- 7. التذكره المبدئيه طبعا بس فيها خط السفر مو مدفع حقها لسه
- 8. اوراق المصروف والبعثه
السلام عليكم ورحمه الله وبركاتو :اولا احب اعرف بنفسي، انا طالب مبتعث ولله الحمد في نيوزيلاند وبالتحديد اوكلاند. ثانيا حاب اشكر هذا المنتدي العظيم الي افاد واراح الكثير ومنهم انا طبعا
علي فكره هادي اول مره اشارك في منتدى لاكن السبب الوحيد هوه اني استفدت الكثير جدا جدا فحسيت اني مدين لهذا المنتدى الرائع وكل المشاركين في هذا*المنتدى عامتا والمشرف خاصتا.
انا حاب اشاركم تجربتي في الحصول على الفيزا الامريكيه السياحيه. قبل يومين عبيت الابلكشين 14/09/2010 واخدت الموعد حق المقابله في نفس الوقت وخلتو يوم 17/09/2010 .
على العموم جاه يوم المقابله وصلت السافره الساعه 10 الصبح طبعا كانت معايه اوراقي كامله وهي التالي :
1. الابلكشن
2. كشف حساب 3 شهور
3. الفاتوره الي دفعتها حقت الفيزا
4. ورقه من الجامعه تثبت اني طالب منتظم في الجامعه ومتى بدات الدراسه ومتى تنتهي طبعا الدراسه تنتهي نهاية 2011 وانا رحلتي ان شاء الله في جون, جولاي 2011.
5. جوازي الجديد والقديم
6. ورقة الموعد
7. التذكره المبدئيه طبعا بس فيها خط السفر مو مدفع حقها لسه
8. اوراق المصروف والبعثه
طبعا اديتها الاوراق كلها وسالتني كم سؤال كده, منها ليش رايح ( اجازه )ومع من( صاحبي من استراليا ) وقديش ليك في نيوزلاند ( اربع سنين )*قديش حاتجلس في امريكا ( 35 days ) ايت ستي حاتزور ( NY, DC ORLANDO, LA, LAS VAGES,MIAMI, HAWAII, SAN FRANCISCO)
بعدين اخدت الجوازت وقالتلي خلاص حاديك الفيزا لهادي الرحلة بس ياخدلها اقل شي شهر عشان لازم نرسلها DC .
طبعا قولتلها مره شكرا وامريكا في قلوبنا ( امزح يخسو طبعا )
مع العلم انو كان في كم واحد قبلي رجعتلهم الجوزات ما اخدتها والله العالم يعني مافي فيزا وفي كم واحد تاخد جوازو بس تكتبلو كم شي في ورقه والله العالم انها نواقص.
للمعلوميه انا السعودي الوحيد الي كنت باقدم الباقين كلهم اجانب طبعا الاغلب اتاخدت جواواتهم, ان شاء الله تجينا الفيزا بس ما يغيرو رايهم
انا شاركتكم في هادي التجربه ردا للاخوان الي يقولو ما تقدر تطلع الفيزا الامريكيه السياحيه الى من السعوديه بس
ان شاء الله اكون افدتكم بهاذه المعلومه الصغيره والتواضعه
