أخي الحبيب الخبير
باقوس
هي كلمة و رد غطاها
دعوا بونشاك حاليا .. و توجهوا الى المدن الجميلة الأخرى
مثل سولو و جوقجا و سورابايا و مالانق .. حتى ميدان بسومطرة
و ما حنا ناقصين تنغيصات و مشاكل
شكرا أخي باقوس .. و نسأل الله أن يهدي شبابنا و يوفقهم
و أن يكف عنا شر الانتفاعيين و الانتهازيين ..

اشكر تفاعلك الدائم ونصايحك الذهبيه اخوي ابو الحسين
ويعلم الله ان الواحد يحزن إذا سمع اخبار مثل هذي ويتضايق جداً
والمشكله وصلت لجاكرتا الأن وليس الجبل فقط!!! شرطة جاكرتا شادين حيلهم على العرب،، انا استغرب منهم(( الاندونيسين)) مايبغون سياح؟
ولا الواحد مجبور انه ما يروح الا لديرتهم؟
والله مع احترامي لهم فيهم غباء شديد
كم من السعوديين هناك عندهم تجاره ويصرفون في اندونيسيا الشي العظيم لكن لا حياة لمن تنادي
حكومه غبيه للآسف

الله يهدي شبابنا ....... متى يتغير عندنا مفهوم السياحة الخارجية؟؟؟؟؟؟؟
والله ياشباب بعد ماوصلت من السفر من أندونيسيا إن أغلب الشباب إذا عرف إنها سفرة سياحة فقط يقولون لي أجل ليش تسافر؟؟؟؟؟؟ كان جلست هنا أصرف لك!!!!!!!!!
سبحان الله...... وكأنك إذا طلعت برا لا يكون هناك حسيب ولا رقيب...... نسأل الله السلامة؟!

اتصلت قبل قليل على احد الاخوة في بونشاك
و كنت امزح معه و قلت له المرة الجاية ما راح ازوركم بونشاك
طبعا سأل ليش ؟؟؟ قلت له عشان تداهموني و تودوني السجن
قال : المقصود الرئيسي من حملة البوليس القبض على بائعات الهوى
و طبيعي ان يتم القبض على المرافقين الذكور ...
و قال الاوضاع طيبة .. بس الانسان يكون نظامي و ياخذ حذره ..

نسأل الله أن يهدي شبابنا

أخوي bagus اتفق معك فيما قلته .. الأفضل أن الإنسان يبعد عن الشر ويغني له .. بالنسبة للشرطة الإندونيسية وأفعالها بالسياح العرب .. جمعني مجلس واحد من الشباب مع سكرتير السفير السعودي بإيطاليا، وعرضت عليه أمر ما يحدث في إندونيسيا، وسألته: (كيف نتصرف نحن السياح العرب في هذه الحالة)؟
فكان رده التالي: (إذا وقفوك الشرطة الإندونيسية وطلبوا منك فلوس، لا تعطيهم واتصل بالسفارة وقتها وعلى طول يرسلون شخص يشوف الموضوع ويكتب تقرير بالحادثة وأسماء رجال الشرطة، ويرفع التقرير للسفير، وممكن تتخذ عليه إجراءات ترفع لجهات رسمية بحكومة جاكرتا كشكوى رسمية ... لكن إذا رحت للسفارة تقدم شكوى بدون أثبات أو أسماء رجال الشرطة، ما راح يقبل بدعوتك رفع شكوى)
وقلت له عن المطار وطلب كاونتر الجوازات "الهدية" من السعوديين .. وجلس يضحك وقال (بالذات إذا كنت في مكان حكومي لا تخاف على نفسك، ترى هم اللي يخافون منك إذا كنت ماشي سليم وما عندك مشاكل .. وجرب في حالة صارت لك مشكلة تتصل بالسفارة، وصدقني بتشوف شيء غير المتوقع من التعاون .. وإذا في حال ما تعاونت السفارة بإمكانك تكتب خطاب شكوى لوزير الخارجية ترسله بالبريد بأسماء الموظفين اللي بالسفارة والشكوى .. وبتشوف الأمير سعود الفيصل وش يسوي فيهم).
تحياتي للجيمع وخاصة أخوي bagus طارح الموضوع الذي يحتاج بحث وحل مناسب.

الشباب يستاهلون اكثر من كده على اساس يتادبو ولا يتباهون بالفواحش
ومثل ماقال اخونا bagus
الله يستر......... ويهدي شبابنا ولا يترززون قدام الخلق بالبنات اللي معهم
على الاقل إذا بليتم فاستتروا

و انت الله يهديك خربتها وقلت ان الامور مع الشرطة تعبانه عشان البنات ،،،
اخي الكريم انا لو قدرت اتعاون مع الشرطة الاندونيسية لفعلت
الان ينظر الى الخليجي الذي لا يعاشر البنات بأنه مريض او من الجنس الآخر من السمعة اللي زرعوها زوار ذلك البلد
اتقوا الله و اعطونا مواضيع تفيدنا بالسياحة ياأخوان

أهلين بالجميع
حبيت أشاركم شوي في الموضوع وخصوصاً مشاركة أخونا ( نجم الليل )
كلام زميلك أو صديقك جميل لكن وين التطبيق خصوصاً من سفارتنا
أنت حاول تتصل عليهم يوم من الأيام شف أحد بيرد عليك وإلا يرفع المساعة .. ما أضن
ثانياً يأخوي ... أقولها لك وأنا واحد من الناس إلي جربوا مع السفارة بخصوص قضية شرطة وحكومة
تعرف ما رد السفارة السعودية بإندونيسيا .....
يقولون ( بعد أن يكتمل التحقيق لدى الجهه الحكومية ( الشرطة الاندونيسية ) ولمدة ثلاث شهور ( يعني خس عندهم ) ويمكن يصدر الحكم عليك ... تتدخل السفارة للنظر في ملف القضية .. ( يعني يناظرون بس )
وإذا كلت الحكم سواءاً ظالم أو مظلوم ... يأخذ التحقيق مجراة وتطبيق الحكم حتى خروجك من الحكم .. طبعاً في لحظات الحكم والتحقيق ... تدفع ما وراك ودونك وسرق ونهب من الاندونيسين والناس إلي تحاول تتوسط لك ( طبعا الواسطة حضرمي .. أغسل يدك )
وتقولي بعد الكلام هذا اتصل ... اقول ردد يا لليل ما أطولك .. أقول انحش من الديرة خربت