سلاطينوو
15-10-2022 - 02:08 pm
السلام عليكم
س1 / كم سعر السياره من المطار الى بونشاك لخمس اشخاص = ميني باص ؟؟
س2/ افضل فله بالجبل وتكون حلوه وامان وقريب من البقاله السعوديه والشارع الرئيسي وكم اسعارهم تفريبا ؟؟
س3/ افضل شي اخذ سواق معي على طول والا يمشي الوضع بالتاكسي ؟؟
لان المده ثمان ايام اربعه بونشاك واربع ايام جاكرتا
س4/ افضل اخذ دولار والا ريال سعودي والا روبيه لان السعر كويس هاليومين ؟؟
مع العلم اني رحت لجاكرتا مرتين بس ناسي اسعار البونشاك لاني جيته مره وحده بس وماطولت
وشكرا
أولا يعطيك العافيه واتمنى لك السلامه
واحب ارد على اسئلتك وان شاءالله تكون فيها الفايده
ج1 / سعر السياره ( مينى باص ) تقريبا من 150 ألف ألى 180 ألف وتاخذها من مكتب اللي في المطار
ج2 / تقدر تاخذ فله من أي مكان بالجبل ومتوفرين هاليومين وموشرط يكون من البقاله السعوديه وتراها غاليه مره وممكن تاخذ فله وعلى كيفك بس عليك بالمكاسر لأن الفيلات اللي قريبه من البقاله تراها غاليه وخصوصا انكم عرب يعني راح يتشاطرون عليكم ( بس خذ بالك وخلك حذر )
ج 3 / بالنسبه للإيام اللي في جاكرتا اخذ لك تكاسي احسن لك اما اللي في البنشاك اخذ لك سياره بسواق وراح يطلع لك تقريباً من 350 ألف إلى 500 ألف روبيه باليوم وحسب نوع السياره والسواق
ج4 / طبعا ياليت تأخذ معك العمله ( دولارات ) افضل لك للصرف
اتمنى لكم سفراً سعيدا وبالسلامه
تحياتي لكم