كم المعدل التراكمي حقك ؟

لازم يكون عندك توفل ودرجه GRE ...اضافة الى المعدل يكون مرتفع الى حد ما

هل كل التخصصات الإدارية تشترط اختبار Gre أو الجيمات ؟
وهل نفس التخصات أعلاه يشترط معدل عالي للبكالوريوس ؟
مافيه تسهيلات من هالنقطه ؟

السلام عليكم ورحمة الله
الله يجزاكم خير الجزاء ويسهل عليكم ماتعسر من قلب مخلص
المعدل التراكمي هو 2.87 من 5
وبالنسبة للغة الانجليزية معدلي فيها جيد مثل ولكن مااعتقد ان الجامعات تطلب التوفل من شان الحصول على قبول حتى ولو دكتوراه. لانهم يعطون على الاقل قبول مشروط ,ولذلك معي فرصة ادرس اللغة اليس كذلك؟
اود تنويري جزيتم خيرا من لدن حي قيوم لايموت سبحانه

لانهم يعطون على الاقل قبول مشروط
ممكن نعرف ايش مفهومك عن القبول المشروط ؟!! لأنه واضح انه هناك سوء فهم كبير في الموضوع ...
ولكن مااعتقد ان الجامعات تطلب التوفل من شان الحصول على قبول حتى ولو دكتوراه.
مين فهمك هالشي !!! التوفل هو أول المتطلبات لجميع المراحل الدراسية إذا انت طالب "International" بالإضافه إلى المعدل لازم يكون فوق ال 3 و لازم اختبارات اخرى مثل GRE و GMAT خصوصا لمن هم ينوون دراسة الهندسه ..
دراسة الماجستير في امريكا مو سهله ابدا و لها شروط صعبه ، إذا ما كان الطالب مجتهد و جدي في الدراسة ماراح يحصل عليها ... و لغتك لازم تكون ممتازه ...

اهلا اختي
مفهومي عن القبول المشروط انك تاخذ قبول بشرط انك تخلص دراسة اللغة الانجليزية
Gre And Gmat للاسف مدري وش هي. مامعناهافي اللغة العربية
لاني ممكن اكون درستها وموجودة في شهادتي البكالوريوس المترجمة
عندي سؤال هل فيه امكانية للحصول على القبول مع ان معدلي 2.87 وعندي خبرة في التدريس

د .
سويت بحث و سألت ناس كانو يدرسون معي عن امكانية القبول بمعدل ضعيف ... أحيان فيه امكانية إذا قدرت تثبت انك طالب مجتهد و هذا من خلال حصولك على درجات عالية في اختبار GRE

انا سمعت ان هناك جامعات تقبلك من دون توفل ولا جيمات
انا أبن اختي درس بكالوريوس في ولاية بن سلفانيا والان أنقبل في ولايه أخرى ماستر
كثير من الجانعات تطالب جيمات وتوفل لكن الاهم هناك من يقبلك من دونهما
اذا درست بمعهد للجامعة وتجاوزت المستوى العاشر وضعك اوكيه وماعندك مشكلة على ما أسمع أنا .

1. وايضا هناك امتحانات اخرى للطلب والقانون خاصه لكل تخصص ..

متطلبات القبول للماستر في جامعات امريكا وانا اقصد الجامعات المعترف فيها عندنا في الخليج يعني مستواها من جيد جدا الى عالي , لها متطلبات منها المعدل قوي .. درجة في التوفل .. امتحان للقدرات العلمية .. رسائل توصية من اساتذة القسم الي درسوك .. رسالة منك تذكر فيها رغبتك وغرضك من دراسة هالتخصص وبهالجامعه .. وهذي بشرحها كل على حده ..
بالنسبة للمعدل .. يتطلب من المتقدم ان يكون معدلة في البكالوريوس 3 من 4 اي على اساس انه ينقبل وصعب ان الطالب ينقبل اذا كان معدلة اقل لان مثل ماذكرت الجامعات المعترف فيها مب سهله , فا اغلب الطلاب اللي ينوون إكمال الدراسة العليا في امريكا يتعبون لين مايلقون جامعة تقبلهم ,, طبعا في استثناء ان الطالب ينقبل بس بشرط انه يدرس مواد للبكالوريوس لمدة مثلا 30 ساعه ( سنة دراسية ) ولما يرتفع المعدل ويوصل الى ثلاثة يتم قبول الطالب وهالطالب يسمونه سبيشيل ستيودنت .. (( مب كل الجامعات عندها هالخيار ))
التوفل .. يشترط انك تحصل على درجة ماتقل عن 550 في إمتحان التوفل وبعض الجامعات تستغني عن هالشرط اذا درست في معهدها الى المستوى الاخير وحققت نسبة نجاح في المواد 80 %
امتحانات القبول .. اذا انت راح تدرس في الماستر او الدكتوراه هندسة او علوم او تربية تشترط عليك الجامعات انك تقدم إمتحان اسمه Gre وهذا يتكون من لغة انجليزية وقسم رياضيات ومواد علمية اخرى على ما اسمع انه بيبيلة جهد لكنه موب صعب علينا إن شاء الله , طبعا اغلب الجامعات تطلب علامه ماتقل عن 1000 وبعضها اقل شوي لكن مثل ماذكرت انه مطلوب ..
اذا انت بتدرس الماستر او الدكتوراه في مجال إداري راح يطلبون عليك امتحان اسمه Gmat وهذا يتكون من لغة انجليزية ورياضيات واحصاء وامور خاصة في الادارة وهذا ايضا يتطلب من الطالب جهد لكنه اسهل من الاول , العلامة المطلوب في الامتحان 500 واسمع ان الجامعات قامت تطلب اكثر توصل بعضها الى 700 !!

وايضا هناك امتحانات اخرى للطلب والقانون خاصه لكل تخصص ..

رسائل التوصية .. هذي سلمك الله تروح لجامعتك وتطلب من الاساتذه انهم يكتبون رسالة للجامعة اللي بتتقدم عليها , وشرط تكون 3 رسائل مختومة وبظرف باسم الجامعه , واذا انت تعمل اخذ رسالة او رسالتين من مسؤولينك عشان زيادة الخير خيرين ..
الغرض من الرسالة .. هذي اغلب جامعات العالم تطلبها وسهل كتابتها وهي انك تذكر انك تحب التخصص وترغب دراسته في الجامعه المراد التقدم لها والصيغة سهل انك تلقاها في المنتديات ..
كل الامور اللي ذكرتلك اياها مب صعب تحقيقها لكن يبيلها جهد وكثير من المعاهد التابعة للجامعات او الخاصة تعطي دورات للغة والامتحانات الخاصة بالكليات فا اذا انت ناوي على التعب والجهد توكل على الله وادرس في امريكا وبأذن الله ان تعبك ماراح يضيع ..
هذي متطلبات القبول بشكل مختصر واي سؤال انا حاضر
تحياتي