أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
الخطوط الاماراتيه تتوقف في دبي و ليس أبو ظبي و تصل الى زيورخ
طيران الاتحاد يتوقف في أبو ظبي و يصل إلى جنيف
لو حابين تغطون اغلب مناطق سويسرا أنسب توزيع يكون كالتالي
زيورخ يوم و ممكن تتوجهون مباشره الى لوزرين
لوزرين يومين
لوغانو 3 أيام و منها تزورون ميلانو لو حابين
زيرمات يومين
مونترو أو لوزان 4 أيام
جنيف 3 أيام
انترلاكن 5 أيام
زيورخ يوم
إذا ما سبق لكم زيارة فينيسيا ممكن تخصصون لها يومين خصوصا و انه الاماراتيه لديها رحلات من و الى فينيسيا
3 ايام لوقانو ×× ميلانو يوم تسوق وترجعين بنفس اليوم
5 ايام انترلاكن ×× منها تزورين لوزيرن و لوزان و بيرن اذا حبيتي بس ترى ما فيها شي.
2 يوم جنيف أو مونترو
الاخوان والاخوات ماقصرو من ناحيه الجدول
لاكن نصيحه الافضل شراء السويس باص عند وصولكم الى مطار زيورخ افضل لكم من ياخذ منكم المكتب عموله
وشراء يكون قبل ركوب القطار افضل واسهل وارخص لكم
بسم الله الرحمن الرحيم
شكرا لكم اخواتي واخواني اللي تكرموا بالرد على اسئلتي
بس عندي سؤال :
لازم ناخذ فندق في كل منطقه من المناطق اللي ذكرتهاوإلا ممكن نستقر في منطقه ونروح للثانيه نتمشى ونرجع
وبالنسبه للتنقلات زوجي يفكر اننا نستاجر سياره بس متخوفين شوي
ولكم مني كل الود
المكان اللي بتنامون فيه خذوا لكم فندق والمناطق القريبة منها طبيعي تكون الزيارة يوميا روحة ورجعة بنفس اليوم.
دامك انتي وزوجك بس فنصيحة لوجه الله ، خلوا تنقلاتكم مع العالم والخلق بالترين والمترو والبواخر شي ولا اروع.
انا احس ان السيارة اول شي تربطك لازم تدور موقف ويمكن يكون بفلوس ، وثاني شغلة خرايط وجي بي اس و استعداد ذهني اكبر من انه استعداد بدني.
انا لو يوصل عمري 40 سنة وسفرتي انا وزوجتي بس أضل افضل القطارات ، بصراحة متعة ياخي يجرب شي غريب عليه في بلده.
اذا معكم عيال خذوا سيارة تاجير مو مشكلة.
ام وليد
اسعد الله اوقاتك
من ناحية اختيارك للتنقلات ( قطار ,سيارة )
من وحهة نظري السيارة افضل ... قولي ليش لان السيارة بتكونون حرين وعلى مزاجكم يعني اي وقت حابين تروحون واي وقت حابين ترجعون علاوة على ذلك صدقيني بتكتشفون اماكن اكثر وبتستانسون واي مكان يعجبكم توقفون عنده متى ما بغيتو ... لكن القطار بصير انتو ملتزمين باوقات الذهاب والعودة وبتمرون على اماكن تقولون ياليت القطار يوقف ونشوفها.
بس كل ما سبق بيكون هناك شرط اساسي ان زوجك له خلق يسوق ويعرف يستخدم جهاز القارمن ...
هذا رائي الشخصي والباقي عليكم وتروحون وتجون بالسلامةوتشوفينا تقريرك
طيران الاتحاد يتوقف في أبو ظبي و يصل إلى جنيف
لو حابين تغطون اغلب مناطق سويسرا أنسب توزيع يكون كالتالي
زيورخ يوم و ممكن تتوجهون مباشره الى لوزرين
لوزرين يومين
لوغانو 3 أيام و منها تزورون ميلانو لو حابين
زيرمات يومين
مونترو أو لوزان 4 أيام
جنيف 3 أيام
انترلاكن 5 أيام
زيورخ يوم
إذا ما سبق لكم زيارة فينيسيا ممكن تخصصون لها يومين خصوصا و انه الاماراتيه لديها رحلات من و الى فينيسيا