Audrey
20-04-2022 - 06:25 am
السلام عليكم ورحمة الله وبركاته..
كيفكم..
الأسبوع اللي فات كان موعد المقابلة لي ولزوجي في الرياض ..رايح لدراسة الماجستير..
طبعا على ارامكوا السعودية..المفروض نطلعها من القنصلية اللي بالظهران..بس الحظ شين..قالوا القنصليه ماتتحمل العدد اللي ارامكوا مرسلته..
قلنا الشكوى لله نمشي يالرياض..
وصلنا على الساعة 6 الصباح والصف كان فيه ناس ..ومعي ولدي عمره ست شهور..فدخلونا بدري اول مافتحوا باب الدخول..الحمدالله
التفتيش كان مبالغ فيه شوي..حتى العاب ولدي فغصوها لين قالوا امين ياحول
دخلنا وشيكوا الأوراق ..وبعدين عطونا رقم علشان المقابلة..واخذوا بصماتنا
رحنا المقابله..كان تعاملها مره كويس ..
سألته وش بتدرس..وين سافرت..متى تخرجت من الثانوية ووش اسمها :112:
مع العلم ان زوجي متخرج بكالوريوس من امريكا ..
وبعدها قابلتني ..وسألت وش بتسوين هناك..لان فيزة الدراسه غير عن المرافق..ووين سافرتي ..وش انتي من ملة خ استهبل
وقضينا..
بس الشي اللي ضيق صدورنا ..انهم ما اخذوا الجوازات مع ان اوراقنا كاملة حتى ال I 20 حقاتنا كلنا موجودة ..وهذي اول مره تصير مع زوجي ..لانه طلع قبل فيز وعلى طول ياخذون الجواز منه ..ويرسلونه عقب..هالمرة عطونا كرت احمر دبسوه بالجواز وقالوا شيكوا بعد اسبوعين.. الله يستر ..
وشكرا
باذن الله اموركم تمام ..
بالتوفيق