تبي الصراحه أنا ماقد سافرت لبريطانيا أبدا
لكني حاجز على الخطوط البريطانية .. فياليت تصير حلوه
أقول ,,,
احجز معاي بس علشان إذا توهقنا نصير مع بعض :8888:
خلّك شجاع واجزم معاي بس >== توهّق ويبي الناس يتوهقون معاه
=========================
الصراحه ماقد سافرت ولا أظنها سيئة لأنها تعتبر من أحسن الخطوط بالعالم مع الإماراتية والسانغافورية
وياليت يجي أحد قد سافر بالثنتين ويعطينا الخبر الأكيد

من زمان ما سافرت على البريطانية
لكن انا اشوفها افضل
والسعودية ارخص واحسن ما فيها دعاء السفر
التذكرة على السعودية ممكن تحصلها ب1290 ريال
وعلى البريطانية بسعر 2400 ريال
على ما اعتقد على السعودية تنزل في هيثرو بالصاله رقم 3 وهالصاله احياناً يكون فيها زحمة كبيرة انت وحظك
اما على البريطانية فعلى صالة مختلفة وغالباً ما فيه زحمة
ارجع واقول معلوماتي قديمة لأن آخر مره سافرت قبل 9 سنوات لكني مسافر بعد اسبوعين كانك وتخاوني حياك الله

call me
معلوماتك قديمة !!
السعر هذا اللي تتكلم عنه بح خلاص .. الحين التذكرة ب 2400 او 2800
هذا بعد ان لقيت
امس حاولت ادور حجوزات عالخطوط السعودية بالانترنت في موقعهم
ما لقيت حجوزات ابدا .. اقرب موعد هو 19 اوغست هذا الذهاب
و اقرب اياب لقيته بسبتمبر و باخره بعد !!!
انصحك تشيل نفسك على اقرب مكتب خطوط او مكتب سياحة و تاخذ التذاكر من هناك
او جرب البريطانية مع اني شيكت امس بموقعهم لقيت التذكرة 3300
شوف انت وش يقولون لك المكاتب
عموما ..
انا افضل السعودية احسها أئمن من البريطانية
بس البريطانية ارقى .. و لك الخيار ..

D r e a m
اخوي انا قاص تذكرتي على الخطوط السعوديه بسعر 1290 ريال ومسافر ان شاء الله بتاريخ 18-5
اما سعر التذكره على البريطانية ادخل على موقعهم وتلقى السعر 1719 ريال وشفه بالموقع
http://www.britishairways.com/travel/lcoffers/public/en_sa
وموجود حجوزات الشهر الجاي لو تبي
مكاتب الخطوط بعضهم ما عندهم سالفه

هلا وغلا بأخواني .. مدري عن الخطوط البريطانيه .. لكن اليوم كانت رحلتي الى بريطانيا على الخطوط الجويه السعوديه .. أخذتها عن طريق مكتب ب 2700 ريال الحجز كان انتظار و بعد ثلاث ايام تأكد . طبعاً هذي التذكره للعوده بتاريخ 26-7 يعني بعد ثلاث شهور .. أذا بتجلس شهر اعتقد انه فيه عرض على 1400 تقريباً .
بالنسبه لوضع الطياره فهي بوينج 777 مريحه الحقيقه والخدمه عال العال .. ويكفي ان فيها مصلى واذكار السفر الله يوفق الجميع

اخوي من واقع تجربه انا سافرت مرتين على الخطوط البي ام اي : الخطوط جيدة لكن يعيبها صغر المقاعد قربها الشديد لبعض ، اقصد المقاعد التي امامك مقارنتاُ بالخطوط السعودية ، الخطوط السعودية
ممتازه لأمور منها انها اوسع مقاعد بشكل فارق وبعد المقاعد التي امامك عن مقعدك . ايضا المصلى ،كذلك لك 31 كيلو بينما البريطانية 25 كيلو فقط ، طبعا افضل الطائرات والرحلات للخطوط السعودية هي
الذهبية وهي خاصه بالرحلات الى اوربا وامريكا فقط وهناك فرق كبير بينها وبين الرحلات الى شرق اسيا او الى المناطق الاخرى .
ايضا يعيب الخطوط السعودية انها تعطيك اوفر بوكنك يعني عادي تص اوكيه واذا جيت رحلتك يقولك الرحله فل لذلك يجب انك تقص البوردنق بسرعة طبعا هم مايفتحون قص البودنك للرحلات الى بريطانيا الا قبل الرحلة باربع ساعات فقط ، ولا تستطيع ان تقص البودنك الا في موقعهم في المطار فقط .لذلك يجب ان تحظر بدي يعني قبل الرحلة بساعة على الاقل .
الخطوط البريطانيه برتش ايرويز سمعتها ومكانتها اعرق من الخطوط السعودية وكذلك البي ام اي وهي افضل بكثير من الخطوط البي ام اي داخل بريطانيا لان البي ام اي تعتمد على الرحلات المخفضه داخل بريطانيا مثل سما وناس . لكنها في الرحلات الدوليه تختلف تماما .
في الحقيقة لم اجرب برتش ايرويز حتى الان .لانها توقفت عن الرحلات السعودية منذ سنوات ولم ترجع الا في شهر مارس الماضي
ملاحظة : الخطوط السعودية لا تستطيع ان تعرف السعر الحقيقي للرحلة الا عن طريق الاتصال بهم مباشرة ، لان موقعهم في الغالب يعطيك اسعار اغلى ولا يعطيك اسعار المقاعد السياحية المخفضه ، فقط يعطيك اسعار درجات السياحية العادية او السياحية V , كلامي هذ ا على الرحلات الدولية فقط

بالنسبة لأسعار الخطوط السعودية
إذا كنت رايح بالدراسة يعني قبل تاريخ 2362009 تكون التذكرة 1400 ريال ((((( تقريبا)))))
وبعد أول يوم في الأجازة تكون الرحلة ب 3600 ريال (( أنا سائل شخصيا عن الموضوع))))
أما الخطوط البريطانية فتذكرتها ثابتة 2550 ريال ((( أنا قاص التذكرة بنفسي))
والحجز أوفر على البريطانية لأن السعودية أشوف إلب الناس يقول فل
لا وأزيدك من الشعر بيت الخطوط البريطانية تقدر تقص البوردنق قبل الرحلة ب 24 ساعة وكل مابكرت تأخذ المقعد أللي تبي
يعني تروح للمطار ضامن المقعد أللي تختاره ..
هذا أللي عندي من أفكار والسلام عليكم

السعودية في عروض كثيره على اوروبا وأقل كلاس v بحدود 1000 ريال بس المشكلة صعب تحصله الأن _ وعلى أي حال أنا أفضل السعودية للأسباب اليي ذكروها الشباب فوق بالأضافة الى أن فيها راحة أكثر بالاخص اذا معك عائلة.

الف الف شكر لكم جميعا
بصراحه انا لقيت البريطانيه ب 2500 لكنها غير قابله للاسترجاع
لكم الف تحيه وتقدير