وعليكم السلام فيه موضوع مثبت فوق بخصوص الحصول ع الفيزا في دولة قطر
لكن لو رايح سياحة تاخذ فيزة سياحية
لو تبي تتعلم لغة انجليزية تاخذ فيزا دراسية والأمور سهلة بس اختيار معهد اللغة ابحث عن معهد في ولاية زينة

^
^
مشكور أخوي ع الرد ~
بس أنآ أبحث عن الطريقة الأسهل للدخول لأمريكآ ~
وأتمنى أعرف كم هي المدة إلي رآح أنتظرهآ للموافقه على المقابلة لمآ أقدم على الطلب للسفآرة ~ ؟ وإذآ تمت الموافقة على خير ونجحت ~ هل الفيزآ رآح تطلع بنفس اليوم ؟؟
أنتظر رد أخوي ~ Impact
وبقية خبرآء بوآبة السفر لأمريكآ ~

اخوي ما فيه مدة اول ما تخلص النماذج على طول تسوي موعد في السفارة للمقابلة والفيزا بالنسبة لي طلعت في يومين وفي قطر ان شاء الله اموركم اسهل من عندنا في السعودية الامور جدا سهلة من تعبئة النماذج يعني لو بتطلب سياحة تعبي نموذج 160 وتسدد قيمة الفيزا وتحمل صورك في النموذج 160 اللي عبيته وتحجز موعد وتروح تسوي المقابلة وتسافر واذا وصلت امريكا بإمكانك الدراسة بالفيزة السياحية لكن بعد ما تروح لمحامي ما يكلفك 200 دولار يجيب لك الموافقة ع الدراسة ويخلي اقامتك نظامية او تطلب فيزة دراسية من البداية

مشكور أخوي placeplace ~
كلامك حلو كثير ~ ^_^
وسلمت ~
وبإنتظآر تعقيب من الأخ Impact ~

1. وطلب الفيزا تراه واحد تعبيه نفس الطلب وتقريباً نفس المعلومات

اخوي قطري لازم تحدد الغرض من السفر لان هذا مهم جداً !!
يعني اذا رايح سياحه تقدم على فيزة سياحه
اذا انت رايح دراسه تقدم على فيزة دراسه
وماتقدر تقول انا باخذ فيزة سياحيه واذا رحت هناك ادخل معهد ،، مايصير هالكلام وماراح يقبلونك المعاهد الا بالفيزا الدراسيه
يعني اولا لازم تحدد الهدف من الدخول لامريكا ،، وتراهم دقيقين الامريكان من اول ماتدخل المطار واذا عندك فيزة سياحيه وانت لك نيه تجلس عشان دراسه
واسالوك ليش جاي وشكو انك مب صريح
ممكن مايخلونك تدخل امريكا !! يعني الفيزا الامريكيه تختلف عن البريطانيه

وطلب الفيزا تراه واحد تعبيه نفس الطلب وتقريباً نفس المعلومات

اول شي تروح تصور ،، واذا انت سكنك قريب من لاند مارك تلقى مصور داخل المجمع اسمه فوجي ،، قول للفلبيني ابي حق السفاره وهو بيعرف ماعلبك ،، ولاتنسا تجيب معاك مومري عشان تخزن الصوره لانك بتنزلها على الكمبيوتر وانت تعبي الطلب
تعبي الطلب وفي موضوع باول القسم يشرحه بالتفصيل ،، وعقب ماتطبع الطلب بتطلعلك صفحة للمواعيد ،، وابشرك ان المواعيد متوفره للقطريين ومافي زحمه ،، يعني اذا مالقيت اليوم تلقى بكره اللي عقبه بالكثير
( طبعاً تكون ايام عمل مب اجازه او نهاية اسبوع )
بعد كذا تاخذ الطلب وتروح البنك التجاري تسدد الرسوم تقريباً ريال ،، وتنتظر المقابله
السياحيه اذا انت قطري اغلب الظن بيعطونك سنين متعددة السفرات
(( للسياحه فقط والزياره اذا تعرف حد هناك ))
والدراسه على حسب مدة الدراسه اللي في شهادة قبول المعهد ( i 20 )
وجوازك بياخذونه ان شاء الله في كلا الحالتين وعقب يومين بيقولونلك استلمه من البوابه
نقطه اخيره ،، اخونا بليس مشكور على مشورته بس اذا انت واحد تبي تروح تدرس لغه قدم على فيزة دراسه من اولها ،، ولاتتعب عمرك في امور ممكن تضبط وممكن لا ،، القرارات ممكن تتغير في يوم وليله وتتوهق عقب
حدد هدفك من قطر وتوكل على الله
تحياتي

Stranger Man
السياحيه اذا انت قطري اغلب الظن بيعطونك 10 سنين متعددة السفرات(( للسياحه فقط والزياره اذا تعرف حد هناك ))
والدراسه على حسب مدة الدراسه اللي في شهادة قبول المعهد ( i 20 )
وجوازك بياخذونه ان شاء الله في كلا الحالتين وعقب يومين بيقولونلك استلمه من البوابه
نقطه اخيره ،، اخونا بليس مشكور على مشورته بس اذا انت واحد تبي تروح تدرس لغه قدم على فيزة دراسه من اولها ،، ولاتتعب عمرك في امور ممكن تضبط وممكن لا ،، القرارات ممكن تتغير في يوم وليله وتتوهق عقب
حدد هدفك من قطر وتوكل على الله
تحياتي
جزآك الله خير أخوي ~ ومآ قصرت ع الرد الطيب و الوآفي ~
عندي إستفسآر عن غير القطريين ~
زوجتي مب قطرية وغير خليجية وهي من دولة عربية ~ شلون رآح تكون معآملتهآ هل هي صعبه ولا مثل حآلي ؟ وهل ممكن يعطوهآ فيزة سياحية متعددة السنوات و السفرآت ؟؟ وهي تعرف نآس هنآك ~
وسلمت يالغالي ~

والله ياخوك ماعرف عن الاجراء المتبع مع الغير قطري
لكن اعتقد والله اعلم انه بيعطونها ،، لكن كم المده الله اعلم ماعندي علم
وودي اوضحلك شغله وهو انك اذا جيت على الموعد بتدخل السفاره بعد التفتيش الاول عند البوابه والتفتيش الاخر عند الدخول للمبنى الزئيسي ،، وهناك تاخذ رقم وبتلقى قدامك شبابيك ، كل سباك عليه موظف وتنتظر لين مايجي دورك وتروح لاحد الشبابيك ،، وهالموظفين يتاكدون ان اوراقك سليمه وكامله وعقبها تجلس مكانك وتنتظر دورك لمقابلة القنصل او السفيره ،، وهم اللي يجرون المقابله ،، وهم يقررون منحك الفيزا من عدمه ،، وصراحه ماعندي معرفه بهم
تحياتي

هلا ياغالي
الاخوان ما قصروا
اهم شي تحدد ليش رايح علشان نوع الفيزا ,, ان شاء الله كلها ماراح تطول !!
بالنسبة للزوجة تعطى فيزا على حسب جنسيتها !!
بالتوفيق ,,