السلام عليكم ورحمة الله وبركاته
حياك الله أخوي بأي وقت
بالنسبه لطريقة الوصول من المطار للفندق
لديك عدة خيارات وانت وكيفك
الخيار الأول واللي انا دائما أفضله لأنك قادم من المطار ومعاك شناط وماودك تتعب في الشيل والحط
إنك تاخذ تاكسي لأنه هو بيشيل لك ويحط لك كل شي
التاكسي بيكلفك تقريبا 20 يورو تزيد أو تنقص 2 يورو على حسب الكثافه المروريه
بالإضافه إلى كم عدد الشناط اللي معك لأنهم يزيدون تقريبا يورو واحد لكل شنطه كتعريفه
بالإضافه إلى تعريفه التوصيل من المطار وهي تقريبا 3 يورو لأنه فتحة العداد من المطار تختلف عن المدينه تكون أكثر.
وبالنسبه لمكان الفندق هو بيعرفه بمجرد ماتعطيه الاسم لأن جميع سواقين التاكسي معاهم كتاب بمخطط المدينه وجميع المرافق سواءا فنادق او مطاعم او معالم ... وفي حال إنه ماعرف بيتصل هو من جهاز اللاسلكي على المكتب وفي ثواني بيعطونه الموقع بالشارع
لكن أنا أشوف موقع الفندق اللي انت ماخذ جدا مشهور وسياحي فأكيد جميعهم بيعرفون موقعه
وانت أصلا بتعرف اسم الشارع اللي هو Ronda Universitatورقم المبنى 21 وهذا بحد ذاته كاف لمعرفة الوصف
الخيار الثاني انك تركب القطار (Renfe) من المطار وتنزل عند محطة Passeig De Gracia وبتكون مكتوبه في شاشة القطار كذا B.P.Gracia ويا تكمل على رجولك أو تاخذ تاكسي ويتكون التكلفه أقل لأن المحطه هذي قريبه جدا من فندقك
تذكره القطار بتكون 1.35 يورو واتوقع فيها زياده كم سينت لأنه بتكون راكب من المطار بس ناسي كم بالضبط
بالنسبه للوصول لمنطقة Montjuic اذا بغيت مشيا على الأقدام المسافه قريبه جدا تقريبا 3 كيلو ماتاخذ منك ولا نص ساعه والطريق كبير وواسع للمشي
واذا بغيت ركوب الباص انظر الى محطات الباص القريبه من ساحة كاتالونيا ومن هذه الساحه يوجد بها جميع الباصات اللي تؤدي الى معظم واغلب مناطق برشلونه ومنها منطقة منجويك
تحصل داخل محطة الباص ارقام الباصات اللي توقف فيها ومخطط سير الباص من البدايه للنهايه وانت ابحث عن الباص اللي يذهب الى ساحة Pl. Espanya أو parc montjuic وعلى مااذكر رقم الباصات 55 و 61 وفيه غيرها كثير
وتقدر تروح للمنطقه بالميترو طبعا بالقرب منك تماما محطة ميترو Universitat الخط رقم 1 (اللون الأحمر) اركب واتجه الى محطة Espanya راح تكون ثالث محطه من محطتك القريبه من الفندق يعني قريبه جدا ماتاخذ 10 دقائق
وبالنسبه لملعب الكامب نو
ايضا تبي بالباص أو الميترو على كيفك
اذا بالباص كثير باصات تمر وتوقف قريب من الملعب مثل باص رقم 59 و 70 و 72 و 75 و 43 وغيرها كثير
اذا لقيت مكتب معلومات السياح خذ منه خريطة الباصات بتسهل عليك كثير صح إنه أرقامها كثيره وتلخبط بس ركز وتصير سهله جدا
واذا تبي بالميترو
جنبك محطة ميترو Passeig de Gracia الخط رقم 3 (اللون الأخضر) اركبه وانطلق الى محطة Les Corts أو Palau Reialكلهم قريبات من الملعب واكيد بتكون معط خريطة برشلونه وبتكون سهله جدا عليك
اذا وقفت عند محطة Les Corts امش مع الشارع اللي بنفس اسم المحطه باتجاه الغرب وبجيك الملعب على يمينك
واذا نزلت في محطة Palau Reial امش باتجاه الشرق لين يجيك اول دوار Puis XII وانزل يمين على شارع Avinguda de Joan XXII لين تطيح في الملعب
طبعا انا اوصف لك عن طريق الخريطه الموزعه من مكتب السياحه حقهم سهله جدا جدا
واخيرا بالنسبه لغداء الفندق والعشاء صراحه ماقد اكلت في فنادقهم لكن الغالبيه اشوفهم متنوع مع دخول الخنزير ومشتقاته في أغلب الأصناف وإن شاء الله يغنيك وزياده وسم بالله قبل ماتاكل وبتشبع
وتحت
امرك بأي وقت ياعزيزي

الله يجزاك خير يا أخي العزيز وما قصرت
طيب وبالنسبة لاستخدام التكاسي داخل برشلونة هل ستكون مكلفة ؟ يعني من مكان الفندق الذي أسكن فيه الى الملعب او الى أي معلم سياحي آخر تنصحني به
صراحة انا افضل استخدام التكسي لأني وللأسف لم أتمكن من اعطاء برشلونة إلا 3 ليالي فقط ولا اريد أن اضيعها بركوب المترو
اريد أن اختصر الوقت وقد يكون التكسي مختصراً للوقت عن الميترو
أيضاً ماذا بالنسبة للباص الاحمر
هل هناك محطة قريبة مني ؟
لك كل التحية

السلام عليكم ورحمة الله وبركاته
والله دامك بتجلس 3 ليالي التاكسي غير مكلف صراحه والطرق عموما سهله ومهما كانت الزحمه الشوارع تمشي
داخل المدينه اتوقع ماراح تتعدى القيمه 10 يورو في المشوار الواحد لأني اذكر اخذت تاكسي من عند البحر الين منطقة Diagonal وكلفني تقريبا 11 يورو
بس اذا بتستخدمه في كل مشاويرك رايح جاي بيكلفك نوعا ما
ماا أدري اذا تقصد الباص الأحمر حق النقل العام
والا الباص الأحمر السياحي
اذا الباص الأحمر النقل العام في كل مكان وفي كل شارع وفي الشارع الواحد أكثر من محطه وانت جنبك ساحة كاتالونيا فيها اغلب محطات الباصات ومن ضمنها الباص السياحي أيضا

ممكن تجمع ما بين التاكسي و المترو
تروح للمكان بالتاكسي و و ترجع بالمترو .... لأن الرجعة سهلة ...
على فكرة المترو سهل و ممتع و أوفر
المشوار الواحد بالتاكسي ممكن تروح فيه 10 مشاوير بالمترو

السلام عليكم ورحمة الله وبركاته
والله أخوي الليل والنهار احترم ردك لكن انا اختلف معاك لما قلت انه ممتع
لو ميترو مدريد معليش
أغلب المقطورات قديمه , محطات الانتظظار سيئة التهويه جدا , والخط الأخضر بالذات رقم 3
اللي على طول شارع الرامبلا نصه حراميه وشحاذه ....غير المخالفين اللي يناقزون ويدخلون معاك بنفس التذكره
بالإضافه إلى يومي السبت والأحد ينعدم وجود اي موظف عند المداخل في الماكتب وأي حراسة أمن
عن نفسي أنا لا أنصح أي شخص معه عائله يركب الميترو وقد بينت وجهة نظري في هالموضع في رد سابق
هذي رأيي الشخصي عن ميترو برشلونه وتقبله مع التقدير والاحترام

اخواي sms21 والليل والنهار جزاكما الله خيراً على ردودكما
من خلال الحوار توكلت على الله ولن أقرب للمترو
أيضاً ما أقصده هو الباص الاحمر السياحي المكشوف اللي يلف بك المناطق السياحية هل له نقطة بداية أو مرور قريبة مني او من السهل الاستفادة منه أو لا تنصحني فيه ؟
لك كل التحية والتقدير

وآخر سؤال يتعلق بالمطار نفسه
لدي موعد لاستلام سيارة من مطار برشلونة على الساعة التاسعة صباحاً بإذن الله فهل الموعد مناسب للوصل من فندقي للمطار صباحاً ؟
ثم هل المطار معقد أي داخله وفي كيفيه الوصول لمرافقه ؟
عندي هذا الوصف يتحدث عن كيفية الوصول للمكتب
How to find our busses outside arrivals: - Terminal 1: Exit arrival hall and follow the parking sign G. - Terminal 2A: Exit arrival hall and turn left. - Terminal 2B: Exit arrival hall and turn right. - Terminal 2C: Exit arrival hall an go to terminal B. Our hostesses are waiting for you to direct you to the hotel bus stops. Further questions? Call us at +34-900-661166 (tollfree Spain) or +34-934-789098
فهل الامور سهلة ولن أتأخر عن موعودي ويروح الحجز علي بسبب صعوبة الأمر
لك كل التحية اخوي SMS21

SMS21
هي شغلة نسبية و تختلف من شخص لأخر
أنظف و احلى مترو شفته هو حق مدريد بصراحة ... بس مترو برشلونة مو شين بالعكس جيد و نظيف
أجل لو شفت مترو باريس وش تقول

السلام عليكم ورحمة الله وبركاته
أخي العزيز
المطار تخطيطه سهل وواضح واتبع اللوح الإرشاديه وبتلقاها في كل مكان
اذا رحلتك بتنزل في Terminal 1 المطار قديم شوي بس مرتب عادي وهذا تنزل فيه اغلب الرحلات الدوليه غير الاوروبيه
وإذا بتنزل في Terminal 2 وهذا تنزل فيه الرحلات الداخليه ومعظم رحلات دول الاتحاد الاوروبي هذا جديد ورهيب وبتنبسط فيه وودك تتمشى فيه لو 4 ساعات صاير كأنه Mall كبير صراحه هذا من أفضل المطارات اللي نزلت فيه
بس جميع مكاتب التأجير بتلقاها جنب بعض وبالترتيب وبتلقى موظفين المعلومات في كل زاويه وفي كل مربع
وبعدين مهتمين في اللوائح الإرشاديه وبتسهل عليك كل شي وإن شاء الله ما تتأخير ولا يروح عليك أي شي
أخر مره كنت في المطار T2 ماكان فيه مكاتب تأجير فاتحه لسه توه جديد وجميعها كانت في T1 بس ما أدري الحين اذا فتحوا شي أو لا
والله يوفقك يارب