والله اخوي سفينة الصحراء الجو بالكويت مقارب للجو بالشرقية ولكن مع وجود اجهزة التكيف في كل مكان تكون الامور افضل وحياك الله

الجو حار مع رطوبة هذه الأيام متوقع ان تنخفض الأيام القادمة...
و لكن في الليل الجو جيد لا بأس فيه...
و لكن سياحتك اعملها داخلية...
شكرا.

ياهلا ومرحبا فيك اخوي
فيه دول ومناطق تحبها حتى لو حرارتها في الستين
عندك المنطقة الشرقية , وعندك الكويت , وعندك دبي, تشهد اقبال حتى بالصيف
لآن هالثلاثه حلوين
والكويت ام الحلى كله , وصدقني مابتحس بحرارة الجو مع الوناسه , لانك جاي بهدف الوناسه والسياحه ,ولذلك بتحس ان الاجواء بارده حتى لو انها الساعه 2 الظهر
بعدين الحمد لله خلصنا شهر أغسطي يعني الازمه الكبيره راحت
توكل على الله ولا عليك
اهم شي نبي تقرير حلو من رحلتك للكويت خل نشوف التقارير الحلوه وتعلمنا جولاتك
تحياتي: سلطان الشرقية

والله يا أخوي في رطوبة لكن متوقع أن تستمر لغاية نهاية هالأسبوع وبعدها يبدا الجو بالإعتدال مع إنخفاض تدريجي للحرارة دخلنا على شهر سبتمبر يعني الجو خاصة بالليل معقول وثق تماما إنك راح تستمتع بالكويت
وحياك الله

مشكورين
الظاهر الحال من بعضه ,, وانا كنت في ألأمارات قبل اسبوعين نفس الشيئ الجو حر ورطوبه ,,طبعا احنا نعرف حرارة الصيف في الخليج بس فيه تفاوت بسيط ,, وعموما هذي بلدنا وهذا جوها والحمدلله على كل حال
بس شهر اغسطس لا يطاق ,,اذا كان في الشام يسمونه آب اللهاب اشنقول احنا ؟؟
اللهم انا نعوذ بك من حر جهنم وسمومها