عزيزتي اذا انتي رايحه ايطاليا .. تكفيك الانجليزيه الخفيفه ..
بالنسبه للامان .. اكيد مو زي الخليج و مصر ..
دايم انتبهي لشنطتك و لو تلبسين الشنطه اللي تجي على جنب مدري و الله وش يسمونها يكون افضل ..
اذا غابت الشمس نصيحه لاتطلعين ..
مابي اخوفك >> ماقصرتي ياخاله !!
بس دايم المكان اللي ما تعرفينه تحسين انه يخوف و اذا رحتي هناك تحسين الوضع جداً عادي .. اهم شي تنتبهين لاغراضك .. الجوال دايم في الشنطه .. لا تطلعينه الا في مكان صاد .. قريبتي انسرق جوالها من محل مجوهرات .. و اللي سرقته عامله هناك .. و لا قدرت تسوي لها شي .. حسبي الله عليها..
مدري ليه احس انك هونتي عن السفر ههه
لا عزيزتي بس الحذر واجب .. اقول يا زين ديارنا بس وش نسوي لازم الهجهجه

روحي عادي ترا غالبا السفر ما يعتمد على اللغه يعتمد على الدبره..!
فيه دول كثيره يروحون العالم وما يلقون احد يتكلم انقليزي وماشيه الامور زي الحلاوه معهم وعادي : )

روحي عادي ترا غالبا السفر ما يعتمد على اللغه يعتمد على الدبره..!
كلام من ذهب ...

1. يعني أهم شي انك تراعين الوقت عند الخروج والدخول للفندق


2. يعني بعد الغروب "عندالتاسعةمساء تقريبا" لا تطلعين الالضرورة


3. بالنسبة للغة :

أولا : الأمان في أوروبا نسبي ويختلف من دولة لأخرى ومن مدينة لأخرى ومن مكان لمكان ثاني بنفس المدينة
وهذا شي نطبق عندنا ببلدنا بعد
في أماكن أمان وأماكن لأ وفيه أوقات نقدر نمشي فيها وأوقات مانقدر

يعني أهم شي انك تراعين الوقت عند الخروج والدخول للفندق

يعني بعد الغروب "عندالتاسعةمساء تقريبا" لا تطلعين الالضرورة

يعني أنا مرة اظطريت أطلع ليلة الأحد (وهذا يوم الويك ان والسهر والسكر والجنان الله لا يبلانا) الساعة 2 الليل بسبب مرض ابني ورحت أوديه المستشفى وانا بالتاكسي شفت خلاعة بالشوارع ماكأنه نفس الشوارع اللي مريتها بالنهار
وبالمستشفى رحت لقسم طوارئ الكبار أول شي ماكنت عارفة وين طوارئ الأطفال وشفت السكارى مضروبين وحالتهم حالة والدم مغطي ملابسهم قام الأمن هاوشني يقول ليها تجيبين طفلك هنا اطلعي للقسم من برى على اليمين

• طبعا لولا مرض طفلي وخروجي بالليل ماشفت هالمناظر
• الجوال الحرص عليه لازم أنا انسرق مني جوالي بباريس في شارع الشانز ليزيه في عز النهار بس كان فيه شرطة سرية على الشارع قاعدين معهم جرايد ويشربون كافيه عادي ردوا لي الجوال خلال 10 ثاوني مو دقايق
• النشل (في أغلب الدول عربية واجنبية) انتبهي منه انا في باص بلندن عجوز بريطانية قاعدة جنبي وانا واقفة وحاولت تمد يدها للشنطة ولما حسيت فيها وسحبت شنطتي حاولت تمد يدها لجاكيت اخوي قام مسك يدها وجرها بقوة وهي ماتكلمت
• لاتعدين فلوسك قدامهم ولا تطلعين جوازك في الأماكن العامة
• احذري من بعض العرب هناك "أكثرهم نصابين ويستغلون ضعف اللغة عند البعض"

الحذر واجب في أي مكان حتى في بيتك من الخدم !!

بالنسبة للغة :

ضعف اللغة مو عائق أبدا كثير ناس يمشون نفسهم بلغة ركيكة حتى في ديار الانجليز نفسهم وللأسف بعض الطلبة الخليجين شفتهم بلندن يستغلون ضعف اللغة ضد القانون (لا يروح الفكر بعيد : اشياء تافهه مثل تيكت الباص يكون منتهي ويسوي نفسه ستيودنت جديد مو فاهم وحاجات زي كذا)
جمال الطبيعة في اوروبا بينسيك الخوف والرهبة اللي تحسين فيها قبل تجين

تشكرات لكم جميعا احس الان توضحت لي الصوره تسلمون جميعا