SAC
26-04-2022 - 12:49 am
السلام عليكم ورحمة الله وبركاته
بصراحة بحثت كثيراً عن فنادق في النمسا وذلك من خلال مواقع حجز الفنادق الكثيرة
والسؤال الذي يسدح نفسه بيننا هو
هل جميع هذه المواقع ذو ثقة وآمان على نقودنا وقريشاتنا اللي تعبنا فيها
طبعا أنا ماهمني الحجز أكيد أو مش أكيد ..
ولكن اللي يهمني لا يسرقون فلوسي :112:
هذه صورة لأغلب المواقع التي تقدم هذه الخدمة
المشكلة تنافس كبير في الأسعار بين المواقع الموضحة في الصورة
وأبغى من الخبراء اللي سبق لهم تجربة الحجز من النت يعطوني شوية تطمينات
وهل عندما أكنسل أو الغي الحجز قبل القدوم وحسب اتفاقية الالغاء طبعا
ماراح يسحبون شئ من الفلوس؟؟
والله انت طرحت موضوع حلو ومميز وياليت الأخوان يدلونا على المواقع الثقه
وانا راح أعطيك تجربتي السنه الماضيه مع موقع أسيا رووم
طبعاً كانت الرحله اندنوسيا لمدة 10 ايام ثم تايلاند لمدة 10 ايام المهم حجزت عن طريق اسيا روم وبعد يومين ارسلو ايميل ان الفنادق الي طلبتها فل
واعطوني فنادق بديله اختار منها ...ماناسبتني الفنادق فقررت الغاء الحجز ردوا قالو اوكيه قلت اوكيه
وانتظر الفلوس يوم والثاني والثالث واكلمهم قالوا احنا رجعنا المبلغ .. راجع البنك واكلم البنك قال خلهم يرسلوا فاكس واكلمهم قالوا كلم الوكيل يفك الحجز عن المبلغ ورايح جاي مابين البنك واسيا روم
أخر شي سافرت وخليت الفلوس وقلت اذا رجعت اتصرف رحت لاندنوسيا لقيت الفنادق الي طالبها فاضيه ورخيصه وكانت اسعار اسيا روم دبل تقريباً وكان وقت بطولة كأس أسيا ( الحجز تم عن طريق مكاتب بالمطار )في جاكرتا وفي بانكوك
وفي أخر يوم للرحله والا الرساله جايه ( تم ايداع مبلغ .... في حسابك ) الظاهر انهم خايفين علي علشان ماأسرف
طبعاً موقع أسيا روم من المواقع الي يمدحونها الأخوان وإلى يومك ماأدري من المتسبب بالتأخير البنك او أسيا روم وجلس المبلغ شهر تقريباً محجوز من تاريخ الحجز الي ان رجعت بالحساب
علشان كذه ياليت الأخوان يفيدونا اي أفضل نحجز عن طريق النت ولا عن طريق المكاتب السياحيه
وتقبلو اشكري وتقديري