على قد خبرتي المكاتب في جده يطلعون الفيزا

و الله احنا من جدة بس اضطر اخوي يروح مقرهم في الرياض

اخي الكريم لا بد يذهب رب الاسرة الى السفارة النمساوية في الرياض بنفسه و يكون مجهز كل شي بالشكل المطلوب عشان مايرجعوه و المطلوب :
1- تعبئة نموذج الفيزا بالشكل الصحيح ممكن تنزله من موقعهم على النت ويكون باللغة الانجليزية و يكون موقع من قبل صاحب الطلب نفسه اذا كان عمره اكثر من 18 سنة و يكون التوقيع مطابق لتوقيع الشخص نفسه في الجواز يعني اذا في احد عمره اكثر من 18 سنه لا زم يكون موقع على جوازه و الي اعمارهم اقل من 18 سنة توقيع ولي الامر .
2- جوازات صلاحيتها اكثر من 6 شهور من تاريخ السفر و صور للجواز و الاوراق ذات الصلة
3- حجوزات مؤكدة للفنادق و لا زم تكون مرسلة بالفاكس من الفندق نفسه و لا يقبلون اي اوراق من المكتب الي حجزت منه او مواقع النت يعني تتصل بالفنادق يرسلون لك فاكسات .
4- حجوزات طيران مؤكدة الاصل مع صور لها .
5- تأمين سفر يغطي فترة سفرك مع المرافقين من التعاونية او الشركات الاخرى المعتمدة الاصل مع صور لها
6- صور لبطاقة الاحوال و كرت العائلة مع الاصل للاحتياط
7- كشف حساب بنكي ( أصل ) لآخر ستة شهور و يكون مصدق من البنك و يكون باللغة الانجليزية و رصيدك لا زم يكون فيه اكثر 30000 ريال
8- ورقة تعريف بالراتب من العمل يكون باللغة الانجليزية و موجه لسفارة النمسا و يكون مختوم من جهة العمل و الذين يعملون في غير القطاع الحكومي يجب ان يصادق التعريف ايضا من الغرفة التجارية
9- صورتين شخصيتين لكل شخص حسب مقياس ( ايكاو ) ممكن تنزله من موقع السفارة على الانترنت و اوعك تكون الصور مو صحيحة اي حسب ايكاو و الا بيردوك
ملاحظة : عب النموذج في البيت و روح وانت جاهز
بالتوفيق اخي العزيز

ممكن يطلعها لك مكتب في جده ب800 ريال للجواز الواحد شامل الحجوزات الوهميه من تذاكر وفنادق مع التامين وفقط يطلب منك تعريف بالراتب من العمل مصدق بالانجليزيه وصورتين شخصيه واحضار الجوازات ,,,,,,,,عن طريق القنصليه الفرنسيه في جده لا وبعد يعطيك 6 اشهر ,,,,,,,, وخل عنك خراط السفاره النمساويه بالرياض جميع انواع اسلوب التطفيش عندهم ,,,,,,,, للعلم تدخل بالشنغن اي دوله تبغاها وماهو شرط بلد الوصول او الاكثر اقامه وغصب عنهم وهذا نظام الشنغن ,,,,,,, وكل مافي الموضوع انهم يبغون يخففون الضغط علي بعض القنصليات لكن نظاما طالما طلعت الشنغن تقدر تدخل اي دوله اروربيه

احنا من مكتب سياحي بس من السفارة الفرنسية الشخص ب 1000

بالفعل .... اليوم سألت اكثر من مكتب في جدة
كلهم يطلعونها من السفارة الفرنسية وتكلف من 800 الى 1000 ريال حسب المكتب
بس يطلبوا الجواز والصور وكشف الحساب وخطاب العمل ... والمدة تقريبا اسبوعين