يالمسافر الجديد متعة السفر مع الأطفال يا حبيبي
وبالنسة للسيارة صدقني صدقين صدقني انك راح تنبسط بس ودي اعرف بتروح على اي خطوط وبلد الوصول ما هي .

- عربة طفل .

• مقعد طفل في السيارة .( ويمكن توفيرة من قبل شركة تأجير السيارات ).
• ملابس مناسبة ( نظراً لشدة البرودة في المرتفعات وبعض الأوقات ) .
• توفير بعض الأطعمة الجاهزة والحليب في السيارة .
• و أهم شيء ((( راحة الأعصاب، وطولة البال ))) لأن الطفل لن يتحمل كثرة الدوران في السيارة والتمشي بحكم عمره

اهلا فيك اخي الكريم
انا قبل ثلاث سنوات سافرت لمدة ثلاث اسابيع بين فرنسا وسويسرا و اسبانيا , كان معي طفلي عمره سنه استخدمنا جميع وسائل النقل الحمدلله ولفيت لين تعبت . الحمدلله طفلي معاي ومافيه اي مشكله اهم شي يكون معاك:

• العربيه حقت الطفل
• ادويه وقائيه حقت زكام سخونه كحه والحمدلله ما احتجتها بس الحذر واجب
• مقياس درحة الحراره
• ولازم تشيل معاك في كل مشوار وجبات خفيفه ورضعات كافيه

يالنسبه ل GPS
متعه ما بعدها متعه انا استخدم البوكيت بسي مع GPS Receiver , طبعا فيه اجهزه GPS كامله وممكن تطلب السياره مع GPS رغم انه مهو مضمون
اذا فيه اي اسئله احنا في الخدمه
تحياتي

إذا تبي رأيي .. ولدك الله يخليه لك صغير جدا وبالتالي لن تكون الرحلة ممتعة له بل متعتها لكم ومشقتها عليه هو !! لذا رأفة به إن قدرت تتركه فهو افضل ..
وأنا مع ابو غزاي بأن متعة السفر معهم أكبر لكن إذا كانوا أكبر قليلا يعني من أربع سنوات فصاعدا..
الله يصلح لنا ولك ويرزقك بره

لاتنسى مقعد الأطفال ( إلي ذكره أبوريان)
ملاحظه مهمه:
القمم الثلجيه محددين حد أدنى لعمر الطفل, ماأذكر يمكن سنه وشهرين أو سنه وأربع شهور(يرجى التأكد)
بالسلامه,,

طال عمرك
وليدك ... صغير
الله يخليه لكم
وزي ماقال اخوي ابن بطوطه
اذا ممكن تخليه ... قد يكون جيد
إذا له جده أو خاله ... تتوقعون انه يمشي حاله عندها
تراه افضل
على الرغم من انكم راح تشتاقون له بشكل غير طبيعي
قد يؤثر على متعة سفركم
وهذا هو العيب الوحيد في تركه والسفر بدونه
وربنا يخليكم له ويخليه لكم

الله يعطيكم العافيه ياشباب والله ماقصرتم
اخوي أبو غزاي والله الى الحين ماقررت ولكن احتمال كبير ان شاء الله الخطوط الاماراتيه الى ميونخ
اخوي أبو ريان والله كفيت ووفيت الله يعطيك العافيه :x1:
اخوي wajehn شكرا على المعلومات وبالنسبه ل GPS انا عندي street pilot 2620

اخوي ابن بطوطة والله اعرف ان كلامك صحيح لكن ما اتوقع اننا تقدر نتركه وخصوصا امه وفي حالات مماثله مرت على وانتهت بقطع الرحله والعوده الله يعطيك العافيه
اخوي شكرا للتذكير وان شاء الله ح اسأل
اخوي قانوني محنّك لا يوجد كلام اكثر من كلامك
انا عارف اني طولتها عليكم ولكن الله لايحرمني منكم ولا من منتداكم الرائع
وان شاء الله عندما اعمل مخطط الرحله طبعا ما لي غنى عنكم
:smile105:

مرحبا
انا من رايي عمر الطفل سنه صعب , لان لما يكون العمر سنه هذا سن الاكتشاف تلقاه يدور ويتحرك كثير وما يتحمل المسافات الطويلة بالسياره من تجاربي سافرت بطفلي عمره سنه واجرنا سياره وتجولنا في اوربا اذكر وايد تعبت بس لما كان سنتين سافرنا نفس الرحله تغير 100% صار يفهم ويستمتع بالطبيعة والالعاب والناس.....وابدا ما تعبت في الرحلة الثانية
فكر ولك القرار

من واقع تجربه أنصحك بشراء عربيه خفيفه والأهم ان يكون لها غطاء بلاستيك عشان الأمطار ضروري ( تحصلها في مذركير)