معقوله وين خبراء تايلند ومرتادوها ،،،
إلى الآن لم أجد جواباً شافياً وافياً عن البخور في تايلند وما هي الطرق لمعرفة الثقات هناك ؟؟؟؟
ودمتم سالمين ،،،

السلام عليكم
بالحي العربي بجوار فندق اماري بوليفارد
يوجد العديد من محلات العود
ولكن افضلهم اليمني لا اذكر اسمة
وامينة في ناس تعاملو معاها ويمدحونها
ولكن لي صديق يمدح لاوس بجوار تايلاند عندهم عود طيب
لكن لازم الخبرة بهذه الامور

في امينه في شارع العرب وفيه غيرها بس ما اقتنعت فيهم يمكن غيري يشوف غير كذا بس هذا رأيي. والطيب بتلقاه باسعار مقاربه من اللي عندنا بالسعوديه يعني اشتري من السعوديه ارخص لك .. لكن اذا تبي تجيب كميات ممكن تحصل ناس تبيع لك جملة باسعار جيده هذي ما ادري عنها

اخوي الدولار
اخوي ابو زياد
أقدر لكم تجاوبكم ،،، وبانتظار المزيد من خبراء تايلند ،،،
ودمتم سالمين ،،،،

اخوي شنو خلص البخور في دول الخليج ؟ يعني لهدرجه الواحد يدور عليه في تايلند احنا اهل البخور ياالغالي مو تايلند ماتحصل عندهم شي مثل اللي عندنا في دول الخليج تعامل مع اهل البخور في دول الخليج وانت المستفيد خلك من بخور تايلند هم ياخذون البخور من عندنا ولا هم شعرفهم بالبخور؟

اخوي deshe1
أقدر لك تفاعلك ،،
أخي الكريم
البخور (العود) مناطقه هي اندونيسيا وماليزيا وتايلند ولاوس وكمبوديا وسنغافوره فشي طبيعي يكون أرخص بكثير مما هو في الخليج ،،
وأنا لي سابق تجربه في تجارة العود التجار اللي في الخليج يستغلون الواحد استغلال على كيف كيفك يعني يذكونه ( يسلخونه ) بالأسعار ،،،
ولمعلوميتك أخي الكريم كل تجار الخليج بضاعتهم من البخور من البلدان اللي ذكرتها لك ،، فلا تعتقد أن التجار راح يرحمونك ويساعدونك في الأسعار هذا من واقع تجربه ،،،،
لكن اللي أنا أسأل عنه هو كيف نصل للثقات في البلدان هذي علشان نجيب بضاعتنا منها ،،
ودمتم سالمين ،،،

حبيبي اسمع الكلام الصحيح
اجود الانواع الكمبودي وصعبة يتهرب انا شريته من كمبوديا وعند الجوازات بينها وبين تايلند انصحوني ارميه لان بالقانون عندهم عقوبة تهريبه تعرف شنو الاعدام ! يعني تهربيه مغامرة
واما العود التايلندي كله مغشوش ومعطر وغالي تلقاه عند اليمني وفريده العراقية وغيرهم من النصابين
نصيحة لا تفكر لان كثير قبلك فكروا
راح تلقى اصلي وطيب لكن ما راح تقدر تشتريه لان غالي

ياليت لو احد تعامل مع شخص ووثق فيه يخبرنا