الدراريع تحصلينهم في مجمع الأوقاف أو العربيد

مجمع الاوقاف ...........بس الاسعار شوي اغلي
عندك مجمع العربيد والحمرا مول بالفروانية......................والاسعار جدا مناسبة...........
وحياج الله بالكويت .................تنورينا يالغالية

تبين بعد دراريع حلوه غير العربيد والاوقاف عندك الايتيليهات لمصممات كويتييات وتلاقينها في منطقه الجابريه جهه العمارات وبعد الايتيليهات تلقينها في السالميه بس ما احددلج اتيليه معين لان كل اتيليه يتميز بشغلات معينه
وحياج الله بالكويت
حرم الملك

شكرا على التعاون والمساعدة كل هاي من طيبكم...
مجمع الاوقاف والعربيد بالسالمية ولة بالعاصمة... المهم اعرف اي منطقة وبعدين اهناك اهل كويت ما يقصرون يدلون الطريج بالضبط....
بس ابي شغلات بسيطة للدراريع يعني اقدر البسها الايام العادية ومرة وحدة حق العيد ما ابي حق مناسبات السهرة ... واسعار مناسبة اقدر احصلها في نفس المجمعات....
وشكرا مرة اخري والله ما قصرتوا...
طلب اخر اذا ممكن
والله نحاول نحجز شقق مو محصلين اذا احد يدلني على مكان اقدر احصل حجز فية واذا ممكن رقم شقق ميامي يمكن احصل عندهم؟؟؟!!

مجمع الاوقاف في العاصمه (الديره)
العربيد في (الفروانيه)
اتيليه انسام الخلف في الجابريه (الدراريع اللي تشوفينهم اب مسلسلات فجر السعيد p
ممكن تحصلين بعد..:
في بيت ديفا + بيت كاريزما
(شرق - بجانب مستشفى الاميري "دخلة الشارع اللي فيه البيتين على شارع الخليج مقابل سوق شرق)

السلام عليكم ورحمة الله وبركاته
أخواتي العزيزات بدولة الكويت
أحب ان استفسر عن بعض هذه المحلات
لانني طلبت من صديقة لي ان تقترح لي اسامي محلات الملابس للسهرات وايضا ليلة الحنة (الجلوة) الملابس الكشخة والحلوة والراقية جدا
فانني سآتي قريبا الى الكويت وهذه زيارة للتسوق
بعض صديقاتي اقترحن هذه المجمعات والمحلات....................
مجمع المهلب بحولي بوتيك الاميره
اتيلية برجوازي بالسالمية
مجمع غاليريا
ازياء الجنة
رشا شيك
بوتيك ايلي صعب
بوتيك باسل سودا
مجمع النقرة
المصممة تماضر العلي
مجمع الصالحية
مجمع الراية
دار العوضي
طبعا حطيت الاسامي يمكن الأخت المنسية تستفيد
واذا تقولون لنا رايكم المحلات من الفخم جدا الى البسيط يعني نبدأ بأي المحلات لأن ما شاء الله وايد ونبي نستفيد من وقت الزيارة
أكون شاكرة لكم جدا
تحياتي

انا انصحج بالراية و الافنيوز و الصالحية فيهم وايد اشياء كشخة و ايضا اشياء عادية و ازيد لج على اللستة اللي فوق اذا بتجهزين حق زواج اكيد اب تحتاجين هدوم بيت و هدوم نوم انصحج اشد النصح اب مجمع الايوب اب حولي كله محلات قمصان نوم و اسعارهم من 5-35 د.ك و بضاعتهم من امريكا , انا توني رادة من امريكا و شفت كل هالبضاعة , الصراحة عندي هذي اللي بالايوب احلى من امريكا!!!
بالنسبه حق الدراعات انصحج اول شي تروحين الاوقاف و بعدين روحي باجي الاماكن لان الاوقاف يبرد الجبد في محل هناك حق دراعات كشخة اسمه رانيا عاد مادري ليلحين موجود ولا لأ؟
و مبرووك

ماشاء الله الاخوات ما قصراو عطوج كل شي واذا تبين اي شي انا حاظرة