اخي هلا وغلا فيك ونحن سعداء بك
اتمنى لك حياه سعيده دائما
طبيعة اندونيسيا شبه دائمه ولكن الافضل السفر لها من شهر 4 الى شهر 9 ميلادي
لان الامطار بتكون قليله فى هذي الاوقات وتستطيع الخروج والتنزه
اما بعد ومن شهر 11 وحتى شهر 3 ميلادي بيكون موسم الامطار ولن تستطيع الاستمتاع بالرحله كثيرا
تمنياتي لكم برحله سعيده

جزاك الله خير
لاني ابي موسم الامطار الكثيره
ومشكور وماقصرت
احترامي لك

من نصف شهر 10 ميلادي يبدأ موسم الامطار بأذن الله

بالنسبه لتوقيت الامطار ما قصر مشرفنا الغالي بنتاق
اما بالنسبه للتخطيط سفرتك ما شاء الله عليك حاطها على الصامت يعني كم يوم وكم المبلغ وكم العدد والاشياء الي تحب تزورها وطبيعة الجواء حاره بارده علشان نقدر نخدمك اكثر يعني حول من الصامت للعام ههه

بنتآق
يآشيخ روح ربي يسعدك
ونعم المشرف بصرآحه
زمآني
العدد معروف انآ قآيل شهر عسل يعني كم راح يكون العدد

اها معليش علتب على النظر بالنسبه لقولتي لك كم العدد
اما الماكن الي يفيها ثلج ما اظن انك تحصل بس اماكن بارده وطبيعه ترد الروح فيه ما عندك الا بنشاك وفيه سلمك الله منطقه في بالي ياليت الاخوان يقولون اسمها اذا ما خانتيني الذاكره ان اسمها لونكونق
اما المقالب عندك انشول في جاكرتا الملاهي الي فيها حط من المقالب لين تقول بس بس ما فيها ذاك الزود من الالعاب الي في بالك المرعبه اقصد
وفيه اماكن غير الجبل بنشاك عندك منطقة سورابايا في جبل تريتس اجواء رايقه بس ادفئ بشوي من البنشاك
وعندك الاجواء المعتدله باندنق
بالنسبه للمبلغ حلو
وبالنسبه لبنتك اكسب فيها اجر شيلها معاك بس اذا انت راح تحط عينك عليها مو ادربيها انت و المدام وساحبين عليها تضيع منا ولا منا
والله الله بالمقالب في الجبل وخاصه في سفاري منطقة الالعاب خلها تصور مع النمر ههه
ولا دخلها على مكان الطيور وخل الطيور توقع عليها الله يستر لا تدعي علي بس
ورحله سعيده لك على قولتك يعني بنت عمرها 6 اشهر وعلى ما تروح يكون عمرها سنه وشهر يعني بعد سبع اشهر سفرتك اذا قربت باقي عليها كم يوم او شهر ارجع واستفسر لان اندونيسيا كل مالها وتختلف من ناحية الاسعار و الخ

أولاً مراحب لك وياهلا وسهلا بك ونحن كلنا في خدمتك دامك عضو معنا
ونترقب منك احلى تقرير مصور بعد رجوعك بالسلامه
ثانياً احب اضيف بعض النقاط ولايهون اللي سبقوني وهي
المبلغ جيد بس حاول الإقتصاد
بالنسبة للبنت الله يخليها لك انصح بأنك تخليها عند جدتها او اي احد يداري عليها احسن من انك تاخذها لأسباب
وهي انك تبي تعمل مقالب بالمدام يعني تقدر تاخذ راحتك لحالك ( ههه )
والبنت راح تكون عبء عليكم لأن البلد يحتاج إلى المزيد من النشاط للتمشيات والترفيه
اما المكان البارد فهو البنشاك ( بارد وطبيعه وأمطار وخضار وانهار ..... والله ماني مفتكر بعد ايش يعني كل شي موجود
واحب اضيف لك بالنسبة لجاكرتا عندك دنيا فنتاسي ( مدينة العاب ترفيهيه) يعني تصلح للمقالب والإلعاب المرعبه ( بس لاتقول اني انا اللي قلت لك )
اتمنى لك رحله سعيده وشهر عسل اسعد
وتقبل تحياتي

زمآني
يعطيك العافيه حبيبي
مآقصرت ياقمر
انآ من النوع ][
يعني ما اطلع دوله الا اعرف وش لي ووش علي
الموهم
الامكان اللي قلت عليها سجلتها في دفتر ابو عشرين ..
وراح اخذ فيهآ .....
والبنت الله لا يعوق بشر انها راح تجلس عند جدتها انا ناقص اخلف وامشي
بو منتظر
والله احرجتني بترحيبك
وباين عليك فاهم
لكن اشرحلي كلمة (( حاول الاقتصآد ))
ونظريتك مثل نظريتي البنت راح تكون عبء وراح تلهينا عن في روحتنا وجيتنا
يعني ابرك لها تجلس هنا
اما عن التقرير المصور راح يكون عندكم بإذن واحد احد
والشكر موصول لكم بالمساعده
فديتكم بس

lonely_mo0on
يعطيك العافيه اخوي العزيز
وانت تستاهل الترحيب والتشجيع على سرد التقرير وخصوصاً انك في اشد حماسك للسفر
اما بخصوص كلمة ( حاول الإقتصاد )
وهو أن المبلغ اللي معك كويس بس لايغيب عنك المكاسر ومحاولة اخذ اي شيء بأقل من اللي يقولونه لك
وأرجع اقول انه يكون معك احتياط من ضمن المبلغ ( لأن والله لو تحتاج كاس ماء لاتستطيع الحصول عليه من غير الفلوس ) وخصوصا بهذه البلد
اتمنى لك رحله سعيده وتروح وترجع بالسلامه
وتقبل تحياتي