هلا ابو خالد والحمد لله على السلامه
الا كيف الجو عندك ... وكيف العرب معاك

السلام عليكم
اخوي كم بتجلس
كم متوسط مصروف الجيب بدون التذكره والمعهد
كيف الرحله بالطياره" المسافه الطويله" تحس انك دخت؟

الله يكتب لك التوفيق وشد حيلك يا بطل

بارك الله في عمرك ، وجزاك الله خير
ممكن تعطينا فكره عن المعهد اللي تدرس فيه ، وهل فيه سعوديون كثير ؟

1. وعليكم السلام يالقثامي وشكرا لك على المرور


2. أهلا أمير البيان وجزاك الله خير على المرور

الله يسلمك يالماسترو وشكرا لك على المرور
أما من ناحية الجو فهو متقلب اول النهار برد واخره براد واحيانا يكون حر
أما من ناحية العرب فحدث ولا حرج وهذي مشكلة أوكلند وخاصة اليومين الجايه بتمتلي عرب اكثر الموجود تقريبا سعوديين ثم كويتيين ثم إماراتيه .
وانا احاول اتجنبهم بقدر المستطاء بس عجزت كل مارحت مكان الا وهم قدامي وهم اللي يبادرون بالتعارف والا ما اودي اكثر علاقات وانا ناوي الدراسة .

وعليكم السلام يالقثامي وشكرا لك على المرور

اما من ناحية المصروف فهو صراحه مختلف فأذا قارنته بالسعوديه ودول الخليج فبتلقاه مرتفع شوي واذا قارنته بدول اوربا فبتلقاه مرتفع شوي وهذا كلام اكثر اللي سافرو لدول أوربا ، يعني على سبيل المثال تأخذ وجبة الغدا رز مع ربع دجاجه مع كولا بعشره دولار يعني مايقارب 27 ريال سعودي أما عن المصروف الشهري فتقريبا اذا كنت منت من النوع اللي يلعب فيكفيك تقريبا من 2000 الى 2500 كأقصى حد لأنك مفطر ومتعشي وساكن عند العئله يعني مايبيلك تصرف الا على الغداء وبعض حاجياتك البسيطه وكروت الباص والسينماء وغيرها .
أما من ناحيه الطيران فطرت عن طريق الكاثي باسفيك أخذت التذكره من مكاتب الصرح بطريق العلياء وصراحه مالقيت افضل من سعرهم درت على أكثر من 7 مكاتب للحجز ولقيت سعرهم مناسب 5300 رايح راجع مع نومه يوم بهانغ كونج بفندق ماكل شارب ولله الحمد الخدمات كانت ممتازه تقلع من الرياض الى هانغ كونج وتاصل بعد 8 ساعات تقريبا ثم ننتضر 3 ساعات ونغير الطائره ونقلع لأوكلند ايضا 8 ساعات وناصل بعد 23 ساعه لاكن فيه تعب لطول المسافه .

أهلا أمير البيان وجزاك الله خير على المرور

أما من ناحية المعهد الحمدلله وفقت الأختيار فيه حوالي 190 طالب متعدد الجنسيات و متعدد المستويات ولاكن فيه 2 سعوديين وواحد كويتي . لاكن لايهمك الأمور هذي والسؤال عن المعاهد اصلاً معاهد أوكلند كلها في شارع واحد أكثر من 23 معهد على شارع واحد أسمه كوين أستريت فأفضل طريقه أخوي انك تحجز وتجي بنفسك وتتمشى على ذاك الشارع وتتخير بنفسك أي المعاهد يصلحلك أفضل من طريقه الحجز من السعوديه .
طبعا سعر المعهد اللي اخذته 230 دولار بالأسبوع بار تايم أربع ساعات يومين من الساعه التاسعه وحتى الواحده ظهرا في الأسبوع الواحد والعائله 190 دولار نايم اكل فطور وغدى مع غسل الثياب وكل ماتتطلبه حياتك اليوميه في السبوع الواحد ايضا ُ . يعني العائله مع المعهد في الشعر يطلع تقريبا 4600 ريال لاغير
واغلب المعاهد تحصلها تتراوح حول السعر هذا ممكن يزود شوي بحيث ياصل تقريبا اغلى معهد حوالي 6500 مع العائله . لاكن مثل ماقلت انا انصح اي طالب ذاهب للدراسه انه يذهب بنفسه لالالالالالالالالايحجز من أي مكتب ببلده ولا يهمه كلامهم الكثير وتشغيلهم لبعض الأشرطه عن المدن أو عن المعاهد ولاتنغرو يا اخوان ببعض الصور اللتي يعرضها لكم بعض المعاهد . وأنا بالسعوديه مريت على أكثر من 11 مكتب يتعاملون مع المعاهد الدراسيه الخارجيه وعند الأستفسار عن المعاهد البعض منهم يخرج الصور وإذ انك ترا المعهد بأحسن صوره وأفضل حال وحوله حديقه ومنتزهات ولاكن بطبيعة الحال عندما ترا المعهد بنفسك يختلف الكلام عن ماتسمعه في بلدك واحيانا ترى كتلوجات المعاهد واذ مصورين حولها حديقه ومنتزهات فيغرونك بجمال الطبيعه واذا نضرت فاذا الحديقه والمنتزهات عامه ولا اصل ولا دخل لها بالمعاهد .
أسف على الأطاله بس حبيت أفيدكم ببعض الأمور التي أستفده منها وأبعدكم من بعض الأخطاء التي تتكرر كثيرا.
بالنسبه لمطار نيوزلندا أول ماتاصل بالسلامه يقابلونق الجمارك ويقولون وش عندك قلهم سياحه ولابد تكون قاص تذكره الرجعه يعطونك على طول فيزا 3 شهور ويقولك مرحبا بك في نيوزلندا اطلع برا وخذ اقرب تكسي وقله ستي أوكلند اللي هي الوسط وانت هناك شف الفنادق كثرهن وخذلك يوم وتفرج على المعاهد .
لاكن نصيحتي للجادين في دراسة اللغه الأنجليزيه لاأحد يقرب لأوكلند لأنه يكثر فيها الصينيين واليابانيين والكوريين وايضا العرب . يعني المعهد تلقى فيه ثمانيين بالميه صينيين ويابانيين وكوريين ولغتهم مكسره ونطقهم مو بزين فيحوسون عليك .
بأمان الله ولاتنسونا من الدعاء

اخوي الحنون بصراحه كفيت ووفيت يالغالي..
وانشالله ترجع بالسلامه

يعيطيك الف عافيه
ماقصرت وبالتوفيق

كيف حالك يالحنون ان شالله امرك تمام
كم درجة الحرارة هالأيام ؟؟

كم نسبة السعوديين في المعهد اللي تدرس فيه؟؟