هلا و غلا بك بعمان احمد
تطلع من ابوظبي الى العين و من العين تاخذ طريق مزيد اللي فيها مركز مزيد الحدودي و منها الى مركز حفيت العماني و بعدها هو شارعك شارع واحد رايح جاي الى ولاية عبري تقريباً 100 كيلو تزيد ما تنقص توصل عبري تريّح بمطاعم عبري اللي على الشارع تاخذ شاي و راحه على الماشي و تكمل طريقك هو نفسه الى نزوى بمسافة 130 كيلو توصل نزوى بإذن الله تطلع منها الى طريق مسقط و تحصل لوحات ارشاديه و لما توصل منطقه اسمها فرق بتحصل لوحة ارشاديه صلالة 860 كيلو توكل على الله هذاك هو شارعك بحفظ الله و رعايته و عاد اللحين يستلم الموضوع سالم بن سيف المشرف فهو من صلالة الخضراء

نسيت اقول لك
لا تسرع بطول الطريق فهو كامل شارع واحد فقط رايح جاي
و الشارع من فرق الا صلالة به صيانه و بعض الاعمال و بعض الاماكن الغير مهيئة من عامل الزمن
يعني حاسب على قد ما تقدر
الشارع موحش اغلبه صحراء يساعدك على السرعه بس لا تسمع له و خاصه معاك اهلك نصيحه من اخ لأخوه
الله يوصلك بالسلامه

أخوي الغالي / وين رايح
ما شاء الله عليك ما قصرت في الشرح ، بس حبيت أضيف هذه الخارطة لطريق عويفية الذي راح يوفر على صاحبنا بعض المسافة ، وهذه هي الخارطة

وأي تساؤل آخر تفضل وفالك طيب .

وين رايح
لك جزيل الشكر على الشرح الوفى وان شاء الله نستفيد منه فى السفرة

سالم بن سيف
ما شاء الله عليك ما قصرت في الشرح ، بس حبيت أضيف هذه الخارطة لطريق عويفية الذي راح يوفر على صاحبنا بعض المسافة ، وهذه هي الخارطة

وأي تساؤل آخر تفضل وفالك طيب .
الخارطه جميلة ولكن سؤالى هل الدخول هيحتاج تاشيرة ام اقامه الامارات تكفى

ahmed221166
أضن أنك راح تحتاج تأشيرة دخول الى عمان ، ولكن راح أتأكد لك من الموضوع وأرد عليك بأسرع وقت ممكن إن شاء الله تعالى .

مشكور بن سيف
صراحه ما اعرف هالطريق لأني ما جيتها
بس قريت عنها مره

لا ما تحتاج تأشيرة دخول لعمان
التأشيرة تاخذها من مركز الحدود لكل جواز 3 ريالات عمانيه الى 7 ريالات عمانيه بالكثر حسب الجنسية
يعني شغل السياره و تحرك
تأخرت بالرد عن التأشيرة لأني ما قريت طلبك بالكامل
عموماً حياك بعمان و لا تنسى السرعه مو زينه و توصل بالسلامه ان شاء الله

ahmed221166
أهلا وسهلا بك
بس أخوي لوين تريد تسير صلالة ،،، صلالة في وقت الخريف أفضل وليس الآن ،،، أرجو مراجعة خططك وسير رحلتك ،،،