1. السلام عليكم ورحمه الله

السلام عليكم ورحمه الله

توي جاي من سريلانكا الجميله لكن لم نستمتع بسبب شركه جت ونج ريتشارد والموضف الي اسمه خالد حسبي الله عليهم كانت رحلتنا مع العائله والوالده حفظها الله واول صدمه كانت في اول فندق اول ماوصلنا من المطار تعبانين قالو لنا مافيه حجز وقعدنا ساعتين باللوبي الي مافيه مكيف و الصدمه الثانيه اني كنت طلبت فندق بنوراليا ورد علي خالد وقال فيه فندق بنوراليا اسمه جرانفورد
طبعا وصلنا نوراليا ونشوف المناضر الزينه والاجواء وسالت السواق عن الفندق وبدا يكلم بالجوال وقال الفندق ماهو في نوراليا وطلعنا ساعتين وبدا الحر وصلنا ديره اسمه ديتالاوا بعد ماوصلنا الفندق او الزريبه جراندفورد طلع سكن عمال اقسم بالله العضيم انه فيه ريحه تخلي الواحد يستفرغ وبجمب مكان لتدريب الجيش طول الليل رمي بالرشاشات تقول حرب وتشوف انواع الصراصير طبعا لا فندق ولا يحزنون طلع قستهاوس والقهر ان خالد يقول فندق ومن زود الصدق كاتب غرفه ديلوكس حسبي الله عليه - كلمت المسمى رتشارد وقلت غير الفندق لانه والله مايقدر الواحد يتفس لا وبدون مكيفات يعني لعب لعبته رتشارد طبعا قالي ريتشارد مافيه حجز بنوراليا .طيب ليش ماقلتولي من الاول وبعدين قفل جواله انا قلت للاهل بكرا الصباح نروح لبنتوتا وحنا بالطريق نكلم السواق يكلم ريتشاد يحجز لنا بتاج ليله وابن اللذينا حجز لنا في فندق ذا بالم -------الله يخلف كنت اكثر شي ابيه نوراليا لكن غش واحتيال الشركه نكد علينا وخلانا نغير برنامجنا
طبعا حصلت واحد سعودي بالقست هاوس وكان متضايق منه حتى انه المسكين عجز ينام وسالته جاي عن طريق اي شركه قالي جت ونق
احذركم يا اخوتي من هالشركه وترا مافيه اكثر من الشركات الصادقه والنزيهه يبدو ان ريتشارد بدا بالطمع اسال الله انه ينتقم منهم
واسف على الاطاله