1. 1تلفون نعيم السائق وهو يتكلم عر بي زين 919844456707

أختى الكريمة انا سكنت ببنجلور هذا العام اكثر من شهر وتعرفت على الكثير من الأخوة المسلمين ، بعطيك تلفون بعض الأخوة المسلمين اتصلى عليهم وسوف يوريك شقق وغرف كثيرة في منطقة فريز تاون وكل شئ حولك بقالات مطاعم محلات خضار وغيرها ، وهي رخيصه وقد وورني الكثير منها ، الحقيه المنطقة زينه بس يكثر بها الشحاذون وما حبيتها لهذا السبب رعم ان المسلمين يمثلون الأعلبية ، وتسمعين الأذان ، عمومابخصوص العود اشوفهم يطرون محلات اجمل واذا رحتى الكمرشل استريت اى سواق اوتو على طول يعرض عليك التوصيل لمحلات اجمل حتى لو لم تطلبي ، هناك محلات حكومية لو اتصلت بالسائق نعيم سوف يوديك وهو امين وسوف يساعدك اقترح عليك السكن في الشقق المقابلة لليو بي ( ub city واسمها ميلانج قمة في النظافة وعندهم استديو غرفه واحده وموقعهم احلى موقع من وجهة نظري كل شي قريب بس الأذان انسيه بس موقع من وجهة نظري لا يعلى عليه البارك بجنبك واليو بي بكل مطاعمه ومقاهيه امامك وام جي رود تروحين مشي ،
اقترح الاتصال على الأخ محمد اعظم وهو هندي عاش في الامارات 25 سنه ويتكلم عربي بطلاقه وسوف ياخذك لهذه الشقق وغيرها لأنه سمسار وهو امين وقولي له من طرف الدكتور عبدالرحمن وسوف يهتم بك تلفونه

1تلفون نعيم السائق وهو يتكلم عر بي زين 919844456707

ايضا فيه شقق سعرها حلو اسمها هوم ستى قريبه من ام جي رود وعندهم غرفه واحده بس لا تقارن بيملاج اقترح تروحي تشوفي ميلانج وحتما ستعجبك واسعارهم مره حلو انا اخذت غرفتين بحوالي 4500 كامل الغرفه الواحده اعتقد في حدود ثلاث الاف او نحوها والله ما اعلم بس اقترح خذيها عن طريق اعظم لأنه يعرفهم ويعرف غيرهم وسلمي لي عليه. تحياتى وشهر مبارك

ابو عمر
ربي يوفقك كفيت ووفيت ياخوي ابو عمر
شفت بالامس واليوم كذا سكن ولكن بالاخر تم الاتفاق بيني وبين زوجي
على البقاء بنفس السكن اللي احنا فيه على بريجيت رود والحمدلله نسمع الاذان بس بعيد شوي عننا
والجو الرمضاني هالكم يوم بنروح لاامبير لانهم مسلمين وعندهم مصلى ويسوون فطور وسحور
اما فريزر تاون هوونا عنها زي ماقلت انت ماهي مناسبه ابد
والشقق اللي جنب اليو بي مول موقعها يجنن بس فضلنا البقاء بنفس السكن الحالي عشان مانتعب بالتنقلات
والعود الحمدلله لقيت لي محل شكله كويس جربت العود من الامس الى اليوم وريحته اوكي
بكرى بإذن الله بنشتري منه اما اجمل عجزت اهضمه حتى بمومباي كل من شاف وجهي قالي اجمل
ومحمد اعظم ياحليله هو وسوالفه اللي تصك الراس هو رفيقنا من جينا بنقلور
ماخذه رقمه من صديقتي واتصلت عليه وجاء لنا
وابشر يوصل سلامك
عاجزه عن شكرك اخي ربي يكتب لك الخير ويحقق لك كل ماتتمناه
جزاك الله خير واسكنك الجنان ووالديك . آمين
.

ربي يوفقكم ان شاء الله وشهر مبارك ، ميزة شقق ميلانج التى التىت ذكرتها اضافة الى الموقع مقابل اليو بي ستى وهي ليست الشقق التى في اليو بي نفسها ذيك نار غاليه جدا سألتهم عن ثلاث غرف حسبتها ليقيتها تكلف خمسن الف ريال سعودي في الشهر قلت لهم والله اشترى شقه اصرف لي ، شقق ميلانج اسعارهنم حلوة وموقعهم احلى ايضا عندهم دش عربي عرب سات تطلبينه ويؤجرونه عليك تدفعين اول مره الظاهر ثلاث ميه روبيه وكل القنوات العربية الحكومية تشاهدينها اما التجاريه ما تطلع . يمكن يونسكم في رمضان ، ولا يفوتكم البرحي لقيته في شارع برجيدت ستريت والله برحي زي حق القصيم وطازج وسعره مره رخيص . ايضا فيه مطعم لبناني في اليوبي ستى عندهم كل الأكلات اللبنانية ، بس الخبز عندهم غالي مره ، ايضا السوبر ماركت الى تحت في شارع ال ام جي رود لقيت عندهم كل الأشياء الى عندنا مثل الجبنة والخبز والشطه والتونه والحليب الطازج واللبن وغيرها من المتطلبات التى يفتقدها الاحد في الهند شوفيه في بدايه ال ام جي رود اعتقد اسمه Food Worldو هو ليس سبسر الى جنب المقهى هذاك برضه عنده بس ماهو مثل الأول معظم بضاعته هنديه ايضا اذا بتطولون كافرفور بيفتح في بنغلور عشره سبتمبر بس ما اعرف موقعه بالضبط . وكل عام وانتم بخير .

ابو عمر
آمين ويوفق الجميع يارب
بصراحه اخوي ابو عمر حمستني للشقق بس مدري مايسوى النقل
كل اللي جالسينه كم يوم وبنرجع للسعوديه ن شاء الله
بشوف بكرا اذا ربي كتب احاول اشوفها
وماشاء الله عليك توصف الاماكن والاشياء كانك معانا ههه .. صدقت البرحي شفته قبل كم يوم وضحكت
شكله غريب بين فواكه الهنود ..
والسوبرماركت ماعرفته وش فيه جنبه او حوله عشان اروح له بكرا ان شاء الله
اللي رحت له ولقيت عنده جبنه كرفت علب وجبنه البقره الضاحكه مثلثات هو سوبرماركت قدام ماكدونالد تقريبا
قدامه محل فواكه بعدين درج تطلع للماركت ..
مشكور يارب يوفقك وانت بخير ربي يتقبل من الجميع الصيام والقيام
.

اخوي ابو عمر
عرفت السوبرماركت ورحت لها امس من جد حلوه
وكمان للفائده في على نفس الطريق بس قبلها سوبرماركت وكافيه ومخبز مره كويس وشغله حلو
ربي يعطيك العافيه ويوفقك
.

ممتاز الحقيقه الواحد اذا وجد الأكل الذي يريده يفرح وانا اعجبنى هذا السوبر ماركت لوجود بعض الأشياء لا توجد في غيره مثل الحليب الطازج واللبن الطازج كدت ان أيأس من وجوده في الهند ما عندهم الا الحليب طويل الأجل بس في هذا السوبر ماركت يجيبون الحليب طازج يوميا وكذلك اللبن . وترى على فكره لهم فرع كبير جدا وهذا رابطه يمكن يعجبكم وتلقون فيه كل ما تحتاجون لأن هذا السوق متخصص في البضائع العالمية ما هو هندى شوفي الرابط المرفق و وكذلك تلفوناتهم وعنوانهم خلي السواق يوصلكم له يمكن تلقون كل ماتحتاجون لا وبعد يوصلون للبيت لأى مشتريات تزيد على 500 روبيه بشرط أن يكون المنزل لا يبعد أكثر من ثلاثه كيلو .
العنوان والتلفون
No.740 Eswari industrial Estate,
Gate No 2 Hullimavu,
Bannerghatta Road
Bangalore-560 076
PH : +91 80 32466544 / 39880707
FAX : +91 80 41109710 / 39100611
رابط السوق
http://www.foodworld.in/foodworldgourmetstore.html

ابو عمر
الله يجزاك عني الف خير ياخوي تعبتك معاي ماقصرت
والحمدلله من ناحيه الأكل ماتعبت كثير لاننا نحب اكلهم ف عادي اكل مثلهم كاني هنديه
اللي اشتقت له الجبن والحمدلله لقيت مثلثات البقره الضاحكه وكرفت العلب
ف سوبرماركت ع البرجيت رود وزي ماقلت فرحت لما شفتها كثيير .
والزبادي على قولتهم داهي احبه ومالقيت صعوبه بإيجاده ..
اما المطاعم العربيه مارحت ولا واحد ابي نشتاق لها شوي ونغيير شويتين
الله يعطيك العافيه على السوبرماركت والمطعم ان شاء الله الوقت يسمح واروح للماركت لاني احب اتفرج
ومن ناحيه الحليب الطازج غريبه انت مالقيته لاني اغلب السوبرماركت اللي دخلت
الاقيه ( هو اللي يجي بأكياس بيضاء ؟؟ ) اذا هو شفته بسوبرماركت شارع بريجيت
وسوبرماركت بتوتال مول له فرعين فرع اظنه بكورمنقلا وفرع بعيد بوايت فيلد
الف شكر لك ابو عمر الله يسخر لك عباده ويوفقك دنيا وآخره
.