حمد الجسمي
06-12-2022 - 08:26 pm
السلام عليكم ورحمة الله وبركاتة
اشحالكم اعضاء ومشرفين وادارين منتدى العرب المسافرون
اولا .. انا اسمي راشد ولد عم صاحب الحساب ( حمد ) نصحني كثير اني ادخل هالمنتدى و استفيد من التقارير ومن خبرة الاعضاء والمشرفين
الصراحة ماعرفت اسوي حساب جديد فالموقع او يمكن كسل مني وتقصير مني ... فقلت استعمل حساب ولد عمي (حمد ) كم يوم ^.^
و ان شاء الله اكون خفيف عليكم ..
الموضوع حبايبي .. انا اول مره اسافر لندن وقررت اسافر في تاريخ 27 -9-2013
لمدة اسبوع لاني سمعت لندن غالية اكثير ...
وتم اخراج الفيزا وحجز التذاكر والفندق
حجزت في فندق Hyatt Regency London - The Churchill
موقعه قريب من الهايد بارك
السؤال .. كيف اوصل من المطار الى الفندق بالاندر جراوند وبشو تنصحوني
تعرفون اول مره كيف اغير المحطات لين اوصل للفندق
ثانيا.. وين تنصحوني اروح خلال اسبوع و اهم الاماكن السياحية وكيف الوصول لها
واي نصائح اكون شاكر لكم
واتمنى من المشرفين والخبراء يسون لي جدول للرحلة
وشكرا لكم
حياك الله اخوي راشد انت والاخ حمد بين اخوانكم
ممتاز الفندق الي انت حجزت فيه وماشاء الله امورك خالصه باقي تركب الطيارة بس ان شاء الله وتسافر
اذا اول مره تروح لندن انا انصحك تأجر تاكسي من المطار لين باب الفندق اريح لك وتقريبا ب 36 باوند او 50 باوند بشركة ثانيه ويستقبلك بالمطار بالاسم تركب وانت مرتاح بدال القطارات اريح لك هذا الشي
هذي بعض المواضيع اللي بتنفيدك
https://artravelers.com/p/re/535180
وبالنسبة للاماكن وجدول الرحلة احلى مافي لندن انها مختصرة ووسائل مواصلاتهم رائعة تاخذ بطاقة اويستر شاملة الاندرقراوند + الباصات لعدد غير محدود تروح وين ماتبي في حدود زون 1 و 2 وسعرها 34 باوند
وهذا كم موضوع ابيك تقراهم واذا تعذر عليك شي نحن في الخدمة وحاضرين
https://artravelers.com/p/re/862607
والله يوفقك واتمنى لك رحلة سعيدة موفقه