1. 3/ كم سعر اسئجار سيارة صغيرة لشخصين ؟

الخيال العربي
عند كذا إستفسار أتمنى أن تجيبوا عليها ولكم مني الدعاء
1/ سوف أقوم بإستخراج فيزا شنقن من السفارة الإيطالية وسأزور فقط النمسا هل مسموح بذلك أم أنهم سيمنعوني في المطار ؟
2/ المكتب سيقوم باستخراج حجز للفنادق وهمي وذلك لسرعة انهاء الاجراءات ؟

3/ كم سعر اسئجار سيارة صغيرة لشخصين ؟

شف بقول لك شئ من ناحيتي انا افضل انك تطلعه من السفاره النمساويه والسفاره النمساويه حبوبين وامورهم كلها سهالات يعني لو السفاره الالمانيه كان قلت لك انهم معقدين ومريضين نفسيا ويجيبون الهم وبيعقدونك لكن النمساويه
انت بس جمع لهم الطلبات من جوازات وصور جوازات وصور شخصيه وكشف حساب البنك وحجوزات الطيران والفنادق يضبطونها لك مكاتب السفريات ولو تبي وهميه حتى ....وطلع التأشيره الشنقن من النمسا افضل لك ....
العام انا طلعت التاشيره من التشيك ونزلت من مطار فينا ولا احد قال لي بالمطار النمساوي اي شئ ختمو جوازاتي في اقل من دقيقه يعني لانزلت المطار بفينا تراهم اخلاق وطيوبين لكن التعقيد كله بالمطارات الالمانيه والهولنديه فيهم حقد علينا كمسلمين وعرب الله يعلم فيه .....
يعني كانك ملزم على الفيزا الشنقن من السفاره الايطاليه عادي جدا بس على اساس تكون في السليم وما يسألونك
مع اني ما أظن يسوونها النمساويين لانهم محترمين لكن عن السؤال والقلق ليه ماتطلعها من السفاره الايطاليه خصوصا انه امرك بيكون مريب بالنسبه لهم يعني لو انت مطلعها من التشيكيه كان اهون لسبب انهم التشيك قريبه لهم مو مثل ايطاليا مشوار وبيستغربون لاشافوها من ايطاليا يعني كانهم بيقولون وش جاب ايطاليا لمطار فينا وبيتسألون ليه ماطلعها من سفارة النمسا .....
وارجع واكرر ترى النمساويين حبوبين واخلاقهم حلوه واذا انت ملزم من الايطاليه توكل على الله مع اني ما اشوف سبب يخليك ما تطلعها من النمساويه خصوصا انك نازل بمطار فينا .....
اما بخصوص السياره فالسياره في النمسا غاليه واضعاف قيمة اجارها في المانيا
اقترح عليك تاخذها من اقرب مدينة المانيه وفيه مدينة قريبه لسالزبورغ النمساويه بينها وبين سالزبورغ
تقريبا سبعه كيلو بس وهي مدينة المانيه وفيها مكاتب اجار السياره والله بتلاقيها ارخص بكثير
والله يحفظك ويحرسك في حلك وترحالك

1/ سوف أقوم بإستخراج فيزا شنقن من السفارة الإيطالية وسأزور فقط النمسا هل مسموح بذلك أم أنهم سيمنعوني في المطار ؟
لن يمنعك أحداً بإذن الله، و الأفضل استخراجها من نفس سفارة النمسا، إلا إذا كان هناك مبرراً
2/ المكتب سيقوم باستخراج حجز للفنادق وهمي وذلك لسرعة انهاء الاجراءات ؟
ما هو السؤال؟ عموماً ليس في ذلك مشكلة
3/ كم سعر اسئجار سيارة صغيرة لشخصين ؟
متوسط الأسعار هو 60 يورو/يوم

اخي العزيز طلعها من اي سفاره وتوكل على ربك
ماعدا المانيا لازم تكون من نفس السفار
انا قبل رمضان كنت مطلع الفيزه من السفاره البرتغاليه ونزلت فينا ولا احد كلمني ابد
اصلا الشنقل لجميع دول الاتحاد الاوربي
بالنسبه للسياره اخذت سياره صغيره من فينا لمده اسبوع وسلمتها في سالسبيرق بمبلغ الف وخمسمائه ريال سعودي فقط
تحياتي لك

طيب يالربع انا بطلع فيزا من الايطاليه .. وابوصل لمطار فيينا .. وبعد كم يوم برووح من ميونيخ الى باريس .. بيسوون لي مشاكل الالمانيين بسبب الفيزه

لا ابدا
اصلا محد راح يسالك عن الجواز الا اذا جيت بتسافر الى بلدك
مافي حدود بين الدول
يعني بالعربي توكل على ربك لو تفر اوربا كلها

المسافر نت
اقصد في مطار ميونيخ اذا جيت بسافر لباريس ....
طمنني الله يطول عمرك او عطني رايك

اخوي انا نفس برنامج بالضبط
طلعت من ميونخ الى باريس بالطائره وفيزتي من البرتغال
ولا احد سالني
تدري من الي يطلب الجواز فقط عند قص البوردنق اذا عطيتهم التذكره

المسافر نت
ما اقول الا كلمه وحده وانا صايم....((جعل ربي يوفقك))
طمنتني .. لاني خفت اتعذب معهم... في مطارهم او مطار باريس بس على كلامك اني اموري طيبه حتى لو فيزتي ايطاليه ولا يسألوني ولا شي..

شوف اخوي اذا تبي اي خدمه انا تحت امرك
وبالنسبه للموضوع الفيز تطمن الامور تساهيل
بس الاهم انت خلصت حجوزات الفنادق