alshamari_q8
22-10-2022 - 10:25 pm
السلام عليكم ورحمة الله وبركاته
تحية كبيرة لاحلى منتدى ولكل اعضائه الطيبين
اخواني سوف اقوم بزيارة للخبر يوم الخميس القادم ولمدة 3 ليال والهدف منها التسوق بالاضافة الى الراحة والانسجام
وطبعا الزيارة عائلية انا وزوجتي فقط ( يعني جو رومانسي بعيد عن العيال ودوختهم وطلباتهم ) وبصراحة داخ راسي وانا الف بين المواضيع وبهذه المناسبة احب اشكر كل اللي قاموا عليها لانها بصراحة مواضيع تعب عليها اصحابها وابدعوا فيها .... ولكن بصراحة راسي لف ودخت وما قمت اثبت الاسماء والعنوانين والمواضيع وقمت أقرا الموضوع مرتين وثلاث عشان اثبت وما قدرت لانها اول مرة انوي زيارة الخبر
وابي مساعدتكم بايجاد شاليه نظيف وسعره متوسط ويكون مباشرة على البحر وبنفس الوقت قريب من اماكن التسوق لان المرأة ناوية علي بالمشتريات تبي ترجعني نظيف بالمرة ,,, وطبعا أهم شي الخصوصية وافضل طريقة الحجز بالانترنت اول مباشرة وما يفرق السعر عن الحالتين
وطبعا الزيارة بالسيارة من الكويت لاني مثل ما سمعت انها مو بعيدة عنها تقريبا 400 كيلو فما في مشكلة حتى لو كانت اماكن التسوق تبعد كم كيلو عن الشاليه .
فارجو مساعدتكم قبل موعد السفر ...
تقبول تحياتي
اخوكم
محمد الشمري
من الكويت
واخوانك في السعودية وتحديداً المنطقة الشرقية ، بالنسبة للشاليه طال عمرك عندك شاليه هوليدي إن
في شاطىء هاف مون ويصلح لكم بما أنكم اثنين ويبعد عن الخبر تقريباً من 25 إلى 35 كيلو متر
وإذا حبيت معلومات أكثر عن المنتجع تفضل هنا http://www.ichotelsgroup.com/h/d/6c/888/ar/hd/HMBSA
وإذا كان نيتك تتسوق في الخبر فأنصحك بالسكن في الخبر علماً بأن الخبر فيها بعض الفنادق
الجديدة وخمس نجوم منها السوفتيل والموفنبيك والميركور والإنتر وبارك إن
تمنياتي لك برحلة موفقة وسعيدة في شرقية الخير.