السلام عليكم
كيفكم
هذي اول مشاركه لي بهالمنتدى .. اتشرف فيكم ..
انا حاصل ع كلية الاتصالات .. وموظف حاليا وادرس بالجامعه العربيه المفتوحه .. اخر سنه ..تخصص اي تي
في العمل ما اقدر اتقدم في الترقيات لين اجيب شهادة بكالوريس .. لذا كملت في العربيه المفتوحه ..
وقريت عن جامعة warwick وقلت اشوف اذا هم يعادلون شهادة الكليه والسنوات اللي درستها بالجامعه .. واروح اكمل هندسه مره وحده ..
والله محتار .. مع العلم اني متزوج ... وسبق ان سافرت للندن .. لكن السؤال هل تنصحون اني التحق بالجامعه هذي وهل هي معروفه وشهادتها قويه .. وبصفتي متوظف هل تنصحوني اكمل في الجامعه العربيه المفتوحه والا اروح اكمل ببريطانيا ..
واذا قدمت اوراقي هل تكون المعادله لما درست يبقى لي سنه ادرسهاا ببريطانيا ..
ارجوا افادتي .. وابداء ارائكم عن وضعي ..
لاتنسوني ضروري ..
في العمل تعبت نفسيا .. اتعب واشتغل وفي الاخير مايقدرون يسوون لي شي يقلون جب لنا شهادة بكالوريس مع العلم ان تخصصي هندسي في العمل ..
انا رحت لهم .. في جده مكتب القبول .. وقالو يبقى لك سنتين تدرسهاا .. ب 120 الف
هذا مبدئيا قالو سنتين ..
يقلون راسلهم وارسل الطلبات لهم وبعدين تشوف ..
المهم .. والله ياناس محتار . نفسيتي في العمل تعبت .. لو جلست لين اتخرج من العربيه بعد سنه ونص مدري كيف بيكون وضعي في العمل يعني بتروح علي اشياء كثيره ..
واشوف عندنا بالعمل اللي جاء من امريكا بشهاده او بريطانيا لهم وضع خاص من ناحية القريدات والراوتب وحتى المعامله ..
قالو لي يوم رحت لهم المكتب تبع warwick شوف جرب ترسل لجامعات امريكيه يمكن تعتمد لك ساعات اكثر .. يعني يبقى لك سنه تقريبا ..
فتكفون اللي يعرف جامعه امريكيه معتمده .. وينصحني فيهاا ( تخصص هندسة اتصالات او كهربه ) .. واشوف الكهربه مجاله اكبر يعني يقدر يتوظف وين مايبغى عكس الاتصالات اللي حكر ع شركات الاتصالات ..
تفاعلكم معي مقدر كثيراا .. نصائحكم وارشاداتكم من باب خبرتكم في الدراسه الخارجيه لاغنى عنهاا ..
شاكر ومقدر مره ثانيه