أهلاً إختي , أنا اليوم الصبح واصلة لوغآنو .. جوها بالصبح معتدل آخر العشرين .. والليل برآد مائل للرطوبة ..
وبخصوص الأسواق بوسط البلد فيه كثير بوتيكات يم بعض ب مآركآت مختلفة .. بس بالضبط مآعرف لأن ماتسوقت بعد فيهم ..
أما بخصوص الآوت ليت عندهم ال Fox Town موجود بطرف لوغآنو .. فيه مآركآآآت كثيرة مثل فالنتينو وبيربري وقوتشي ودولتشي أند قاقبانا وبرادا و.. + الماركات العادية .. يسوى ينراح له حلو ..
أما عن ميلانو ترى غلط مايتسكّر سوقهم بشهر 8 , توني أمس كنت هنآك وتسوقت .. وعلى فكرة الحين عندهم تخفيضات ع الماركات الموسم المآضي توصل ل 50% وتخلص على 15-8 بس وايد أشياء مخلصين , بس هم بآقي ف سرعي عليهم ..

الف شكر يالغلا
انا ان شاء لله بكره رايحه
تسلمين يعطيك العافية
طيب في هناك مطاعم تسوي روشتي**************** هذا الطبق بيهبلني

Miss Beckham
ليش تخلص 158 عفيه قوليلهم ينطرونا شوي هل يزيدون اسبوع بعد
اختي مس بيكهام بليز دامج هناك اذا قوليلنا اذا انتي رايحه بسياره ولا بالسويس باس واذا بالسويس باس ياليت تحطيلنا تقرير بسيط عن مواعيد الباصات وارقامهم هناك لاني حجزت بفندق wellness kurhaus وودي اعرف الوضع هناك شلون ويزاج الله خير

اختي منووي حنا حجزنا بنفس الفندق وانا بكره رايحه
وعلى فكرة انا استخدم السويس باس
وبشوف الوضع بكره باذن الله

دارة الخير بعد قلبي والله توصلون بالسلامه ان شاء الله وعطينا الاخبار الزينه وهالله الله بالصوغه ههه ارقام الباصات
عسى ان شاء الله تستانسون هذا اهم شي وناطرتج بالتوفيج

الله يسلمك يالغلا
انا الان في الفندق
للاسف الفندق بعيد عن المدينه لوقانو
اخذنا تاكسي ب53فرنك
لان الفندق في الجبل والمدينه(لوقانو) بعيده شوي( بصراحه انا انصدمت)
بالنسبة للباصات وعلى حسب مافهمت من الرسبشون انها متوفره من 6 الصباح الى 6 المساءفي ايام الاجازة(السبت والاحد)
اما باقي الايام للساعه 7 مساء
توقف تقريبا كل دقيقه والمدة مع الوقفات نص ساعه الى محطة القطار
وهناك تقدرين تنزلين وتتسوقين في المدينة
رحلة موفقه يالغلا

يا حبكم يا الحريم حق التسوق
السنه هذي ما خلت شي المدام في الفوكس تاون
بصراحه روعه
وقرب ميلانو في بعد أوتلت وحده بالجنوب عنها ( سرفيالي) والثانيه بالشرق منها ( ....... والله ناسي أسمها)
(حفضنا كل الاسواق عشان الحريم)

دارة الخير
امبي ليش جذي عاد .. عاد انا مختارته لانه قالولي انه بالسنتر لا طبنا ولا غدا الشر .. دارة الخير دامج هناك حبيبتي شوفيلنا السوق يستاهل نشتري منه ولا نشتري من مكان ثاني وشنو الاماكن اللي تشوفينها حلوه ومشكوره كتير كتير