أولا مبروك الزواج وثانيا يوجد تقارير مثبته فى البوابه تقدرين تستفيدين منها.

وعليكم السلام ورحمة الله وبركاته ..
ألف مبروك على الزواج أولاً ..
هذه جداول تفيدك في تخطيطك لرحلتك إن شاء الله وفيها كل ما تريد من خيارات مدن وأماكن سياحية وفيها خيارات سكن
راقية تناسبك وتناسب شهر العسل ..
https://artravelers.com
الميزانية الأفضل كيومية صرف بين 200-250 دولار تشمل السكن والأكل والمواصلات والرسوم ..
أعتقد التكاسي أفضل لك لأن عددكم قليل ولا تحتاجون السائق الخاص إلا بالجبل والتكاسي متوفرة بكل مكان وبشكل
مرتب في كل المطاعم والمولات ولك الخيار ..
هذا موضوع للسائقين ممكن يفيدك حسب تجارب الأعضاء لهم والثناء عليهم ..
أرقام السائقين فى إندونيسيا - منتدى العرب المسافرون https://artravelers.com
بالنسبة لحجوزات الفنادق يمكنك الحجز عن طريق مواقع الإنترنت مثل booking & agoda وغيرها أو من هناك بعد الوصول
وتجد مكاتب للحجوزات في المطار ..
أهم النصائح التخطيط الجيد للرحلة واختيارات الفنادق المناسبة 4-5 نجوم والحجز المبكر للتذاكر ..
بالتوفيق والجميع معك بأي استفسار أو سؤال أو نقطة غير واضحة ..

مبروك اخوي بس حاول تحدد اول شي المناطق اللي تبي تروح لها وبعدين تقدر تفصل جدول لكل يوم وتسهل على نفسك امور كثيره

mohdrn
اخواني انا زواجي بعد شهر ان شاء الله وحجزت على اندونيسا على الخطوط السعودية شهر العسل لمدة 14 يوم
الف الف الف مبروك يااخوي واحسنت الاختيار اندونيسيا بلد جميل
وتستحق ان تكون وجهة شهر عسلك.. الله يجعل ايامك كلها عسل ..
واذا تقصد الخطوط السعوديه يعني القرنبع السعوديه الله يخارجنا
ماعندنا ارخص منها بالسعوديه ..
اخوي المده 14 يوم شامله ايام سفرك والا بدون لازم تحدد ياغالي !!
بس المشكلة ما ني عارف وين اروح بحكم اول مره اصلا اسافر بره المملكة
اندونيسيا مثل الكتاب المفتوح مافيها ادنى غموض شخصياً من سفره وحده
لها عرفت اهم اماكنها السياحيه المحببه من اغلب الزوار والسياح لها ..
يعني ماعندك ادنى مشكله من هالناحيه البسيطه جداً ..
اندونيسيا كانت وجهة سفري الاولى لجنوب شرق اسيا ..
وهي بحق وحقيقه بلد جميل ورائع وممتع بمعنى الكلمه ..ابغى منكم تفيدوني بعدة استفسارات
ان شاء الله افيدك قدر المستطاع ..1- السفره كم تكلف تقريبا طبعا ما عندي نية اروح بالي
وليش بالي لا !!
كذا زعلت خبيرنا وحبيبنا ونجم بالي .. نجم الكويت ..
اخوي العزيز بالي جزيرة بمواصفات عالميه واللي يقولك انو ماتنفع عوايل
مع فائق احترامي فهو مخطئ تماماً جزيرة بالي من اجمل الجزر الموجوده ع سطح
الكره الارضيه .. من جميع النواحي .. الترفيه .. الاسعار .. اماكن التمشيات .. الخ ..
المهم قدر المستطاع الابتعاد قدر الامكان عن شاطئ كوتا في المساء فقط ..
والذهاب وقتها لشاطئ الخيال .. شاطئ الغروب .. جمبران .. والرومانسي بمعنى الكلمه ..2- ايش الخطوات الي امشي فيها بالسفره
الاهم تحديد موعد سفرك وشهر عسلك المنتظر والحجز من الان ..
اسعار التذاكر في ازدياد بسبب قرب الصيفيه ..3- ايش الفنادق الي تنصحوني فيها تكون امنه واسعارها مناسبه وكيف احجزها
ع حسب طلبك وعندك موقع بوكينغ واجودا ..
او الحجز ع طريق مكتب كاها حين وصولكم بالسلامه للعاصمه جاكرتا ..4- عندكم جداول مقترحه للسفره تنصحوني فيها
تمت الاجابه ع هذا السؤال من الاخوان الله يعطيهم الف عافيه ..5- ممكن تفيدوني بأرقام سائقين هناك يكونوا تمام في تعاملوهم واسعارهم
اخوي ذكر لك اخوي العزيز المصباح اجابتك ..
ولا تشيل هم التعامل شيل هم زواجك واتمام فرحتك المنتظره ..
اندونيسيا بلد روعته وجماله منعكس ع شعبه الطيب والذين تعامهم اكثر من ممتاز
وهو شعب مبستم بطبعه ..
والاسعار من 150 ريال في اليوم الى 180 ريال
يعني من 400000 روبيه الى 450000 روبيه ..اسف على الاطاله بس والله اخوكم حايس للاخير ما ني عارف شيء
ان شاء الله اكون افدتك بشئ بسيط ..
تحياتي لك وشهر عسل جميل ورائع في ربوع عمتنا الحبيبه والغاليه ..
اخوك .. عاشق الشلالات ..

شهر عسل وبدون بالي مايسوا صراحه
قمة الرومانسبه والدلع في منتجعات وفنادق بالي

ام هتونه جبتيها في الصميم يسلم تمك ..

اخواني و اخواتي شكرا لكم جميعا على تعاونكم
والله يبارك فيكم جميعا ويجعل ايامكم ان شاء الله كلها فرح وسعاده
بصراحه ريحتوني كثير فشكرا لكم
بالنسبة للسفره موعدها ان شاء الله من 23 ابريل الى 8 مايو والتذاكر ولله الحمد قصيتها
اما بالنسبة لبالي احس راح تاكل عليا مصاريف كثير لانه بصراحه حاط مزانية تقريبا 15 الف ريال

1. خلاص هذا ترتيب جدولك من شخصي المتواضع وان شاء الله يعجبك ..


2. ولذلك خصصت لك اكبر مده جاكرتا حر ورطوبه


3. والافضل لك التقليل جدا من التواجد فيها قدر الامكان

mohdrn
والله يبارك فيكم جميعا ويجعل ايامكم ان شاء الله كلها فرح وسعاده
اللهم آمين وانت كمان الله يتمملك فرحتك
ويجعل ايامك كلها عسل ويوفقك في حياتك الجديده ..بصراحه ريحتوني كثير فشكرا لكم
تسلم هذا من طيب اصلك ..بالنسبة للسفره موعدها ان شاء الله من 23 ابريل الى 8 مايو والتذاكر ولله الحمد قصيتها
عدد ايامك الفعليه للسفر 14 يوم ..اما بالنسبة لبالي احس راح تاكل عليا مصاريف كثير لانه بصراحه حاط مزانية تقريبا 15 الف ريال
مافيه اي مشكله الرأي الأول والاخير لك ياعريس ..

خلاص هذا ترتيب جدولك من شخصي المتواضع وان شاء الله يعجبك ..

4.. 25 ابريل جاكرتا (يومين) السكن في شقق الاستون لانه قريب من مدينة انشول الترفيهيه الرائعه جداً
ويوجد في انشول دينا فنتازي للالعاب (ملاهي) ومدينة سباحه اسمها (اتلانتيس) ومطعم سمك لذيذ وجميل اسمه بندر جاكرتا ويوجد رحلات يوميه للجزر القريبه من شاطئ الخيال شاطئ انشول ويوجد ايضاً مدينة البحار تشوف انواع السمك حولك وكانك في قاع البحر ويوجد ايضا تلفريك
يلف بيك مدينة انشول كلها ..
ويمكن زيارة تمان ميني وهي قريبة من جاكرتا ..
وزيارة البرج التاريخي لاندونيسيا ومعلم مهم جداً للاندونيسيا برج موناس ..
ومسجد الاستقلال .. وهناك متحف كثير موجوده في العاصمه ..
وهناك مطاعم عربيه مشهوره مثل مطعم الباشا اللذيذ ومطعم الجزيره وكلها في شارع رادان صالح ..
واهم الاسواق في جاكرتا منقادوا وتمان انقريك والاتريوم لوجود الاخير فيه صرافات ومطعم بيتزاهات ..
627 28 29 30 1 (ابريل/مايو)(ستة ايام) (البونشاك ((الجبل)) .. وبوقور
جو البونشاك جو عليل ورائع وبارد نوعاً بالليل(رومانسي يعني)

ولذلك خصصت لك اكبر مده جاكرتا حر ورطوبه

والافضل لك التقليل جدا من التواجد فيها قدر الامكان

السكن في فندق سيروني 3 والبعد نهائياً عن اي مجمعات سكنيه ويمكن الذهاب الى تمان سفاري والبراشوت وتمان مطهري وبحيرة الليدو وحديقة الزهور ومزارع الشاهي وسوكابومي ((مكان يخصص له يوم كامل ووهو يبعد عن الجبل ثلاث الى اربع ساعات ذهاب ومثلها عوده ولكنه مكان يستحق بحق وحقيقه الذهاب له .. وهناك مطاعم عربيه كثيره في الجبل مثل مطعم كماننا والسعوديه ولكن الافضل تآخدوا معاكم بعض النواشف من السعوديه مثل الاجبان والرز والسكر والشاهي وقدر ضغط لو حاب تآخدوا فله في الجبل او شراء هذه الاشياء من جاكرتا من كافور الموجود بكثره في العاصمه
واعتقد انه موجود سوق المنقادوا
2 3 مايو الذهاب الى باندونق من الجبل والمسافه من ساعتين الى ثلاث ساعات اماكن التمشيه هناك منتجع ساري اتر ومزارع الفراوله والاناناس وفوهة بركان مشهوره هناك اسمها تانكو براهو ..
والسكن في منتجع ساري اتر
4 5 6 الرجوع لجاكرتا والاستعداد للسفر للوطن وشراء بعض الهدايا والتذكرات ويمكن السكن في شقق كازبلانكا او اريدوتا سمنقي ..
تحياتي لك ورحله سعيده وموفقه في عمتنا الحبيبه ..
اخوك عاشق الشلالات ..

اخوي عاشق الشلالات شكرا لك
انني عاجز عن شكرك فلك مني كل الاحترام والتقدير