تتمنى تسافر
20-08-2022 - 04:20 am
السلام عليكم ورحمة الله
بما ان رحلتي تأجلت لاسباب خارجه عن ارادتنا
حبيت اغير من الخطوط السعوديه للاماراتيه
ياليت الي جربها يفيدني اكيد افضل الف مره
بس السعر كيف؟
افضل الحجز من الموقع على النت ولا المكاتب الخاصه فيهم ولا الشركات السياحيه؟
والسعر المعقول كم؟
للعلم انا من جده وعددنا 3 بالغين وطفل 10 سنين
وكم ساعه انتظار في دبي يعني اقدر اتمشى فيها لحين الرحله الثانيه؟
وماهي المميزات الي يقدمونها اذا وصلنا دبي
وهل تحتاج تأشيره هالكم ساعه في دبي؟
ادري طولت عليكم الاسئله
بس ودي اعرف عن هالخطوط قبل اخطوا اي خطوه
الله يختارلنالخير ويوفقنا في هالرحله
ملاحظه: بسوي حجزي على اخر يوم في رمضان والعوده بعد 11 يوم
الخطوط الاماراتية جربتها من اروع الخطوط في الرحلات الطويلة قنوات كثيرة تسلي الواحد
وبالنسبة للتوقف في دبي من اروع ما يكون مهما طال تمشية في السوق الحرة ومطاعم روعة يمر الوقت مادريتي عنه
واذا بغيتي الطيران الاقتصادي بسعر رخيص فعندك العربية توقف في الشارقة
وايضا فلاي دبي الجديدة تقلع من البحرين وتتوقف في دبي اسعار حلوة مرة
لكن الثنتين ما جربتهم
===========
الحجز على الاماراتية من جدة الى كولمبو يوم 9 سبتمبر والعودة 20 سبتمبر لثلاثة بالغين وطفل
ب 10626 ريال
وطلعت العربية اغلى منها وانتظار طويل في الرجعة بسعر 10783