تفضل بعض الملاحظات
نعم الأفضل تأخذ يوم من كوالا وتيفه إلى لنكاوي
يصير لنكاوي 4 أيام
لأنك مخصص يومين لجنتنق فبالتالي كوالا يكفيها 4 أيام
بالنسبة للحجز قبل شهر إلى شهر ونصف احجز الطيران
الفنادق إذا الحجز مسترد ممكن تحجز من الآن وتراقب الأسعار والعروض
ومتى مالقيت سعر أقل أو عرض مخفض تلغي حجز الأول وتحجز من جديد عادي
لكن لو الحجز غير مسترد أنصحك تحجز قبل السفر بشهر إلى شهر ونصف أيضا
بالنسبة لبورت ديكسون عندك منتجع قراند لكزس فيلا ديلوكس بمسبح داخلي
روعة وسعرها في حدود 650 ريال
تمنياتي لك بالتوفيق

يعطيك العافية حبيب قلبي
طيب وش رايك بالنسبة للنكاوي
أخلي كل الأربعة أيام في دانا لنكاوي أو يومين فيه ويومين في الويستن ؟
وبالنسبة لجنتنج متى أفضل وقت أروح لها
بعد بينانغ على طول !! أو أخليها آخر يومين قبل البورت ديكسون ومنها ع البورت ديكسون أو ايش رايك ؟

ياهلا وغلا ( سيد جروحي )
أتفق مع أستاذنا ( المغادرون ) ... خذ يوم من كوالا ( وأجعله ) في لنكاوي
وأحجز يومين الدانة + ويومين الويستن .... من باب التنويع
وأما ( جنتنغ ) ... من الأفضل تكون بعد ( بينانغ ) مباشرة ...
يعني هذا الترتيب النهائي :
يومين سلانجور - أربعة لنكاوي - ثلاثة بينانغ - يومين جنتنغ - أربعة كوالا - يوم البورت ديكسيون

هلا وغلا بوافيوباقي الفنادق فيه أي اقتراحات عليها
جنتنغ حطيتها بعد كوالا ومنها ع البورت ديكسون وبعدها للرياض ان شاء الله
كذا أحس أفضل .. ايش رايك ؟

هلابك ياغلانا
والله الفنادق ماعليها كلام ..، اسطورية
وبالنسبة للترتيب حلو ... لانها نفس المسافة
اعتمد طال عمرك .. ودربك خضر

ترتيبك رائع واختيار الفنادق ممتاز
بس انتبهه لايام جنتنق لا تكون السبت او الاحد اجازة الماليزين .. لان بتشوف انواع الزحمه
غير الانتظار الممل على الالعاب ...
موفق اخوي ..

يا مال العافية والله
وصايف الحجاز أشكرك ع التنبيه
عندي استفسار يا جماعه
لما حجزت التذاكر تم سحب نسبة قرابة 3% من الفيزا زيادة على سعر التذاكر
للعلم هي نفسها بطاقة بنك الانماء
لما كلمت المكتب قال لي ان كل بطاقات الفيزا تسحب مبلغ 2,5 وتاخذ منه 1,35 عمولة لها والباقي تاخذ منه فرق العملة وترجع ما تبقى للحساب
السؤال
هل اذا جيت أبغى أحجز الفنادق من بوكنق راح يصير نفس الشي ويسحبون مبلغ اضافي بنسبة 2,5 %
وهل بقية البنوك تطبق نفس الشي ولا لا ؟؟
لأني محتار هل أروح أطلع فيزا بنك الرياض مسبقة الدفع بحكم أني أملك حساب جاري فيه

^^
اول مره بحياتي اسمع ان الفيزا تاخذ عمولة ... العمولة تصير من البنك في حالة التاخير عن السداد
انا بكل حجوزاتي اسدد عن طريق الفيزا وياخذوا المبلغ بدون زيادة هللة واحده ...
بعدين ليش فرق العملة وانت اصلاا حاجز على السعودية والدفع بالريال ..
ماني فاهمة صراحه .. ؟

ولا أنا فاهم والموظفين كل واحد يعطيني كلام أصلاالفيزا من الحساب يعني مافيها سداد بعدين
بطاقة الصراف لبنك الانماء تعمل كفيزا
لكن عمولة 2,5 هذي ماني فاهم ايش قصتها
ننتظر العلم من الاعضاء