الماركات المقلدة ( اذا هذا اللي تقصدينه )
بتحصلينها في سوق نايف الشعبي
اما ماركات و مخفضة ما سمعت فيها

اهلا travelerمشكور على المرور انا قصدي ماركات تكون انتهى موسمها يعني حقت فصل الشتا اللي فات مثلا يودونها لمحلات ثانيه يبيعونها فيها مع خصم عليها احيانا يوصل لثمانين في الميه وتكون معروفه واصليه زي كنزوا وديور وكالفن كلاين وغيرها يعني .

هلا اختي
وعليكم السلام ورحمة الله وبركاته
للأسف دبي مافيها كذا
بس اتذكر من كم سنه رحت لمحل قوتشي وفندي بأبراج الإمارات وكان فيه قسم للأشياء اللي عليها خصم جامد بس موديلاتها سخيفه واغلبها اللي تكون ليمتد ومطليه ذهب يعني حتى بعد الخصم تطلع لك بحدود العشرين !
بس الماركات بشكل عام هناك أحلى من عندنا لأنها ماتخلص بسرعه وكمياتها اوفر وأسعارها ارخص بشي بسيط
مثلا بلوزه كفالي لقيتها عند باكو هنا ب 3500 وبعد الخصم ب 2400
وهناك قبل الخصم ب 2200 وبعد الخصم ب 1300 وبالمحل نفسه
شي يقهر نحس اننا مستغفلين هنا
بالتوفيق ورحله موفقه

بالنسبة لي ما عدت أضمن اللي يباع بدبي
مرة كنت في احد الدول و لقيت ماركات مقلدة بحدود 15 درهم و لما رجعت لدبي شافوها علي نفس محلات هذي الماركة و سالوني من أي فرع لهم اشتريتها و لما خبرتهم ان هذي الماركة اللي كنت لابسها مقلدة و طبعا تقريبا كانت تباع عندهم ب 200 درهم قال لي اللي يشتغل بالمحل لما طلعت جيب لي 100 حبه من هذي الماركة المقلدة و انا راح اشتريها منك ب 80 درهم فبعد هذا الموقف كرهت اتعامل مع هذي المحلات و لذلك اذا بغيت ماركة و اصلي آخذها من الكويت بس غالية شوي و الله يعيني

Traveler
عزيزي المحلات الكبرى وخاصة المتواجدة في المراكز والمولات لا تشوه سمعتها ببيع بضائع مقلدة .. وهي في الجانب الآخر تخضع للرقابة من البلدية
ممكن اتكون حالة فردية .. ولكن تأكد دبي ما حققت النجاح كله .. الا بثقة المستثمر والتاجر بنظافة البيئة التجارية من الماركات المقلدة والتي تهدد صاحب الماركة الاصلية

انا غير
trveler
sniper ad
مشكورين على المرور الكريم .. مو معقوله مايكون في دبي اوت لت والسعوديه فيها عندنا شركة السواني
ورباعيات تتضمن ماركات كثيره واذا انتهى موسمها ترسلها لمحل اسمه كازاليتشو موجود عندنا ويكون عليه خصم 80% بعد اكيد دبي فيها لانها مدينه عالميه ..
تحياتي...