اخوي العزيز ... انا ممكن اجاوب عليك في الموضوع الي اعرفه وهو التاكس فري .. وهو ان بالامكان ان تسترد التاكس فري من اي مطار لدول الاتحاد الاوربي .. انا اشتريت من باريس ولندن .. واسترجعت التاكس فري من ايطاليا .. يعني هم موحدين مطاراتهم تقريبا ....
ورمضان كريم عليك وعلي وعلى امه محمد ....
كل الحب

مشكورة أختي ميني ماوس يس ممكن أعرف كم نسبة الضريبة اللي تسترجع؟
و يا ريت أي أحد عنده معلومات عن أسئلتي يجاوبني

اهلا و سهلا اختي
و عليكم السلام
و رمضان كريم
1)حبيت أسألكم عن مكاتب التاكس فري هي متوفرة بالمطارات بس؟
في المدن الرئيسية مثل روما أو ميلانو فيه مكاتب للتاكس فري بس عنوانها بالضبط ما اذكره !
2)ايش أرخص لي لو كان معي وزن زائد و طبعا راح يكون>>>هذي ايطاليا مو لعبة أنواع الشوبينغ و الخساير

مشكور أخوي ايطالي
بس حبيت أسألك مكاتب التاكس فري اللي جوا البلد أقدر أسترد منها الضريبة حتى لو كنت مو ناوية أغادر ايطاليا؟
و بالنسبة للوزن الزايد أنا راح أتنقل بين كذا دولة أوروبية فصعبه إني أنقل معاي الشنط و بالذات في محطات القطار أتوقع الشحن بيكون أريح و إلا أنت ايش رأيك؟
ممكن أعرف كم أقدر أخذ معاي وزن زايد في الطيارة و بكم راح يحسبون لي الكيلو؟ خصوصا إن السفر بيكون في الصيف و أكيد الطيارة راح تكون زحمة

يعطيك العافيه والف شكر على المعلومات القيمه

المكاتب اللي داخل البلد بياخذون فيزا او ماستر كارد وبيعطونك بالدولار
واذا رحت المطار وما وريتهم البضاعة راح يخصمون من الكردت كارد اللي انت مقدمها
انا شريت من ايطاليا ورحت باريس ومن باريس خت التاكس فري حتى لمشترياتي اللي من ايطاليا
الاجراءات :
رحت لمكتب التاكس فري
ختمت على الفواتير
سالتني الاغراض معكم قلت ايه
قالت رح لمكتب الامريكان اكسبرس وخذ قروشك
انصح انك تروح بدري لان العملية تاخذ وقت طويل
بالنسبة للشحن الاخ ايطالي ابخص لان ما عندي خبرة
وشكرا