1. السلام عليكم ورحمة الله وبركآته ..

السلام عليكم ورحمة الله وبركآته ..

انا طالبة اولى ثانوي وادري بتقولون بدري عليك وكذا بس انا مهتمه بمواضيع مستقبلي مرا كثير انا اتفقت مع الاهل بإذن الله اني ادرس بمصر بما انها تتيسر لي لوجود السكن والمحرم اللي يسكن في مصر وغيرها من الامور فعندي بعض الاستفسارات وحطيتها في قوقل اجابات بس م توفرت لي ولقيت عندكم موضوع يشرح كل شي يخص الجامعات المصريه بس مافهمت مرا عليه وماحطوا شي عن سالفه النسبه وكذا الا انها كل سنه تتغير طيب ابي المعتاد اللي بالعاده يطلبونه وفي سالفه النسبه خصيصا ابي احد واثق من اللي يقوله وفي اي جامعه شاف هالنسبه المطلوبه اذا يذكر يعني , عموما لا ازود عليكم معكم الاسئله :
1- كم النسبه اللي تطلب عادة للطب البشري وطب الاسنان
2- كم تكاليف دخول الجامعه والتكاليف السنويه من بكالوريوس وماجستير ودكتوراه وهل في شي اسمه دبلوم في الطب سواء طب بشري او اسنان ولو موجود هل لازم اخذه عشان اخذ الدكتوراه
3- الكتب اللي مطلوبه كم ممكن اجيب لها فلوس يعني مثلا المجمل اللي يكفيني لكتب ترم او سنه تقريبا
4- ايش الجامعات اللي تنصحوني فيها غير جامعه القاهره القصر العيني و عين شمس
5- كيف تتم عمليه المعادله للنسبه ومين اللي يقوم عليها وهل لهم شروط معينه للدراسه بالخارج على حسابي مو بعثه وكيف بيعالجون النقص لانو ع حسب علمي م ياخذون درجه المواد الدينيه والسلوك والمواظبه وفوقها في مواد انا م درستها في الثانويه العامه حقتهم مثل الفلسفه والفرنسي ومواد اللغه الاخرى كل اللي درسته انجليزي وعربي من اللغات هل بيخلوني ادرسها لاني م خذتها في الثانوي !
6- بيحسبون النسبه بعد المعادله ع اساس ايش نسبتي بالدراسه بس او يحسبون معاها قدرات وتحصيلي واذا بيحسبونه معاها فكم النسبه اللي راح ياخذونها من كل من النسبه والقدرات والتحصيلي تقريبا..
وشكرا والعذر لكم لاني طولت بالكلام والاسئله
وادري انو هذا مو القسم المناسب لموضوعي بس قسم البعثات فيه اقسام فرعيه بس مافيه لمصر وكمان مافيه للعام يعني مالقيت وارجوا من المشرفين نقله وسوري =)