عليكم السلام
البوفيهات تختلف كلن حسب مايرغ وزادت اسعارها للدبل
عندك شرفة الخليج ممتاز وسعره معقول وفيه كارلتون المعيبد ممتاز وسعره تقريبا 185 ريال
نفس الشي الموفنبيك ممتاز وسعره 185 ريال للشخص الواحد طبعا
هذا اللي افضلها انا وفيه الميرديان والشيراتون بالدمام والأسعر تقريبا من 150 الي 180 ريال
وفيه ابو نواس وغيره كثير
جرب شرفة الخليج ممتاز ومنوع 000

الاخ zazaz
هل شرفة الخليج فيه سواتر للعوائل وهل البوفية مشترك او فيه بوفية للعوائل واخر للعزاب ارجو الافادة

الجبل الاشم1
البوفيه مشترك ولكن فيه بارتشنات ممتازه وساتره
وبالغالب العزاب مايروحون لبوفيهات مفتوحه نادر جدا

فيه في الواحه روعه

شكرا لكم
والحقيقة فعلا كما قال الأخ أن الأسعار تضاعفت فبعد اتصالات على بعض الفنادق وجدت الأسعار كما ذكر الأخ zazaz
نار

انا عندي لك المطعم المناسب
دي براسا برازيل "اعتقد اسمه كذا في جزيرة الدغيثر جنب المطعم الي ماينقال اسمه السنبوك نظام بوفيه جديد اعجبني جدا واسعاره مناسبه جدا الشخص اعتقد ب 130 من غير الشراب بوفيه مفتوح للسلطات الرائعه والمقبلات والشوربة وغير ذلك 11 نوع من اللحوم والدجاج المشوي .. لحم غزال و لحم نعام وخروف وبقر واسماك وربيان ودجاج تركي صراحه تجربه رائعه انصح الكل فيها بالنسبه لي يقول العزاب مايروحون هناك انا عزابي ورحت مع شباب مرتين للمطعم هذا ومليان عائلات ولا اعرف نظام العائلات ولكن رأيت بارتشنات في المطعم ويعيبه اعتقد لو معك عائله مرور العمال بالاسياخ المشويه كل فتره لرؤية إن كنت ترغب بالصنف الذي لديهم ,,

انا شخصيا جربت شرفة الخليج
وانصحك بالغدا فيه لان المنظر مره روعه يطل على البحر ساحر
وفيه بارتشينات للعوائل ومثل ماقالوا الاخوان قبلي مافي عزاب كثير
السعر 95 ريال للشخص فقط ( مو اكيد بس مو اكثر من 100 ريال )

لا حول ولا قوة الا بالله
وليش هالارتفاع الجنوني في الأسعار
سعر الشخص الواحد يكفي عشاء لشخصين إلى اربع اشخاص ، في افضل المطاعم برا
انا جربت العشاء في بوفيه فندق مريديان ، وكان جداً ممتاز ، لكن المشكله ما اعرف السعر بصراحه ، لأن جتني دعوه من شخص عزيز ..
وجربت الأفطار في رمضان في فندق شرفة الخليج ، وفندق كارلتون المعيبد .. وجميعهم ممتازين ، بس ما اذكر الاسعار بالضبط ..
تحياتي لك وللجميع ..