عليكم السلام
اخي الكريم حتى نقدر نساعدك بالاجابه يجب عليك توضح لنا كم ميزانيتك
الي فهمته من تواريخ الرحله ان مدتها 15 يوم مع الذهاب والاياب تبقى الايام الفعليه 13 يوم
وانصحك فيها بيوم في جاكرتا
بعدين الجبل 5 ايام
وتروح لباندوق 2 يومان ومن مطار باندوق تروح لبالي 5 ايام
تقدر تقضي في بالي 3 ايام ويومين في لومبوك لو حبيت
وبعدها ترجع جاكرتا يوم وتسعتد للعوده
بالنسبه للصرف فيه عندكم في جده محل اسمه العمودي على ماعتقد تقدر ت
صرف منه علىسبيل المثال 3000 ريال ربيات والباقي دولارات
اجراءات الدخول تدفع 25 دولار للشخص الواحد قيمة الفيزا
واعمل حسابك 150 الف للشخص الواحد عند المغادره منها
والطيران الداخلي عند ذهابك للبالي فيه برضو ضربيه بس والله ماتحضرني بكم
بالنسبه للصرافه الراجحي فهي تصرف اكيد حسب العلامات التي على البطاقه مثل ماستر كارد تدها مطبوعه على نفس الصراف هناك
بس ترى كل عميله صرف اعتقد عليها 30 ريال اقل او اكثر

صباحك ورد
اخي العزيز
ياليت تعلمنا برغبتك هل بالي ضمن البرنامج والا لا ؟؟
لكن راح نساعدك في برنامج ونشوف وش تبي او الافضل لك ولو اني ارشح لك بالي دامه شهر عسل
1- فيزة الدخول 25 دولار للشخص و150 الف روبية عند المغادرة للشخص ايضا
2- ضريبة المغادرة الى بالي 40 الف روبية للشخص
اول يوم بيكون في جاكرتا ترتاحون وثاني يوم تتجهون للجبل تقعدون فيه 5 ايام وانصحكم بفندق سيروني 2 او سيروني 3
بخصوص مكتب كاها ماعندهم صور الا لامكان محدودة فقط واسعارهم حلوة ومناسبة جدا
في الجبل تقدر تصرف من مكتب فقيه وافضل سعر صرف عندهم ومن خلاله ايضا تحجز طيران على بالي وسعر التذكرة تقريبا 500 ريال للشخص الواحد
في الجبل هناك نشاطات كثيرة واماكن سياحية جميلة تقتدر تستمتع فيها من الصباح الين غروب الشمس يعني حط ببالك في الليل مافيه اي نشاط سوى انك تتعشى وتنام بدري علشان تبدا يوم ثاني 00
ومن الاماكن الحلوة في الجبل
1- حديقة سفاري
2-حديقة الزهور
3- شلال شيبوداس
4-حديقة ومصنع الشاي
5-مجمع كوتا بونقا
6- بحيرة الليدو
7- الشلالات السبعة
8- البرشوتاذا حددت رحلتك لبالي عن طريق مطار جاكرتا انصحك تتوجه من الجبل بدري على الساعة 6 الصباح علشان تفتك من زحمة الخط ولاتشيل هم تتقدم ساعة او ساعتين ولا تفوت رحلتك
بالي انصحك تقعد فيها 5 ايام والانشطة السياحية فيها كثيرة ومتنوعة وراح تستمتع فيها كثير
من ضمنها
1- البيديقول وبحيرة بارتان
2- مدرجات الارز
3-بحيرة باتور وجبل كنتماني
4- تناه لوت
5- شاطي الدريم لاند ومعبد اولوواتو
6-شاطي نوسا دوا لممارسة الانشطة البحرية المتعددة كالغوص والرفاتينج والجت سكي والفلاي فش والبنانا ولاتشيل هم الاسعار تقدر تكاسرهم زي ماتبي
7- مصنع الفضة والنسيج ومزارع القهوة
8-شاطي جمبران لتناول الغداء او لعشاء والشاطي يوجد به مطاعم كثيرة خاصة بالاكلات البحريةاخر يومين تكون بجاكرتا للتسوق وزيارة منطقة الانشول ونصب موناس التذكاريالفنادق اللي انصح بها لكم في جاكرتا
اكماني
منهاتن
مالرين بارك
جراند حياة
لوميرولك كل الود
اخوك
ابو راكان

trqasah
ابو راكان
يعطيكم الف عافيه
بالنسبه للميزانيه .. عامل حسابي على 20 الف الى 25 الف
لأني وانا راجع راح اجلس في دبي ان شاء الله 3 ايام تقريبا
اتوقع الميزانيه راح تكون كافيه ان شاء الله
وبالنسبه لسؤالك يا ابو راكان عن ( بالي ) .. فعلا أنا ناوي اروح ل ( بالي ) ..
يعني مبدئيا ..
اول يوم .. وآخر يومين من السفره ناوي اسكن في جاكرتا ..
وعندي نيه احجز في فندق كمبينسكي .. وش رايكم ؟؟
يعني ابغى فندق فخم وحلو وسعره ما يكون مبالغ فيه .. يعني سعر يعتبر معقول نوعا ما ..
اما بالنسبه لباقي الايام .. راح تكون 10 ايام او 11 ..
تقسيم مبدأي من عندي .. 5 ايام في بونشاك .. ( 3 ايام في سيروني 3 ) ويومين في فيلا ..
و6 ايام في بالي .. 3 ايام في فندق .. و3 ايام في فيلا ..
وش رايكم ..
تكفون لا تبخلون علي ..
باقي 3 ايام على السفره ان شاء الله ..*

توكل على الله
ميزانيتك مناسبه جدا
والجدول راح تستمتع فيه اكثر اذا كان من ترتيبك مع اخذ الاعتبار في اقتراحات وبرامج الاخوان الكرام اللي طرحوها لك
بالتوفيق

البطاقه العادية تقدر تصرف منها ويسحب عليك البنك قرابه 40 رايل على السحبه الواحده

الله يوفقك وانا طالع 28/سمبتمبر على الامارتيه رحله عايليه