وعليكم السلام ورحمة الله وبركاته
حياك الله المدة قليله جدا اذا تقدر تزودها افضل في حدود 13 او 14 يوم
وان شاء الله مبدعين البوابه مايقصرون معاك

يعطيك العافيه يا خويه ابولينا على الرد
انااخترت 7 ايام لان رمضان بيصادف تاريخ 9 او 10
فما عندي مجال ابداا .. لان ابغي ارجع البلاد قبل رمضان ^^
يمكن تكون من 1-7 لين 8-7
وللحين محد رد علي من المبدعين ياخوك ^^
بس ردك يسد يالغالي
وبيض الله وجهك ^^

وانا اضم صوتى لصوت اخونا ابو لينا
المده قصيره جدا والرحله طويله ومتعبه
9 ساعات فى الاتجاه الواحد بدون توقف
يعنى لو شلنا يومين الذهاب والعوده مابقى شئ
اضافه الى سفرك فى وقت اجازه وزحمه وارتفاع الاسعار
من رأئى انك لو لسى ما حجزت التذاكر تغير الوجهه الى تركيا مثلا
وننتظر مزيد من اراء الخبراء

يعطيكم العافيه يا إخواني ما تقصرون
أنزين مب مشكله
إذا قلنا من تاريخ 30-6 لين 12-7
تكفي هالفتره ؟
يعني إخر 3 أيام بتكون في أيام الشهر مبارك رمضان
وكيف أجواء رمضان في اندنوسيا !
أتريا رد الخبراء ووجهات نظر الكل في الموضوع
والسموحه لو طولت عليكم

الله يعافيك اخوي السفر في رمضان ماجربته لكن ارى انه مرهق في اي بلد وخاصة في النهار والاستمتاع بالجو والنشاطات لايحلو الا في النهار
يعني نقول الرحله من 30 يونيو الى 9 يوليو شوف هذا الجدول ان شاء الله يناسبك وخصوص انه شهر عسل
الوصول يوم 1 يوليو جاكرتا واذا الوصول بدري وفيك شده تقدر تاخذ لفه في شاطئ الانشول
يوم 2 الطيران لبالي صباحا والجلوس في بالي يوم 2 3 4 5 6 تقدر تنوع في السكن من فيلا بمسبح خاص وهي بكثره في سيمنياك وأونغاسان وجيمبران
والسكن في فنادق كوتا والخدمات جنبك من مطاعم وغيره
يوم 7 الطيران لجاكرتا والسكن في بولمان سنترال بارك مميز للعرسان يوم 8 الذهاب للجبل وتحديدا تمان سفاري ساعه ونصف وانت واصل والجلوس فيها من الصباح الى العصر وبعدين ارجع جاكرتا
يوم 9 الرجوع واعتقد انه يصادف اول يوم من شهر البركات والغفران ياليت تذكر مدينه سفرك تذاكرك احجزها من الان داخليه او خارجيه
نحن في الخدمه اخي العزيز دمت بود