السلام عليكم ورحمة الله وبركاته
سكنت في شقق الدانة ريزيدنس http://www.danaresidence.net/ من الخميس 29/5/2008 الى السبت 31/5/2008
وقد كنت قد حجزتها من مكتب سفريات موجود بمطار البحرين .. وكنت قد اخذت رقمهم من مشاركة اخونا Anwar123 https://artravelers.com/p/re/155747
(ألف شكر لك أخي الكريم)
وقد أخذت شقة 3 غرف نوم بسعر 50 دينار بحريني في الليلة
الموقع:
الموقع رائع .. فهو في منطقة السيف بجانب الدانة مول .. وقريب جدا من ارض المعارض ومن مركز السيف
وتتكون الشقة من صالة كبيرة جدا و 3 غرف نوم و 3 حمامات (أعزكم الله) ومطبخ
وهذي صور الشقة

هذه هي الصالة

جلسة الصالة

التلفزيون .. ويظهر ان الشقة مزودة بجهاز DVD وستيريو صغير

غرفة النوم الرئيسية

غرفة النوم الثانية

غرفة النوم الثالثة

الحمام (أعزكم الله)

المطبخ

جانب آخر من المطبخ
المزايا:
في رأيي فإن أكبر مزايا الشقق انها جديدة
وكذلك الموقع رائع
ومن مزاياها انها هادئة وعائلية
إذن فما المشكلة فيها ؟؟
انا بقولكم المشكلة وين .. المشكلة في الإدارة
لما رحنا سوينا شيك ان .. عطونا مفتاح الشقة .. ورحنا للشقة .. وتفاجانا بأنها غير نظيفة :112:
واضح انهم لم ينظفوها بعد خروج اخر ناس سكنوا فيها
نزلنالهم .. وقلنالهم نبي نغير الشقة
عطونا شقة ثانية .. والمفاجأة كانت .. ان المكيف خربان .. وكانت غير نظيفة أيضا
ونزلنا للمرة الثانية .. وطلبنا تغيير الشقة .. والحمدلله ان كان في واحد بحريني هناك .. هو اللي ساعدنا
ولما خذنا الشقة الثالثة .. كانت غير نظيفة بعد .. بس قالولنا الحين بنظفها
وطلبت من الشخص اللي ينظف انه يبدل الشراشف .. بدلهم كلهم ماعدا واحد :112:
آخر شي جاتنا فكرة اننا مانتعب نفسنا معاهم ونشتري شراشف من اي محل ونفك نفسنا
انا مستغرب منهم الصراحة .. لو احنا في دولة ثانية من الدول العربية اللي مفهوم السياحة عندهم انهم ياخذون اكبر مبلغ يقدرون عليه في مقابل اقل خدمة .. ممكن اتفهم الوضع
والشي الثاني الغريب اني لقيت اكثر من شخص يشتكي من نفس الموضوع في الفندق .. معناه انهم ماراح يرجعون للشقق مرة ثانية .. يعني على المدى المتوسط والبعيد راح يخسرون!!!
شي غريب الصراحة .. والاغرب هو المدير اللي نايم على اذنه .. والاغرب منه المالك اللي مادري وينه مايسأل عن حلاله!!
خسارة كبيرة .. ان مبنى جديد واثاث جديد .. بإدارة تعبانة تشرد اي واحد ينزل عندهم!
(تم تعديل المشاركة من قبل الإدارة)