إليكم بعض الصور لجمال الجبل الأخضر ذو الجو البارد
http://.html
وبحاول كل مرة اضيف لكم شيء،والمرة القادمة بجيب لكم معلومات كبيرة عن الجبل

يقوولوون الجباال الاخضر مأوى لسحاار عمان ههه

شكرا اخوي على الموضوع

ولد الامارات22
بل كان مأوى لأحرار ورجال عمان.......
هلا ولد الأمارات.... تعال زورنا...الجبل الأخضر جنة...كل أنواع الفواكة فيه،،الرمان،التفاح،الكثرى،الخوخ،المشمش،الجوز،البوت ،الكرز،العنب،الورد،وكذلك أعشاب طبية أيضا...
الحين موسم الغابات الخضراء التي تصاحب هالجو البارد العليل....
تعال وشوف بنفسك ((( سحر الطبيعة الجبلية لعمان)))

الجبل الأخضر كان من ضمن المخطط للسياحة بالسلطنه لكن كسل السائق العماني (( مرشدنا الكسول )) خلاني اهون من السياحه بعمان وأرجع من مسقط دايركت لقطر
تخيل بس انت الطريق يعني ما توقفنا من مسقط لبيتنا
أمس وصلنا بالليل واليوم لما قمت من النوم ضنيت نفسي بالسيارة مش بالبيت ههه

ماشاء الله جميل جداَ
متحمسه ليوم الخميس
ان شاء الله استمتع بالمناظر هذه

ولد الامارات22
بو ما يعرف الصقر يشويه , اسمه الجبل الأخضر ما الجبال الأخضر !!!!
اقول خليك على اليوله احسلك

بسم الله الرحمن الرحيم
بو ما يعرف الصقر يشويه , اسمه الجبل الأخضر ما الجبال الأخضر !!!!
اقول خليك على اليوله احسلك
شو فيهم العمانيين صايرين مثل الكبريت !!!!
توني طلعت من موضوع الأخت غردينيا وأشوف مرة ثانية رد كأن صاحبه بس يدور له على شي يولع فيه الموضوع !!
الأخ ما قال شي .. وفعلا معروف إن عمان فيها سحرة أو دجالين إن صح التعبير ..
ومعروف عن بهلة .. ونزوى والجبل الأخضر ..
أنا كنت ناوية أروح له هالصيف .. قالوا لي على ضحك "رايحة تزورين السحرة ؟!"
بس أنا غيرت رايي لأني أدور طبيعة خضرا ..
والأخ الإماراتي بعد قالها على سبيل المزاح ولو قريت رد الأخ صاحب الموضوع عليه كان أحسن لك من ردك وأسلوبك إلي كتبته ..
الله يهديكم بس ..أخوي الكاتب العماني
هل فعلا يكسو الجبل غابات خضرا كالتي في صلالة ؟؟
وعلى فكرة .. الصورة ما طلعت .. ما قدرت أشوفها ..
قال لي لازم تحمل الصورة .. ويوم حملتها قال حطي الكود إلي تشوفينه .. حطيت قال لي خطأ في التنزيل ..
ياريت لو تعرضها لنا بطريقة ثانية ..
وجزاك الله خير
أختك أم فيصل