرفوني ولا يطلبون اوراق غريبة ولا يقولون لا ما لك جنسيتك يرفضونها او انت طالب مافي احد يكفلك ..
ف قلت بعبي الابلكيشن بنفسي واعتمد على نفسي بكل شي
1-حجزت موعد
2-طبعت الابلكيشن وعبيته بنفسي عن طريق نفس موقع السفارة فيه نموذج بالعربي شفته وعبيت باللغة الانجليزية
3-حجزت فندق بموقع الماريوت وحجزت وطبعت حجز الفندق والغيته بعد الطباعة
4- جهزت الاوراق المطلوبة اللي هي
ا-صورة الجواز
ب-كشف حساب الكفيل(الوالدة) ويوجد فيه 25 الف
ج- تعريف راتب باللغة الانجليزية موجه للسفارة الفرنسية
د-صور
ه-الاقامة مترجمة مع ترجمة انه الكفيل سعودي وهي والدته
و- خطاب موجه للسفارة الفرنسية انه الكفيل هو المسؤول عن مصاريفي واخذته من احد المواضيع بالمنتدى
ز-واهم شي هذا صورة من جواز الوالدة ومع صورة توقيعها عليه
ح-تأمين من شركة ميد غلف
ط-حجز طيران وهمي سويته عند مكتب سياحي
اول ما وصلت للموظف ووريته الاوراق اخذها كلها ورجع لي كشف الحساب قال ما يحتاج دام راتب الوالدة يغطي تكلفة الفندق لمدة اسبوع وبس اخذ الاوراق وقالي روح ابصم وطلعت
وبعدها ب اسبوع بالظبط وصلتني رسالة اروح استلم الجواز واول ما استلمت الجواز توقعت انه بدون فيزا

بس لقيت فيه الفيزا ومدتها 8 شهور

وبالاخير اتمنى اتمنى منكم انكم ما تروحون للمكاتب السياحية وتروحون بنفسكم والاجراءات سهلة جدا وما يحتاج اي شي ولا يلعبون عليكم المكاتب لانه تعبئة الابلكيشن اسهل شي وبالاخير لازم تروح مع موظف المكتب السياحي للبصمة بالاخير ما استدفت اي شي !