أهم شي تسوي حساب الأكل من حليب و بسكوت و غيره و تجيبله كم لعبه يتسلى فيهم ... و ملابس مريحه ... يكسرون خاطري الاطفال اللي يلبسونهم جينز

والله انا جربت السفر على السعوديه دايركت من الرياض الى نيويورك بس من زمان والصراحه كانت اكثر من ممتازه واتوقع الحين افضل بعد
رحله سعيده

السعودية رائعة جدا , ويهتمون برحلات اوروبا وامريكا , توكل على الله ولاتشيل هم

انا جربت السعوديه دايركت الى واشنكن ديسي اكثر من روعة رحلة سعيدة

اختي بلسم الروح
ماعتقد انهم يوزعون ادويه في الطياره
اكن نصيحه مني
انت قبل تسافرين روحي الصيدليه واشتري دوا اسمه راينو فيد يصرف للاطفال في الزكام والانفلونزا
وهم ينادون على الطياره شربيه 2 ونص مل واول ماتركبون بينام ان شاء الله اقل شي 6 ساعات وخصوصا الرحله في الليل يعني يمكن ينام كل الرحله وهذا الدوا ايضا يسبب خمول شوي بعد الواحد مايصحى يعني 3 ساعت تقريبا يعني الرحله كلها بيكون هادي باذن الله
بس اهم شي ان صحته تكون زينه
انا اسوي كذا مع ولدي عمره 3 سنوات
ولاتنسين تاخذين معك جيم بوي اذا كان يحبه او اي لعبه يحبها بس فاجئيه فيها بالطياره عشان يلهى فيها وعموما الخطوط السعوديه مزوده بتلفزيونات امام كل شخص بتكون فيه افلام كرتون والعاب
رحله سعيده ان شاء الله

طبعا السعودية لا يعلى عليها في رحلات أمريكا ، بس قديما بعد أحداث سبتمبر ألغيت الرحلات المباشرة من الرياض ، فكنا نتعب كثيرا في تلك الرحلات التي تنزل في جدة ونبدأ من جديد اجراءات السفر .. أما اليوم فقد حلت الرحلات المباشرة المشكلة .. وأتمنى من المسافرين السعوديين التوجه إلى واشنطن دايركت وعدم المرور بمطار نيويورك الذي يتلذذ بالتضييق على السعوديين .

أتفق مع الجميع
رحلات السعودية إلى أمريكا ممتازة
أما الولد فالأخت أمونة أعطتك أفضل حلين

الله ييسر اموركم ويوصلكم بالسلامه
دمتم بخير

السعوديه رائعه ..
تاخذ راحتك كأنك في بيتك ..
بالنسبه للطفل الله يصلحه ... راح يمل من طول المسافه ..
ويقضيها نوم .. وبعدين وش فيها اذا لعب .. ياخي زينتهم وهم عبث ..