انا في رايئ ان يضع في برنامجه لزيارته للشرقيه يومين او ثلاثه لزياره البحرين احس ما كو فرق بين مدن الشرقيه والبحرين فيه مميزات في البحرين مو موجود في الخبر مثل السينما وغيره

م موضوع حلوو اخوي نواف وانا من اللي دايم يقولون لزوار الشرقيه روحوا البحرين يووم والا يومين بس مااقول وش فيها الخبر لالا بالعكس كل ديره لها جوها الخبر حلووه والبحرين بعد حلووه ومادام انه وصل الخبر حرام يرجع وهو ماراح للبحرين يعني البحرين فيها اشياء مو موجوده عندناا مثلا السينماا والا الاسواق والمطاعم وحده بس الواحد يغير جوو غير عن جوو دولته اسم انه على قولتك طلع بره يتمتع ويحس انه مسافر جوازات وتختيم ههه
على فكره انا اعرف ناس اذا قلتلهم روحو البحرين يقولون اشفيها البحرين يعني الناس تختلف من واحد لواحد بس اذا بتكلم عن نفسي انا احب البحرين كثير وانبسط فيها عشان كيذا انصح بزيارتها ودايم انصحهم يروحون منطقه العدليه فيها كوفيهات حلووه ورايقه ومطاعم كشخه ورومانسيه:tongue: .
تحياتي لك
فاررسه

البحرين موجودة في أول القائمة لمن يسألني من الراغبين في زيارة المنطقة الشرقية من الأهل والاصدقاء ..
البحرين فيها سياحة جميلة ومتميزة ولها محبيها ..

أكيد أنصح أي واحد يجي الشرقية يمر على البحرين
توني قبل دقائق مقفل من مكالمة واحد من الشباب مسكين شغال في منجم ههه المهم أن خوينا مخطط يجي عندنا بالشرقية وفي جدولنا حطينا البحرين كتغير للجو العام والروتين
وفي أشياء بالبحرين ماتلقاها بالخبر وفي أشياء بالخبر ماتلقاها بالبحرين وكلنا عيال ديرة وحدة
ومافي أحد يتعصب أو يحسد أخوه اللي ساكن جنب وجاره
وكلنا أخوان
مثلا أنا أروح البحرين عشان الاشياء اللي تتميز فيها عن السعودية مثل
حلبة سباق الفورملا ون
السينما
بعض المطاعم الغير موجودة عندنا
محمية العرين - ولها تقرير خاص عندي "" ورائعة جدا للعائلة وأنصح بها في مثل هذه الاجواء الجميلة ""
وهذا تقريري
https://artravelers.com/p/re/241384
ولك الشكر أخوي مضيع جوازه
وإذا لقيت جوازك قولي خلنا نروح البحرين مع بعض نغير جو

الي مايبينا مانبيه
ومحنا محتاجين نجيب واحد بالقوة لنا
ترا حتى الكويت كلها 400 كلم بعد للي يبي يجي
وايران مايفصلنا عنها الا البحر بعد للي يبي وبكره تصير الشرقية سبيل
وليش مانشوف في بوابة البحرين احد يقول روح الخبر او الدمام؟؟
لأنهم عارفين طريقة الجذب والتسويق ماهو واحد يسأل الخبر كم تبعد ويجيك الجواب البحرين على بعد كذا وكذا... !!

أنا أنصح أي أحد وأقوله : وش تبي بالخبر ؟؟ والشرقية كلها.. إذا مالك أقارب وأهل ورحلتك فقط للتمشي والوناسة
فتوجه للبحرين .. الصراحة راحة ومافيها شي ... انواع الفنادق بمختلف الأسعار مهوب زينا مضحوك علينا بالمريدين وقال
ايش قال الليلة ب 900 ريال!! اموت وأعرف على أيش... وش فيه شي يستاهل وممكن يجذب أي سائح يقعد فيه
ولا الموفمبيك الجديد، ما أدري مايتسحون فنادقنا غالية وأغلى من البحرين وتطل على براحة!!!!!
وأحب أقول للمساكين اللي ملعوب عليهم بالسياحة الداخلية ترى مافيه عندنا شي اسمه فندق يطل على البحر!!!!
أحرجتونا ترى بهالسؤال المستمر... ماعندنا الا المريدين اللي طبعا له أكثر من 30 سنة وليلته الله يسلمه معقولة
ب 900 ريال بس!!! ومازال السؤال مطروح.... على إيش هالسعر ما أدري!!
وعندنا اظاهر شرفة الخليج ممكن يطل على البحر بس من بعيد يعني يبيلك تناقز شوي لين تشوف البحر...
هذا من ناحية فنادقنا الفلة مع الأسف الشديد ...
نجي للشاليهات ...
ومع كامل احترامي للجميع .... اقولك خذها من قاصرها وارجع ماعندنا شاليهات زي الناس....
لأن الشاليهات المحترمة واللي تفتح النفس راح تشوفها كأنها ثكنة عسكرية مافي أمل توصلها وأنواع الحراسات
والبوابات وبمبلغ وقدره !!!! هذا اذا ماكانت أصلا ملك شخصي ولايميدك عليها ....
اما اللي بيقولك رح للهوليدي ان ولا قرية الخليج فأقولك من هالحين اللي بتصرفه فيهن يسكنك بدبي او في الكويت
او في البحرين بأحسن فندق وصدقني بتستانس أكثر...
نجي على مطاعمنا،، انواع البارتشينات والضيق والصكصكة ولو لقيت شي يفتح النفس وسلمت من الديكور الخايس والتحجير
الله يعينك منتب سالم من الملقف اللي انواع القزقزة والحملقة ماترتاح وللأسف أحيانا بعض فئة الملحجة هذي ممكن يتواجد
في البحرين ....
وبما إنا في موضوع عن الخبر والبحرين والسفر فأحب أضيف نقطة ونصيحة لإخواني أهل الشرقية ولجميع السياح الراقين
وأصحاب الوعي والحس السياحي...
نصيحة والله من ذهب ...
لاتروحون للبحرين في الإجازات ، إجازات الطلاب اللي ينكب الناس فيها من كل مكان الرياض وغير الرياض على الشرقية
والبحرين لأنكم راح تشوفون ممارسات تفشل بمعنى الكلمة من قبل ضيوف الإجازات ...
وطبعا لاتفكرون تحضرون سينما في ذيك الأوقات لأن بعض الإخوان الضيوف "بعض وليس كل" من خارج المنطقة الشرقية
سيمتعونك بعرض لإستخفاف الدم ورفع الصوت وإزعاج الحاضرين والصراخ عند كل مشهد رومانسي او عاطفي...
والضحك في المواقف التراجيدية... والمكالمات بالجوال وغيره والسواليف واللي يشرح الترجمة واللي مافهم وهلم جرا..
هذا ماجال في خاطري وأرجوا أن يتقبله الجميع بصدر رحب...

مضيع جوازه
أخوي الغالي أشكرك على طرح هذا الموضوع للنقاش و ابداء :
اولاً : عمرها ما تكمل زيارة الشرقية من غير زيارة البحرين سواء للأفراد أو حتى العوائل ففي البحرين أشياء غير موجودة في الشرقية منها على سبيل المثال السينما و بعض محلات الماركات الموجودة عندهم في الأسواق و الغير موجودة عندنا.
ثانياً : أحنا و أهل البحرين أخوان و نسايب ف زيارتنا للبحرين لا تنقص من حبنا لأهل الشرقية و بنفس الوقت نشوف الكثير من أهل البحرين يزورون الشرقية و يحبون يتمشون فيها

السلام عليكم
اسمحولي بتدخل لاني ما دخلت هالمنتدى الا عشان الشرقيه وبصراحه تستحق الزياره
بس كلنا اخوان بسهوديه او البحرين او الامارات والكويت
وعلى ما اعتقد التنبيه كان من اخوي سلطان ان هالبوابه تخص الشرقيه وفيه بوابات ثانيه تخص كل دوله
وهذا مب معناه انه غلط عسب كل واحد يبحث بالبوابه اللي يحب يزورها
والسموحه بس حبيت اوضح
وكلنا خوان
سلام

1. وأكره أي شخص يدفع هللة وحده في السياحه دآخل السعودية


2. ليش؟؟


3. حنا على طول وبدون تفكير واول شي يجي في بالنا : عندنا بحر


4. يرحم أمك أنت رحت الهآآفمون وشفت أنواع المزابل والوصخ على الشاطيء؟؟


5. غير كذا داخل البحر حصى وبلوك متكسر يوجع الرجل وطين أسوود ،،،

.
+
.
.
السلآم عليكم ..
من الأخير وبدوون زعل
أنا من الأشخاص اللي أكرره السياحه الداخلية / وأكره أي وآحد يشجع السياحه الداخليه

وأكره أي شخص يدفع هللة وحده في السياحه دآخل السعودية

ليش؟؟

أول شيء أنوااع المصخره بأسعار الفنادق والشقق تقوول كأنك رايح لندن على هجري الأسعاار ( قلة حياا بصراحه ) وليتهآ شغل سنع ويستاهل.. أغلب الشقق مافيهآ صياانه وتحووم الكبد وبعضهآ تقوول كأنك داخل سونا على الغباار اللي تشوفة وريحة الدخان،، لو أرروح لندن وأسكن بزريبه هناك أرحملي من أني أدفع ريال على شقه هنا.. أهذا أولاً
ثانياً .. الخبر كلهآ ثلاث شوارع وإشارتين وصبخه مافيهآ إلا الرآشد ومجمع الظهرآن وإن تحطمت نفسياً رحت الكورنيش اللي أيام الصيف مستحيل أفكر أبداً فيه لأني مو ناوي على عمرري بهآالرطوبه ..
ثالثآ ؟؟ أنت تقوول

حنا على طول وبدون تفكير واول شي يجي في بالنا : عندنا بحر

يرحم أمك أنت رحت الهآآفمون وشفت أنواع المزابل والوصخ على الشاطيء؟؟

كاسات، أكياس زبالة، مناديل أوراق قراطيس طحالب،، أشياء سوداء مدري وشي، جيلي فيش منتحر.. أشياء تتحرك مافكرت أعرف إيش هي، زجاج مكسر .. طبعاً غير الحطب والفحم اللي متروك كذا.. الله يكرمكم جواتي منسيه .. ذاك اليوم لقينآ كرسي وكفر مرمي داخل البحر ( ؟؟؟؟ )

غير كذا داخل البحر حصى وبلوك متكسر يوجع الرجل وطين أسوود ،،،

:x1: طبعآآ كالعاده برآآفوو علينآ حطمنآ الرقم القيااسي بالمصخرره .. وين حقوق الإنسان وحماية البيئة يجون يشوفوون التلووث هذآ...

• ملاحظة1: اللي ماصدق اللي قرآآه.. بإمكانه وبكل بساطه ياخذله فرره على الهآفمون ,, بيشوف أكثر من كذآ.. بس نصيحه لاتطلع برآآ السياره
• ملاحظة2: مدخل 10 بالهآفمون بعد تقريبآ 15 متر سباحه أغطس دااخل .. تدري وش بتلاقي؟؟؟

باص وكم سيارة مرميه داخل من أثآر حرب الخليج .. وهذا بعيني شفته
رابعآً ،، المطآعم والبارتشناات
.. ياتلاقي مطعم كل طاولاته مصكصكه ومسوره وأبن امه يشوف وش يصير أوحتى يسمع داخل .. أوو تلاقيهآ مفتووحه لابارتشن ولامشمش
أو ك تشيليز مثلاً وفرايديز وأبل بيز عنده كذا وعنده كذآ .. عشان كذا كل الفئات تحبهم وراضيه عنهم ،،
تروح للمطاعم اللي بجزيرة الدغيثر المطعم البرازيلي مثلا ولا كأنك بالداونتاون بيروت ( والبارتشن ممنوع ) وبالتالي أنواع الأشكال والوجيه اللي تجيب الهم .. سووري :wink:
على طاري جزيرة الدغيثر .. فرحنآ أول مافتح.. ديكور فخم و ميوزك كلاسيكي وجلسات على قولتهم ( رآآقيه وبانوراميه ) ولايرووح هنآك إلا عيآل البطره .. تهورنآ يوم ورحنآ هنآك بالجلسات الخارجيه اللي مطله على مياة الخليج العربي "العذبه".. كعآدتنا بالسعووديه ولاشيء يكمل .. منظرر بششع طبقة خضرآآ على البحر مطلعه ريحه.. بس لإبراء الذمة منظرر خرافي على البحر بالليل ( احترني إذا جاكم أحد بعد هجري المنظر )
الأخ اللي فووق جاب موضوع حسااس للغآيه .. اللي هي الزحمه أيآم الإجازآت والأعيااد
الخبر خلقه زحمه يجون ( الضيوف ) من كل مكاان فوق روسنآ .. شيء مو طبيعي الخبر بأيآم زي كذآ
والجسر مايلحق يمشي البشرريه هذي كلهآ وأنوااع الحووسه والزحمه والهوااش
غرريبه البحررين للحين مابعد غررقت من الزحمه والتكتل البشري اللي يجيهآ ..
أكيد فيه أشياء وآجد لازم تنقال عن سياحتنا الدآخليه .. هذا اللي قلته بس بالخبر
اللي هي تعتبر ثاني أجمل مدينه عريبه وأنظف مدينه بالشرق الأوسط واللي أرآمكو معتنية فيهآ
طبعآ غير أبهآ وجده وأنوااع المصخرره ومصخرره بقووه بعد مو مثل الخبر اللي ( يازينهآ )
وبالنهايه .. أكيد البحرين مو جنة الله في أررضه بلاوي الدنيآ كلهآ فيهآ .. الشيء الوحيد اللي يتميزون فيه أن عندهم أوبشنز أكثرر.. أكثر من دول خليجيه ثآنيه.. بس
بالنسبه لي مأحررص على روحة البحرين وآآجد .. إذا على السينمآ ف سينمآ كامب أرآمكوو بالظهرآن كفى ووفى..
بالنسبه للسعوديين ^ سبيشلي أهل الرياض ^ مسمى (السياحه في الشرقيه ) = الرآشد + البحرين + بحر
وهذي حقيقه مستحيل أي أحد ينكررهآ مع تحفظي لبعض الأشيااء
peace
.
+
.