محمد_92
27-12-2022 - 05:35 pm
السلام عليكم ورحمه الله وبركاته ...
معاكم اخت محمد_92 ...
حبيت اسالكم بعض الاسئله ... واتمنى تجاوبوني لاني احس اني بمتاهه وانا اقرا المواضيع والارقام والمواقع كلها بالانجليزي وانا بسافر مع زوجي شهر عسل ... وراح يكون الاعتماد الكلي علي للاسف ..
انا رحت من قبل انترلاكن بس قعدت يومين ...
اتمنى تساعدوني لاني كنت مع ابوي والجارمن معانا وكل التخطيط على الاهل كل اللي اسويه اني اركب السياره وانزل للمكان السياحي ...
لكن هالمره بدون امي وبدون سياره وجارمن وراح يكون الاعتماد علي وانا مابي اتفشل
الاسئله
ماعرف وين انروح بس انا رشحت انترلاكن ومابي ابعيد عنها وقلنا لوزيرن بعد ...
ابي ارتب 6 ايام فيها وبعدين على باريس وضواحيها ..
ممكن تقولون لي على احلى المواقع في انترلاكن ولوزيرن السياحيه طبعا ...
بس الاسامي وانا برتب جدولي لمدة ست ايام
مابي روابط ترشدني بليز لاني اضيع وماعرف اتصرف رجاء حار ..
1- اتذكر .. (( توب اوف يوروب )) اعلى قمه بس ومكان علامته المشهوره التنين اللي رحله تكون بقطار على مرتفع بعدين تلفريك وفوق في زحاليق ممكن تذكروني باسمه بالانجليزي .. ؟؟
2- وابي اسالكم اسم الفندق الفخم اللي بانترلاكن اللي يكون بالوسط ابي اسكن فيه اللي قدام الحديقه ..؟
3- ممكن تدلوني على مكتب الحجز للنزول بالمنطاد مادري شيسمونه هذا اللي ينزلنا مع مدربه في نص الحديقه اللي بانترلاكن .. ؟؟
4 - محطه القطار ... وهل فيها باصات تنقلنا دايركت على كل الاماكن السياحيه اللي بانترلاكن مثل توب اوف يوروب لان خبركم انا كنت مع الوالد بالجارمن والاعتماد الكلي على القطار والباصات مفكرين ناجر سياره بس خايفين من القياده اهناك ومانعرف طريقة التحديثات اللي حاطينها
5- مناطق سياحيه فيها نوع من المغامره .. مثل تلفريكات زحاليق تسلق .. ؟؟ مابي مناطق بس فيها مناظر مطلووبه المتعه بالنظر بس بعد شووي نضحك ونفرفرش خبركم المكان اوريدي هادي لازم شوية حركه تبعد الملل
6 - لوزيرن ابي بس اسامي الاماكن السياحيه الشيقه وانا بسوي عنها سيرج اهني بالمنتدى وهل تستحق نحجز فيها السكن لاني قلت بينها وبين انترلاكن نص ساعه ماتستاهل
7 هل في مناطق قريبه من انترلاكن مثل لوزيرن يعني تبعد ساعه ساعتين تستحق العناء لها والاماكن السياحيه اللي فيها .. ...؟؟
8 - اقدر ااجر اهناك سائق يقعد معاي كل الايام السته وافتك من معمعة القطارات .. واذا اقدر ممكن تعطوني رقم واحد هناك يستقبلنا ويتكفل برحلاتناا من الالف الى الياء ههه .. صج راح ارتاح وما اتفشل
الرجااء الاقتباس والرد على كل سؤال على حدى
وبالنهايه ادري طوولت بس مالي غير الله ثم منتدى المسافرون العرب
لاني فعلا فعلا متوهقه وماعرف عدل انجليزي ولا اعرف اتفاهم ابي اكتب الاسماء منكم واشار لهم فالمحطه على الاسم واخذ التذكره ههه
كل الشكر لكم اعضائنا وقبل كل شي الاداره لان فعلا فعلا تبيضوون الوجه واحلى منتدى صراحه ...
اهلا بك اختي اخت محمد 92 ، انا رايح اجاوبك على قد ما اعرف ، واكيد الاماكن اللي بذكرها بتكون حلوة من وجهة نظري ويمكن الاخوان يختلفون معايا .
ممكن تقولون لي على احلى المواقع في انترلاكن ولوزيرن السياحيه طبعا ...
انترلاكن : توب اوف يوروب - البحيرة الزرقاء - شلال ترومبل باخ - شلال جيس باخ - كهف سانت بيتوس - المطل الصغير - هاردر كولم - الخانق المائي .
لوسيرن : الجسر الخشبي - تمثال الاسد _ قمة تتلس - قمة ستانسيهورن .
1- اتذكر .. (( توب اوف يوروب )) اعلى قمه بس ومكان علامته المشهوره التنين اللي رحله تكون بقطار على مرتفع بعدين تلفريك وفوق في زحاليق ممكن تذكروني باسمه بالانجليزي .. ؟؟
اعتقد انك تقصدين هارد كولم اللي خلف فندق فيكتوريا ( harder kulm )
2- وابي اسالكم اسم الفندق الفخم اللي بانترلاكن اللي يكون بالوسط ابي اسكن فيه اللي قدام الحديقه ..؟
الفندق اسمه فيكتوريا يونيفراو ( http://www.victoria-jungfrau.ch/en/ )
3- ممكن تدلوني على مكتب الحجز للنزول بالمنطاد مادري شيسمونه هذا اللي ينزلنا مع مدربه في نص الحديقه اللي بانترلاكن .. ؟؟
المكتب عبارة عن كشك صغير على الرصيف امام فندق فيكتوريا ممكن تحجزي من عندهم
4 - محطه القطار ... وهل فيها باصات تنقلنا دايركت على كل الاماكن السياحيه اللي بانترلاكن مثل توب اوف يوروب لان خبركم انا كنت مع الوالد بالجارمن والاعتماد الكلي على القطار والباصات مفكرين ناجر سياره بس خايفين من القياده اهناك ومانعرف طريقة التحديثات اللي حاطينها
تقريبا كل الاماكن السياحية اللي حول انترلاكن تبدأ زيارتها باخذ قطار من انترلاكن ثم باص ما عدا توب اوف يوروب حيث يكون الانتقال اليها بالتبديل من قطار الى اخر ( اعتقد 4 او 5 تبديلات ) .
ولكن انصحك اذا كنتي بتزورين ( شلال ترومبل باخ مثلا ) انك تقولي للمحطة ابغى الشلال ولا تذكري المكان اللي هوه فيه ( لتربرونان ) عشان يعطوك تذكرة واحدة شاملة القطار والباص معا .
5- مناطق سياحيه فيها نوع من المغامره .. مثل تلفريكات زحاليق تسلق .. ؟؟ مابي مناطق بس فيها مناظر مطلووبه المتعه بالنظر بس بعد شووي نضحك ونفرفرش خبركم المكان اوريدي هادي لازم شوية حركه تبعد الملل
انصحك بالزحليقة الصيفية في ( جرندل والد 20 كيلو عن انترلاكن ) والطيران الشراعي في انتلاكن .
6 - لوزيرن ابي بس اسامي الاماكن السياحيه الشيقه وانا بسوي عنها سيرج اهني بالمنتدى وهل تستحق نحجز فيها السكن لاني قلت بينها وبين انترلاكن نص ساعه ماتستاهل
الاجابة في الاعلى واعتقد ان زيارتها من انترلاكن افضل
صدقيني ما تحتاجين والتنقل بالقطارات والباصات ممتع وسهل جدا ويكفي تسالين اي احد في المحطة او القطار وهو يساعدك .
هذا اللي قدرت عليه وان شاء الله اكون افدتك