السلام عليكم
يعطيكم العافية والله يقويكم اخوكم حابب يستفسر لانه بصراحة بعد كرف وتعب حصلت لي حجز ok على الاماراتية يوم 4-7-2007 بوصل على كوالا لمبور وبرجع فجر 13-7-2007
الاماراتيه غالبا توصل باليوم التالي..
الساعه 2 وربع الظهر بتوقيتهم.. يعني 5 يوليو..
بس يبي لك تتاكد من مكتب السفر حقك لايكون حاجزين لك على رحلة اضافيه مواعيدها غير..
وبعدين تصير بذمتي
بس موب كأنها اقل من 9 ايام؟
Kuala Lampur+Langkawi+Malacca+Penange
ملاكا داخله عرض معليش
مالها داعي وانت ايامك قليله..
واصلا هي مدينة تاريخيه فيها اثار ايام الاستعمار وكنايسهم ومدري ايش
اللهم الا منتجع افاموسا وذا ينراج له بالسياره من كوالا..
بس المشكلة اني ادور فنادق رخيصة نوعا ما 3 نجوم وتكون في حدود 180-200 في اليوم والاهم انها تكون جمب مركز التسوق وما ادري الملاهي المائية
الملاهي المائيه ارخص غرفه عندهم فوق ال400
ماتناسب ميزانيتك..
بس وش رايك تسوي زينا يالطبقه الكادحه..
اسكن كوالا وخل المنطلق من هناك
ترا بين كوالا وصن وي لاقون 15 كيلو
صحيح اني اقدر اسافر بين المدن هذه عن طريق الفيري ولا مشوار المسافات بينهم بعيدة
الفيري بين بينانج وكوالا فقط..
وانا متأكد اذا رحت وقلت احجز رحلات داخلية من هناك او فنادق في المدن الثانية غير كوالا لمبور راح اتورط لاني ما راح الاقي
علشان كذا احجز من هنا..
وخليك على اير اسيا اقتصاديه ونظيفه..
اتمنى احد فهم رجائي هذا يعني مثلا يقول لي في كوالا في فندق اسمه كذا 3 نجوم وما عليه وقريب من مركز التسوق ونفس الشي في المدن الثانية
ابشر.. (طبعا ضمن ميزانيتك اللي محدده)
كوالالمبور العاصمه

شف اخوي بالنسبه لاغلب الفنادق الدخول الساعه2 والخروج الساعه 12 اما بالنسبه للتنقلات ماراح تحتاج طيران الا من لنكاوي لكوالا او العكس اما من كوالا لملاكا بالسياره او الباص ومن كوالا الى بينانق والعكس بالسياره او الباص اذا كنت ماتبغى طيران مشوار 4 ساعات اما من بينانق ولنكاوي والعكس عن طريق الفيري اما من ناحية الفنادق فيه في بينانق 4 نجوم باراديس ساندباي بحدود 260 الغرفه ولنكاوي موتيارا 3 نجوم بحدود 300 وفي كوالا استانا5 نجوم وفيدرال 4 نجوم بحدود290 وموقعهم قريب من الاسواق بشارع العرب هذا اللي اقدر افيدك فيه اما باقي الفنادق 3 نجوم ماعندي عنها فكره

اخوي مسافر مختب ما قصرت وماشاء الله عليك فعلا كلامك مضبوط بس انا حطيت المواعيد وما حسبت اليوم اللي قبله يعني انا بحرك من الرياض يوم 3 الساعة 8.45 مساء على الامارات ومن الامارات بحرك يوم 4 الساعة 9.25 صباحا (الله يعني على جلسة المطار) والرجوع بيكون يوم 14 اعتقد الاقلاع الساعة 12.55 مساء.
انت فاهمني الحمد لله ما حجزت على ملاكا لانه فعلا كنت بنصدم لاني مااحب شغل المعابد والتراث وعموما عطيتني فكرة اني عندي خيار اروح بالسيارة هذا اذا حبيت اروح لها
اللي فهمته من كلامك عادي ممكن اسكن كوالا واروح اليوم من اوله اقضيه في الملاهي وفالليل ارجع فندقي في كوالا صح كذا؟؟؟؟؟؟؟؟؟؟؟؟؟؟ سؤال غبي صن وي لاقون في كوالا ولا لا؟
الفيري بين بينانج وكوالا فقط. هذه فهمتها وعجبتني وافدتني بالفنادق اللي كتبتهم لي في بينانج بس لو تقولي كم تاخد وقت بالفيري عشان اوصلها وكم تتوقع يوم يكفي لها يومين مثلا عشان اقدر اضبط الحجز بين الفنادق وبين طيران اسيا ؟
بس باقي جنتنغ ما قلت لي كم يوم يكفيها واذا لقيت لي فندق عالطاير تنصحني فيه
وبيني وبينك احس لخبطة يعني لازم احدد في حجز الفندق في كوالا عدد الايام وفي نفس الوقت لازم انسق مع طيران اسيا ذهاب وعودة والفندق في جنتنغ و بينانج من جد احس لخبطة
سؤال متهور ما يمديني احجز فترتي كلها في كوالا واتنقل وفي اخر اليوم ارجع فندقي في كوالا احس اريح؟
وعلى فكرة ترى بزود على الميزانية لانه بصراحة مو كل يوم الواحد يسافر وفي انتظار ردك الكريم لاني ان شاء الله ناوي احجز من النت بكرة بالكثير.
اختي ام الجود الله يكثر من امثالك فعلا ردك اصابني في مقتل لانه ريحني وبناء عليه راح اقدر اضبط دخولي وخروجي عشان انا ما ودي احجز يوم كامل واطلع او اسافر لجزيرة ثانية ويروح عليا اليوم (طبعا مبتدئ ما ادري لسه وين بحجز كيف بوزع الايام) بس شكرا قليلة اشوفها ما قصرتي

1. الوصول بتاريخ 4/7 والمغادره فجر 13/7 يعني الاجمالي 9 ليالي


2. تقسمها على النحو التالي

اخي الفاضل
بإذن الله الحل عندي ولا يهون الباقين
اولاً برنامجك كالتالي

الوصول بتاريخ 4/7 والمغادره فجر 13/7 يعني الاجمالي 9 ليالي

تقسمها على النحو التالي

ليله في سيلانجور فندق بيراميد للراحه من السفر (سعر الليله للغرفه العاديه 400 رينجت) يتكون فندق بيراميد تاور من 549 غرفة وجناح وهذا الفندق ملاصق لفندق صن واى لاجون حيث لا يبعد عنه سوى أقل من 15 متر فقط والفندق مفتوح فى سوق صنواى بيراميد ويعتبر جزء منه كما يمكن الوصول الى مدينة الملاهى من خلاله بكل سهولة ويسر وتعتبر خدمات الفندق جيدة وننصح به لمحدودى الدخل أو العائلات الكبيرة والتى تفضل قضاء بداية الرحلة فى منتجع صنواى ويبعد الفندق عن العاصمة كوالالمبور حوالى 20 دقيقة والى المطار حوالى 45 دقيقة وخدمات الفندق جيدة والفندق افتتح منذ عامين فقط وما زال الأثاث جديد.
ليلتين في لنكاوي فندق فيدرال فيلا (سعر الليله للغرفه العاديه 300 رينجت) يقع الفندق على البحر مباشرة بالقرب من مدينة كواه عاصمة لنكاوى ويقع قريبا أيضا من شيراتون لنكاوى وعالم ما تحت الماء ومن خدمات الفندق الجاكوزى والساونا وملعب تنس وسكواش وحمام سباحة جيد بالأضافة الى الأنترنت المركزى وخدمة الغسيل والكى والليموزين وغيرها من الخدمات الأخرى
ليلتين في بينانج فندق كراون جويل (سعر الليله للغرفه العاديه 200 رينجت) ، (يتميز هذا الفندق بوجود شقق فندقية وأيضا وجوده على البحر مباشرة مع شاطئ رملى مميز ويقع الفندق بجانب فندق بارادايس مباشرة وكلاهما شقق فندقية ويصلحان لشهر العسل أو العائلات على حد سواء ويبعد الفندق عن منطقة باتو فرنجى (المفضله عند العرب) حوالى 20 دقيقة بالسيارة ومثلها الى العاصمة جورج تاون وخدمات الفندق متوسطة كونه 4 نجوم وتوجد على الشاطئ العديد من الألعاب البحرية ويمكن ترتيب رحلات الصيد والشواء من خلال الفندق.
ليلتين في جنتنج فندق فيرست وورلد (سعر الليله للغرفه الديلوكس 185 رينجت) يقع فندق فيرست وورلد فى أعلى المرتفعات وخدمات الفندق متوسطة والفندق مرتبط ببقية الفنادق ومدينة الملاهى بسلالم متحركة كما يوجد باب رئيسى لمدينة الألعاب من الطابق الأول بالفندق والذى توجد به مدينة الملاهى الخارجية والمطاعم العالمية .. واذا صادف دخولك للفندق يوم سبت أو أحد فتجد طابور ولابد من الوقوف فى الصف لأخذ رقم ثم الأنتظار لظهور رقمك على الشاشة ثم تتحرك باتجاه الكاونتر للدخول واستلام المفاتيح.
ليلتين في كوالا فندق سيتيل ميدفاللى (سعر الليله للغرفه العاديه 200 رينجت) ، (يقع على اطراف كوالا بس 10-15 رينجت بالكثير بالتاكسي و ربع ساعه وانت في قلب شارع العرب) وبعدين الفندق لاصق في اكبر مركز تجاري في جنوب شرق اسيا ( ميدفالي ميجا مول) يوم كامل مايكفي انك تخلص دوران في السوق.
المواصلات:
من سيلانجور طياره الى لنكاوي (ساعه) سعر التذكره عالماليزيه 290 رينجت للشخص ذهاب فقط
من لنكاوي الى بينانج بالفيري (ساعتين) تحجز وتشتري التذاكر عن طريق الفندق
من بينانج الى جنتنج بالباص او سياره خاصه (4-5 ساعات) تنسق مع الفندق
من جنتنج الى كوالا بالباص او السياره (ساعه) تنسق مع الفندق
اتمنى اكون وفقت في مساعدتك ولا أريد منك الا الدعاء لي بالتوفيق و الصلاح
تحياتي

الاخ مسافر دلوع ما قصرت وجزاك الله خير
فعلا افدتني وما ادري من غيرك وش كان سويت المهم انا عملت تعديلات وابغى رايك:
بروح على كوالا زي ماتفضلت واحجز يوم الوصول ان شاء الله 11.25 توقيت ماليزيا مساء اعتقد يوم بي 290 ريال
بس كذا اعتقد الفندق مفروض ادفع حق يومين يعني 4 و 5 صح؟ بفرض اني بسافر يوم 5 الى لنكاوي ؟
اليوم الثاني احاول احجر على طيران اسيا بس بصراحة مطار الاقلاع ما عرفت اختار Kuala Terengganu (TGG) او Kuala Lampur LCCT(KUL) ياليت تفهمني اخاف اورط
التذكرة بحوالي 130 ريال بس المشكلة مو كاتبين المواعيد صباحا A.M ولا P.M مساء كل اللي مكتوب:
Departs Arrives
0(KUL) 1120 (LGK)
ممكن تفيدني فيها
طبعا بروح على فندقFederal Villa Beach Resort واخذ غرفة 5 و 6 ب 200 ريال اليوم حسب موقع asia travel لين هنا اعتقد انك معي صح
تصدق حظي مالقيت حجز من لنكاوي ل بيننج على خطوط Fire Fly يوم 6 او 7 فبضطر اخذ الفيري لبيينج
وان شاء الله على فندق 8 و 9 كراون بلازا (ما ادري احس خبصت الدنيا)؟
بس باقي لي جننتنج لاني ما ادري اذا لها طيران داخلي ولا لا واذا هي تستاهل الواحد يروحها؟
بعدين طيران الى كوالا لمبور على خطوط Fire Fly
بصراحة هذا اللي فكرت فيه واحس انه يناسبني بس طبعا احب رايك خصوصا لانه يعتبر برنامجك واهنييك على اختياراتك (طبعا عدلت شوي من عندي على اللي يناسبني)
طبعا بزود الايام في كل مدينة بس ما ادري بيينج ولا لنكاوي اللي اجلس فيها اكثر اذا مارحت جننتنج يعني اللي فيها ترفيه اكثر ايهم؟
وبالنسبة للحجز من موقع اسيا ترفلز مكتوب pay-on check out طيب كذا مضمون اني حجزت الغرفة وبروح القاها دام انهم ما يسحبون الفلوس .(وهل اقدر ادفع كاش ولا لازم فيزا )؟
بصراحة انا حاسس ان الشي الممكن يخرب عليا تنسيق المواعيد بين الرحلات الداخلية يعني في نفس
اليوم ال check-out اطلع على المطار واسافر على حجزي على طول يعني هل مواعيدهم مضبوطة ولا ؟
وانا قلت اكتب الخطوات بالتفصيل عل وعسى احد يستفيد منها زي ما انا استفدت
وفي النهاية ما اقدر اقول غير الله يوفقك ويجعلها في ميزان حسناتك
ودمت دائما ........

اخي الكريم
بالنسبة للميزانية التي ذكرتها ها هي خاصة بالسكن فقط ام السكن والتذاكر او ماذا؟
ارجو الرد حتى يتسنى لي ابداء وجهة نظري في برنامجك

حياك اخوي ابوليان555 نورت
بصراحة الميزانية اللي انا حاطها هذه مصاريف السكن والتذاكر الداخلية في ماليزيا وممكن انها تزود مافي مشكلة وفي انتظار رأيك الكريم
وشكرا

1. او صن واي عشان الواحد يكتشف كوالا لمبور في اخر 3 او 4 ايام

عند الوصول بإذن الله يوم 4 لكوالا التوجه لفندق Allsom Genesis وحجز لمدة يوم بسعر 220 لليوم في غرفة deluxe (بخلي صن واي اذا رجعت)
اليوم الثاني يوم 5 حجز على خطوط آسيا أير من كوالا الى لنكاوي بسعر 130 ريال وعند الوصول الحجز في فندق Holiday Villa لمدة يومين غرفة Superior بسعر 288 لليوم( هل تكفي يومين وهل الفندق مجرب قبل كده واهم شي فيه View ولا لا)؟؟؟؟؟
يوم 7 او 8 الانطلاق الى بيننج وللاسف مالقيت حجز على fire fly بضطر اخذ الفيري
عند الوصول الى بيننج الحجز في فندق crown jewel لمدة 3 ايام بسعر 172 لليوم الواحد غرفة deluxe
(وش رايكم مناسب الفندق ومناسبة 3 ايام ولا احسن يومين واخلي جننتنج 3 ايام)؟؟؟؟
بعدين على طيران اسيا لكوالا لمبور لان بصراحة اغلب الشباب في المنتدى الله يجزاهم خير ماقصروا في ارائهم واغلبهم يقول من كوالا الى جيننتنج عادي بالسيارة وفكرت اروح بعد ما اوصل كوالا على فندق بيراميد

او صن واي عشان الواحد يكتشف كوالا لمبور في اخر 3 او 4 ايام

ياليت تفيدوني هل توزيعة الايام هذه معقولة على المدن او الجزر ولا لا يعني وش المكان اللي ازود فيه الايام و وش المكان اللي انقص فيه الايام (مع العلم انا راعي فلة يعني زحمة وملاهي) والاماكن الرومانسية حلو الواحد يروحها بس انا ماني رايح للرومانسية رايح اغير جو).
صحيح وش الافضل اجلس اكثر في سلانجور ولا كوالا لان النقطة هذه عقدتني انا كنت احسب كوالا هي العاصمة وبس وما ادري من طلعت سلانجور .
كمان الفنادق اللي اخترتها هل اعتمد على كذا واحجز؟؟؟؟؟؟؟؟؟؟
ولين الحين محد فادني اذا جيت احجز من موقع اسيا اير اي اختيار اختاره
Kuala Terengganu (TGG او Kuala Lampur LCCT(KUL)
ياليت ردكم عليا عشان لو اعتمدتوه لي راح احجز على طول مع اني كنت ناوي احجز الصباح اليوم بس شيكت ولقيت في امكانية.
طبعا ما انسى مسافر مختب اللي فاهمني
و
الاخت ام الجود اللي كانت اجابتها عليا ما قل ودل وفعلا كانت رائعة
و
الاخ مسافر دلوع اللي لو الله ثم هو ما كنت نسقت برنامجي كذا
واخيرا وليس اخرا ابو ليان555 اللي مستني رايه

وش الافضل اجلس اكثر في سلانجور ولا كوالا لان النقطة هذه عقدتني انا كنت احسب كوالا هي العاصمة وبس وما ادري من طلعت سلانجور .
سيلانقور هي المنطقه اللي فيها الملاهي المائيه صن وي لاقون
والميانز وندرلاند
ونسبيا تعتبر اقرب من كوالا الى المطار.. علشان كذا الناس يخلونها اول محطاتهم
لكن لمعلوماتك ترا مابين كوالا العاصمه وسلانقور الا 15 كيلو
يعني ولا شي..
تقدر تسكن كوالا وتزورها بالتاكسي
ولين الحين محد فادني اذا جيت احجز من موقع اسيا اير اي اختيار اختاره
Kuala Terengganu (TGG او Kuala Lampur LCCT(KUL)
كوالا ترنقانو مدينه غير.. انتبه
اللي تبيها انت كوالا لمبور.. kuala lumpur LCCT
تحياتي لكم