وعليكم السلام ورحمة الله وبركاته
سبق وأن زرت هالمنطقة مرتين وبصراحة ما أعجبتني حيل لأن شوارعها داخل السنتر كانت ضيجة وفيها ارتفاعات ونزول مو منبسطة نفس باجي الأرياف اللي حولها
اهي فيها آوت لت صغير جدا يروحون له الخليجيين اللي ساكنين بالمناطق المحيطة وجنب هالآوت لت مطعم صغير أيضاً يتعنون لأكله و جربته صراحة ممتاز بدور لك اسمه إن شاء الله ^_^
قريب منها شلال أو خوانيق مائية تابعة للمنطقة
و قريب منها أيضاً قريبة وبلدة ويرفين
وأيضاً قرية صغيرة اسمها ألتن ماركت Altenmarkt im Pongau حلوه تستاهل التوقف فيها في طريقكم لأي منطقة أخري

سكنت في هذا الفندق مرتين
ما دام معك سيارة ما عليك

الافضل السكن في كابرون كلها 8 كيلو وانتو. بزيلامسي
واذا رحلتكم في كتوبر اسكنو في زيلامسي افضل لكم

أم نيوفي
تسلمي أم نيوفي على هذه المعلومات. بس عندي طلب صغير إذا ممكن تعطيني أسماء الأماكن بالأنجليزي. بالنسبة لي حجزي سبعة أيام كيف أقضي هذه الأيام هل كل يوم أروح مكان بالسيارة؟ مع العلم أنه ماعندي مشكلة بالقيادة وخصوصاً في أوروبا. بالمناسبة لاتنسين تجيبين اسم المطعم اللي قلتيلي عليه وموقعه.

zaman99s
مادام إنك سكنت في هذا الفندق أيش انطباعك عن هذا الفندق ومستواه؟ طيب أيش الأماكن اللي ذهبت لها انطلاقاً من هذا الفندق. ومثل ماقلت أنا ماعندي مشكلة بالتنقل في السيارة

Altenmarkt im Pongau هذا اسم ألتن ماركت الكامل https://artravelers.com"center">هذا رابط موضوع للأخ آخر الفرسان ممكن يفيدك اسم الشلال الصغير اللي فيها St. Johann im Pongau, Liechtensteinklamm للأسف ماحصلت لا اسم الآوت ليت ولا المطعم،
لكن احنا يوم رحنا سألناهم عنه ودلونا عليه لأن ماعندهم مجمع تجاري كامل غيره
و لما تطلع منه قبالك تكون صيدلية BIBA المشهورة بلوحاتها الوردية ويسارك على طول المطعم مافيه غيره بنفس المكان ،
إنتم أول ما تسكنون الفندق اسألوهم عن المجمع الصغير وأكيد عندهم خبر أيضاً داخل المنطقة فيه سوبرماركت تركي كبير كنا نشتري منه لحم حلال 7 أيام واجد على المكان يعني يوم تخلونه تجوال فيه وباجي الأيام مجرد سكن وطلعوا رحلات لمناطق ثانية بالسيارة

أم نيوفي https://artravelers.com"center">هذا رابط موضوع للأخ آخر الفرسان ممكن يفيدك اسم الشلال الصغير اللي فيها St. Johann im Pongau, Liechtensteinklamm للأسف ماحصلت لا اسم الآوت ليت ولا المطعم،
لكن احنا يوم رحنا سألناهم عنه ودلونا عليه لأن ماعندهم مجمع تجاري كامل غيره
و لما تطلع منه قبالك تكون صيدلية BIBA المشهورة بلوحاتها الوردية ويسارك على طول المطعم مافيه غيره بنفس المكان ،
إنتم أول ما تسكنون الفندق اسألوهم عن المجمع الصغير وأكيد عندهم خبر أيضاً داخل المنطقة فيه سوبرماركت تركي كبير كنا نشتري منه لحم حلال 7 أيام واجد على المكان يعني يوم تخلونه تجوال فيه وباجي الأيام مجرد سكن وطلعوا رحلات لمناطق ثانية بالسيارة
شكرأً أختي أم نيوفي على هذه المعلومات .أنا قررت أني أخلي سكني نقطة انطلاق للأماكن الأخرى. طيب أيش الأماكن اللي أستطيع الذهاب إليها أنطلاقاً من سكني بالسيارة؟ وبالنسبة للسوبرماركت أيش اسمه؟

أخوي المنطقة جداً صغيرة و الله ما تحتاج تاخذ أسامي كل مكان داخلها لأن أصلا مافيها أنشطة واجد
فأنت أول يوم اسأل الريسبشن عن السوبرماركت التركي + مجمع الملابس الآوت ليت + مكان التلفريك

• تقدر تطلع منها لمناطق واجد و منها المناطق المعروفة لكل التقارير مثل سالزبورغ وزيلامسي وبادقاستين وبحيرات سالزبورغ ومنها ما يلي :

1- قرية ويرفين اللي فيها قلعة ويرفين و هذا رابط زيارة لها وفيه الإحداثيات
2-Velden am Wörthersee بلدة فيلدن المطلة على بحيرة وورثر من أجمل المدن اللي زرتها في النمسا لا تطوفكم و تبعد عن سانت جوهان تقريباً 160 كيلو
3-يوجد قريب من سنتر سانت جوهان منطقة تزلج اسمها St. Johann-Alpendorf ومنها تقدر توصل لمنطقة الرياضات الشتوية اسمها Ski Amadé، هذا موقعهم الإلكتروني:
http://www.alpendorf.com/ski-area-salzburg-austria-alpendorf-st-johann.html
4-تبعد سانت جوهان عن قرية غوزاو Gosau , Gosausee تقريبا 70 كيلو أو أقل ،
وبنفس اليوم تزورون هالشتات Hallstatt لأنها قريبة منها وأيضا قريبة abtenau تقدر تضيفها لجدول نفس اليوم لأنهم الثلاث قراب من بعض و أبتيناو فيها زحلاقيه صيفيه
وهذه إحداثيات الزحلاقية الصيفية في أبتيناو :
Sommerrodeln in Abtenau
الاحداثية N47 33.371 E13 21.003
يعني أول شي تروح لهالشتات لأنها لأبعد ومن ثم غوزاو و بعدها أبتيناو
5-تقدر يوم تزور مرتفعات Grossglockner قروس قلوكنر ، تبعد عن سانت جوهان أقل من 85 كيلو
6- قرية باد قاستين Bad Gastein و قرية باد هوف قاستين Bad Hofgastein تبعد الأولى أقل من 40 كيلو عن سانت جوهان و الأخرى 30 كيلو

اسم بلدة فيلدن الصحيح :
Velden am Worthersee