نشر في سويسرا

السفر قرب وابيك رأيكم ضروري

أم شهلاء

14-09-2022 - 01:18 am

السلام عليكم وصباح الخير...
ابشركم طلعت الفيزا ...لمدة 6 شهور من سفاره ايطاليا لاني بروح ميلان ...
زوجي ما يبي يجلس كثير في ميلان يقول مو حلوه بس للتسوق...ومافيها شي ثاني ويقول خليها بس في العوده ...
والمشكله انه ماعاد في وقت للتغيير ابدا ...
قلت معليه ممكن نخلي الوصول ميلان وننطلق منها الى فينيسيا ...بنفس اليوم وبعد اقامه ليله نروح لوقانو...
وناخذ سياره من لوقانو الى انترلاكن...وبعدين نخليها نقطه انطلاق نجلس فيها 6 ايام ...نتنقل فيها للمناطق المجاوره بما انه معنا سياره..ونروح الغابات السوداء يومين ... ونسلم السياره هناك...
وبعدين نرجع لميلان بالطيران الاقتصادي ونجلس يومين ونرجع الوطن ...
او نخلي العوده ميونخ؟؟؟
الفكره الثانيه اني اخلي لوزيرن هي نقطه الانطلاق من سويسرا واروح للغابات السوداء يومين وبعدين اروح انترلاكن والمنطاق المجاوره لها ...
اذا مو كويس برنامجي واحس انه مره حوسه ....
ياريت تشورورن علي بشي مره مرتب ومافيه حوسه عشان زوجي ما يكنسل السفره ويوديني القاهره
انا مره مستعجله على مشورتكم لانه السفر بعد اسبوعين ...
نسيت اقولكم مدة السفر 17 يوم...

التعليقات (9)

swiss love2001

14-09-2022 - 03:35 am

أم شهلاء
السلام عليكم
انا شايق الغبات السوداء محشوره في الجدول
رغم وجود غبات ومناطق امتع في سويسرا
اما عن الجدول الاول فهو افضل لاكن بعد انترلاكن ترجعون الى ميلانو او وعو الافضل من جنيف وبلاش الطيران الاقتصادي

bo__khaled

14-09-2022 - 04:36 am

أم شهلاء
اوكى هذا خط السير المقترح : ارض الوطن > ميلان > لوقانو > انترلاكن >زيورخ >قشتاد > ميونخ > الغابة السوداء>بادن بادن > فرانكفورت > ارض الوطن .
تبدون فى ميلان وتنتهون فى فرانكفورت . يعنى خلو الطياره توصلكم الى مطار ميلان وتاخذكم من مطار فرانكفورت .
ومن ناحية التسوق انصحكم التسوق فى المانيا ارخص واحسن ومنتجاتهم جميلة .
وانتو عليكم تقسيم عدد الايام حسب الجدول المذكور :
1- ميلانو
2- لوقانو
3-انترلاكن >> هنا يمكنك زيارة زيورخ وقشتاد وكثير من المناطق اطلع على تقارير الاعضاء
4-ميونخ >> هنا يمكنك زيارة قارمش والمدن والريف النمساوى
6-فرانكفورت >> هنا يمكنك زيارة الغابات السوداء وبادن
وتحياتى لك .

أم شهلاء

14-09-2022 - 05:37 am

شكرا اخوي ...
يعني الوصول ميلان ...وما نجلس فيها نروح فينيسيا يوم واحد وننطلق على لوقانو ..بالقطار؟؟
وبعدها سياره من لوقانو الى انترلاكن ونتمشى في الاماكن القريبه ؟؟؟
او نخلي بدل انترلاكن لوزين ونتنقل للاماكن المجاوره ؟؟
يعني وشو الافضل ؟؟؟من حيث السكن والراحه وحركة ناس بس مو ازعاج يعني شي حلو ؟؟
وبعدها نرجع ميلان ونجلس كم يوم فيها نتسوق (اهم شي ) بعدها العوده ان شالله
آآآآسفه بس ترا للان متوتره ومو عارفه افكر ...عشان كذا افكاري ملخبطه.

bo__khaled

14-09-2022 - 06:38 am

أم شهلاء
توصلون ميلان وتقيمون فيها وتروحون فينيسيا زيارة ليوم وترجعون ميلان .
انت حره تبين لوزرين او انترلاكن .
كلهم حلوين من ناحية الراحة والهدوء
لا وبعدها اخر شى انتو راح تروحون صوب المانيا الغابات السوداء يعنى خلو العوده من اقرب منطقى للغابات السوداء وهى فرانكفورت خلو حجز طيارنكم يضبط لكم التذكره ارض الوطن > ميلان فى الاقلاع
فرانكفورت > ارض الوطن فى العوده .
لا تاسفين ولا توترين حبه حبه راح تعرفين كل شى والاخوان هنى ما يقصرون .

أم شهلاء

14-09-2022 - 07:39 am

bo__khaled
شكراا اخوي مره ثانيه ...
قشتاد ...وزيورخ ما ابيهم ..
ابي زي ما قلت لك ....ميلان فينيسيا..
وبعدين انترلاكن وازور لوزيرن يكفيها يوم او ابات فيها ؟
وبعدين الغابات السوداء واطلع فرانكفورت للمطار ...
طيب بالنسبه للميزانيه 40 الف كفايه ؟
والا قليله ؟؟؟؟
لا تنسى السياره لانه دورنا في النت مالقينا شي اقل من 161 فرنك ؟؟
دورت في موقع سكست ولقيت بي ام بسعر 161 هذي اللي نصحونا فيها ...
وفيه اقل ب130 فرنك
ابي شي صغير زي الفوكس ويجن بس مالقيت ؟؟؟؟

bo__khaled

14-09-2022 - 08:40 am

أم شهلاء
العفو اختى . دام ماتبون قشتاد وزيورخ .
عيل اثناء قضائك فى ميلان زورو فنيسيا ليوم كامل والرجوع لميلان ومن بعدها الى لوقانو وكملو خط السير المقترح الى انترلاكن ثم الى الغابابات السوداء واخيرا فرانكفورت .
والله شوفى اختى انا بالنسبه لى انترلاكن توفى عن لوزرين ولكن هذا الشيئ راجع لكم انك تباتون فيها او تزورونها .
من ناحية 40 الف قليلة اذا كانت شاملة كل شئ تذاكر وطيران وسيارة ومواصلات وسكن ورسوم الرحلات السياحية وهذا غير المشتروات والمصروف اليومي لطعام . اعتقد 40 الف قليلة على عائلة .
السيارة ب 161 فرنك لليوم سعر يعتبر مناسب ولكن اشترطو عليهم على توافر القارمن .
ما راح تفرق فوكس ولا بيتل ولا بي ام صالون قيمة الاجار مقاربة فى هذاه الحدود من 130 الى 180 فرنك .

أم شهلاء

14-09-2022 - 09:42 am

اخوي ابو خالد بالنسبه لفينيسيا زوجي يقول انه ما يبي يرجع في نفس اليوم لميلان لانه متعبه يقول ويخاف مافيه رحلات بالقطار بوقت متأخر
يعني يقول نبات احسن هناك
مع انه انا احس اوفر قيمه السكن لو نرجع لميلان بنفس اليوم
بالنسبه للميزانيه هذي انا وزوجي بس من غير تذاكر يعني مصروف وسكن. في فنادق 4 نجوم ..بحدود 900 الى 1000 باليوم ...بالاضافه للسياره .
يعني تشوف السياره سعرها مناسب؟؟ونحجزها افضل من لوقانو او ميلان؟

bo__khaled

14-09-2022 - 10:43 am

أم شهلاء
والله هو ممكن التباتون فيها مافى مشكلة المسافة بالوقت بين فينسيا وميلان 4 ساعات تقريبا يعنى اذا طلعتوا الصبح بدرى ونهار طويل هناك يمكنكم الاستفاده بس هم وجهة نظر زوجك سليمة من ناحية الاقامة ليوم فيها ولكن جذيه جذيه انتو راح ترجعون لكى تكملوا الى لوقانو . بدون تذاكر وانتو بس اثنين انشالله بتكفيكم بس بدون مشتريات وصوايغ طبعا . قبل لاتحجزونها
والله اختى حطى موضوع جديد وسئلى فيه قولى انا حصلت سيارة ب 161 من شركة ...... هل سعرها مناسب ام لا انا اشوف انها مناسبة بس اكيد الاخوان الاعضاء هنى اخبر منى ويمكن في منهم يعرف اماكن ارخص انا مابى اظلمكم وتحصلون عرض افضل انا اقول لاتستعجلين كتبى الموضوع وشوفى ردود الاعضاء والخبرا والمشرفين هنا .

أم شهلاء

14-09-2022 - 11:44 am

الف شكر اخوي ....آسفه اذا اتعبتك ....
بس ان شالله الاخوان يشفون الموضوع هذا ويردون على اللي يعرفونه ولا يبخلون بالمعلومات ...
مره شكرا

سويسرا المسافرون العرب

السفر قرب وابيك رأيكم ضروري