ماشالله الف مبروك اختي تستاهلون وعقبالنا
بالنسبه للتخطيط يفيدونك الاخوان انشالله
وبالنسبه للطيران البريطاني انا اشوف انه مناسب وحلو
وترى تعتبر رخيصه مقارنه بالهولنديه الكي ال الم والاماراتيه وغيرها
لاني دورت لقيت البريطانيه ارخص للشخص الواحد 4770 ريال وعن طريق مكتب سياحي بعد ممكن عن طريق النت ارخص الله واعلم
و الهولنديه كي ال ام حلصتها ب 5300 ريال تقريبا والاماراتيه نفس الشي فوق الخمس الاف
حجزت على البريطانيه وتوكلت على الله اهلي جربوها من قبل لامريكا ويمدحونها طبعا لاهل الشرقيه اذا بيافرون على البريطانيه لازم من البحرين لانه مافي من مطار الملك فهد فيه من الرياض وجده على ماظن
تقبلي تحيااتي

السلام عليكم ورحمة الله وبركاته
مساكم الله بالخير جميعاً
عندي سؤال لاعدمتك ملكة
بالنسبة للفيزا الأمريكية وش الطلبات إللي قدمتوها للسفارة بالضبط لأن إحتمال يكون موعد سفرتي مع العائلة بنفس موعد سفرتكم بإذن الله مع العلم بأن العدد 2 كبار + 2 أطفال ومن مدينة الرياض ..
أبوممدوح
الرياض

اي والله يالغاليه ياليت تفيدينا بمتطلبات السفاره للفيزا الامريكيه لأن رحلتي انا بعد بعيد الفطر ان شاء الله
من الرياض
وماشاء الله ابغى اتأكد بس معقول بأربع ايام تطلع الفيزا ؟؟؟؟؟؟؟
الله يسهل عليكم سفركم ويفيدونك ان شاء الله بتخطيط الرحله

مشكورين اخواني ترى حتى احنا ماصدقنا انها طلعت كانت المقابلة الثلاثاء 4 اغست واستلمناها السبت 8..
بالنسبة للأوراق كالتالي: 1- كشف حساب آخر ثلاث شهور
2- تعريف من العمل باللغة الإنجليزية.
4-الجواز لاتقل صلاحيته عن 6شهور وصورة من الجواز بس الصفحة الأولى اللي فيها معلومات.
5- الجوازات القديمة (مع انهم ماطلبوها)
6- عدد 2صور شخصيه 5*5
7- تعبئة الفورم 156وطباعته والتوقيع عليه لكل واحد من الأفراد بغض النظر عن العمر
8- تعبئة الفورم 157 فقط لزوجي وطباعته والتوقيع عليه( للذكور فوق 14)
9- ايصال دفع رسوم الفيزا ببنك سامبا لكل شخص

• وطبعا لازم تكون طابع ورقة الموعد لتقديمها عند الدخول للسفارة
• رتب كل أوراق شخص داخل جوازه علشان تكون العملية أسرع بالتشييك على الأوراق

وكانت المقابلة جدا سهله ( وين تشتغل وكم الراتب من بيتكفل بمصاريف الرحلة وين سافرتو من قبل رحتو سوريا او لا وين بتروحون بامريكا وليه عندكم أحد تعرفونه بامريكا أقارب )يعني اسئلة روتينية
ولكم تحياتي وبالتوفيق للجميع

لقيت اللفتانزا ب 7000 الف ريال الا مية ريال

ماشاء الله
الله يسهل امركم وتروحون وترجعون بالسلامه

الحمدلله عديتو من مرحلة الفيزا ..
اثقل مراحل السفر الى امريكا ..
واشنطن او فيرجينيا .. اذا انتو حاطينهم بس جذي ..
يعني ماعندكم احد تزورونه من رأيي تستبدلونهم بنيويورك وميامي ارتب رحلتكم بتكون
وكلهم قراب من اورلاندو
والمناطق احلى وتستحق الزياره