niceboy17
أخي الفاضل بالنسبه عن الفيزا الشنجن أنا شخصيا قبل 3سنوات كنت فى لندن وعندي فيزا لندن فقط وحبيت أروح مع الاقروبات السياحيه اللى بشارع أجور رود وقلت لهم أنا ماعندي فيزا الشنجن تقدرون تطلعون الفيزا بلندن
قالو قبل يصير الحين لا لازم تاخذ من دولتك الفيزا

وعليكم السلام ورحمة الله وبركاته
هلا وغلا الغالي
ماأدري إذا النظام تغير ولا لا ولكن المعروف ان الطلاب الي في بريطانيا يقدرون يدخلون سويسرا بدون فيزا على شرط اتكون طالب ..وياليت تتأكد من السفاره السويسريه كأحتياط ..
اموفق الغالي

السلام عليكم
النظام تغير ولازم تطلع فيزة شنقن عشان تدخل اي دولة اوروبيية ومن ضمنها سويسرا الي كان قبل عادي تدخلها.. لكن مؤخراً صار لازم تستخرج الشنقن عشان تدخل سويسرا
طبعاً تقدر تطلع فيزة شنقن وانت في بريطانيا بس بشرط يكون فيزتك الدراسية باقي فيها اكثر من ثلاث شهور.. وانت وضعك سليم
المطلوب منك تحجز موعد مع السفارة السويسرية.. وتجهز المطلوب منك وتروح بأوراقك على الموعد
انا عندي موعد مع السفارة الهولندية يوم الخميس الجاي وان شاء الله بطلعها من عندهم لأن قارنت بين السفارات الأوربية الي هنا.. تقريباً كلهم يشترطون حجز ترانسبورتيشن باستثناء الهولندية..
وجميعهم يطلبون نفس الطلبات.. وهي:
مايثبت المقدرة المالية/كشف حساب او غيره
صورة
تعبئة الأبلكيشن وحجز موعد
تأمين.. وفي مواقع كثيرة تسوي منها تأمين.. انا سويت تأمين ووصلني بالبريد يوم ثاني على طول
حجز فندق
ستيودنت لتر من الجامعة لو المعهد
وفيزة دراسية سارية المفعول
(كما ذكرت السفارات تطلب حجز ترانسبورتيشن بس الهولندية ماتطلبه)
وسلامتك