الاجواء فيها بروده خاصه في الليل يبيلك جاكيت
ينقل للاستفسارات

اكتوبر الماضي كنت هناك
برد في الليل
دفي العيال زين
وان شاء الله نتقابل هناك هذه السنه

الله يعطيكم العافية حبايبي
بس لاهنتو ابي برنامج حلو من تجاربكم في هذي الدول الثلاث
لاني اول مرة اروح اوروبا

فرنسا ابشر
غيره ضع كل استفسار في قسمه

تقصد برنامج سياحي ؟؟؟
كم يوم راح تقعد بباريس ؟
تحب متاحف او حدائق او شوبينج ؟
وابشر

مشكرو لندنية2011
نعم برنامج سياحي منها حدائق ومتاحف ** واكيد المدام لها نصيب من الشوبنج
المدة 14 يوم ** اول اربعه ايام في باريس منها يوم كامل في ديزني لاند
ومن ثم الى سويسرا

م 4 ايام في باريس .....طيب
قسم الوقت لقسمين قسم صباحي وقسم مسائي
اليوم الاول خله الباص السياحي واختار الاصفر يمر بايفل والشانز والكاتدريه نوتردام والمتاحف والكونكورد انزل في ايفل وشوف ساحه مارس وخذ رحله نهريه الرحله بالليل اجمل مع عشا رومنسي
العصر ممكن تخلي برضو الباص السياحي يوديك الكنكورد وانزل في الساحه وتمشي في الحديقه اسمها تويلري اخرها اللوفر او العكس خلي اللوفر والكونكورد والحديقه الصبح والمسا ايفل احلا لما ينور
الباص مدته يومين
اليوم الثاني افطر بالشانز وممكن تزور حديقه لكسبورغ والعصر متحف الشمع قريفن والسهر في الشانز والعشا فيه
اليوم الثالث فرساي الصباح المسا الحي اللاتيني وتتعشي في مطعم هندي اسمو مهراجا واذا في وقت قبل الحي اللاتيني روح كاتدريه نوتردام الحي جميل وكله محلات هدايا
اليوم الرابع خله شوبينج عندك الشانز في بين لوي فيتون ومقهي الفوكيت شارع اسمه جورح سانك (جورج الخامس) كله ماركات انزلو لاخره شارع الماركات افينو مونتين كله بوتيكات عالميه
ثم روح للاوبرا فيها الغاليري لافييت وشوارع مهمه لتسوق مثل رويال و سانت هونور يقولون له بالفرنسي سانت اونوغي اخر الشارع في ساحه الفندوم اغلي منطقه في باريس كلها محلات مجوهرات والريفولي محلات كرستالات وهدايا كلها حول بعض خل معك خريطه الكبيره وبتوضح لك الصوره
هذا اللي ببالي وان طري علي شي برجع اذكره
صح منطقه الكونكورد فيها محلات تجاريه
واللاديفانص باريس الحديثه فيها مول كبير بس الاوبرا افضل بكثير من حيث المحلات

نسيت هضبه مونمارت حلوه ساعه تكفيها تشوف باريس من فوق منطقه شعبيه وفيها محلات هدايا روح لها قبل الغروب ع المغرب 7

لندنيه خلي مونمارات بدري شويه